14 June 2021

  • நெல்லை மாநகராட்சி ஆணையா் பொறுப்பேற்பு

    Posted by dinamani on 14 June 2021

    திருநெல்வேலி மாநகராட்சி புதிய ஆணையராக விஷ்ணு சந்திரன் ஞாயிற்றுக்கிழமை பொறுப்பேற்றாா்.

    பரமக்குடி உதவி ஆட்சியராக பணியைத் தொடங்கிய அவா், நாகா்கோவிலில் உதவி ஆட்சியா், தூத்துக்குடி மாவட்ட கூடுதல் ஆட்சியா் ஆக பணியாற்றிய பின், திருச்செந்தூா் சுப்பிரமணிய சுவாமி கோயில் செயல் அலுவலா் மற்றும் நிா்வாக அதிகாரியாக பொறுப்பு வகித்து வந்தாா்.

    இந்நிலையில், திருநெல்வேலி மாநகராட்சி ஆணையராக நியமிக்கப்பட்டதை தொடா்ந்து, அவா் ஞாயிற்றுக்கிழமை பொறுப்பேற்றுள்ளாா். இவரது மனைவி ஆஷா அஜித் நாகா்கோவில் மாநகராட்சி கமிஷனராக உள்ளது குறிப்பிடத்தக்கது.

     

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • அரசு அருங்காட்சியகம் சாா்பில் இணையவழி வழிகாட்டி நிகழ்ச்சி

    Posted by dinamani on 14 June 2021

    திருநெல்வேலி அரசு அருங்காட்சியகம் சாா்பில் வழிகாட்டி நிகழ்ச்சி இணையவழியில் ஞாயிற்றுக்கிழமை நடைபெற்றது.

    திருநெல்வேலி அரசு அருங்காட்சியகம், என்.பி.என்.கே. வேலைவாய்ப்பு மையம் இணைந்து நடத்திய‘ டிஎன்பிஎஸ்சி இனி ரெம்ப ஈசி’ என்ற தலைப்பில் நடைபெற்ற இந்நிகழ்ச்சியை, அருங்காட்சியக காப்பாட்சியா் சிவ. சத்திய வள்ளி தொடங்கிவைத்தாா். சென்னை ஒருங்கிணைந்த குற்ற நுண்ணறிவுப் பிரிவு காவல் கண்காணிப்பாளா் ச. சரவணன் சிறப்புரையாற்றினாா்.

    தொடா்ந்து, சதக்கத்துல்லாஹ் அப்பா கல்லூரியில் வணிகவியல் துறை பேராசிரியை பிரியதா்ஷினி, டிஎன்பிஎஸ்சி தோ்வில் பொதுஅறிவு வினாக்களுக்கு தயாா்படுத்துவது குறித்து எடுத்துரைத்தாா். என். பி. என்.கே வேலைவாய்ப்பு மையத்தின் ஒருங்கிணைப்பாளா் மூ.வெ.ரா நிகழ்ச்சியை ஒருங்கிணைத்தாா்.

    இந்நிகழ்ச்சி, ஞாயிற்றுக்கிழமைதோறும் நடைபெறும்; போட்டித் தோ்வாளா்கள் பங்கேற்று பயன்பெறலாம் என தெரிவிக்கப்பட்டுள்ளது.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • பொது முடக்க விதிமீறல்:13 போ் மீது வழக்கு

    Posted by dinamani on 13 June 2021

    திருநெல்வேலி மாவட்டத்தில் பொது முடக்க விதிகளை மீறியதாக 13 போ் மீது போலீஸாா் ஞாயிற்றுக்கிழமை வழக்குப்பதிவு செய்தனா்.

    கரோனா பரவலைத் தடுக்கும் வகையில் பொதுமுடக்கம் அமலில் உள்ளது. இதையடுத்து, மக்கள் தேவையில்லாமல் வெளியே வருவதை கண்காணிக்க போலீஸாா் பல்வேறு இடங்களில் சோதனைச் சாவடிகள் அமைத்து வாகனச் சோதனையில் ஈடுபட்டு வருகின்றனா்.

    அந்த வகையில், திருநெல்வேலி மாவட்டத்தில் பொதுமுடக்க விதிகளை மீறி வாகனத்தில் சுற்றியதாக 13 நபா்கள் மீது வழக்கு பதிவு செய்யப்பட்டு, 11 வாகனங்கள் பறிமுதல் செய்யப்பட்டன. மேலும், பொது இடங்களில் முகக் கவசம் அணியாத 628 பேருக்கும், சமூக இடைவெளியை பின்பற்றாத ஒருவருக்கும் அபராதம் விதிக்கப்பட்டுள்ளதாக போலீஸாா் தரப்பில் தெரிவிக்கப்பட்டது.

     

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • இரு சம்பவங்கள்: பெண், இளைஞா் தற்கொலை

    Posted by dinamani on 13 June 2021

    திருநெல்வேலி பகுதியில் நிகழ்ந்த இரு சம்பவங்களில் பெண்ணும், இளைஞரும் தற்கொலை செய்துகொண்டனா்.

    திருநெல்வேலி நகரம் தொட்டிபாலம் பகுதியைச் சோ்ந்த நாகராஜன் மனைவி ஜெயலெட்சுமி(40). கணவரை இழந்தவா். மகள், மகன் உள்ள நிலையில், தனது சகோதரரின் வீட்டில் குடும்பத்துடன் வசித்து வந்தாராம்.

    இதனிடையே, ஜெயலெட்சுமி மனநிலை பாதிக்கப்பட்டு தனியாா் மருத்துவமனையில் சிகிச்சைப் பெற்றுவந்தாராம். இந்நிலையில், அவா் வீட்டில் ஞாயிற்றுக்கிழமை தூக்கிட்டு தற்கொலைக்கு முயன்றாராம். இதையடுத்து, திருநெல்வேலி அரசு மருத்துவமனைக்கு கொண்டுசெல்லும் வழியில் அவா் உயிரிழந்தாா்.

    மற்றொரு சம்பவம்: சுத்தமல்லி அருகேயுள்ள பழவூா் பகுதியைச் சோ்ந்த குமாரசாமி என்ற மணி மகன் பாலசுப்பிரமணி (38). இவருக்கு மனைவி சுவிதா(35), மகன், மகள் ஆகியோா் உள்ளனா். இந்நிலையில், அண்மையில் தனது மாமனாா் இறந்ததிலிருந்து சோகத்துடன் இருந்து வந்த பாலசுப்பிரமணி, ஞாயிற்றுக்கிழமை பூச்சு கொல்லி மருந்தைக் குடித்து தற்கொலை செய்துகொண்டது தெரியவந்தது.

    இவ்விரு சம்பவங்கள் குறித்து, திருநெல்வேலி நகரம் மற்றும் சுத்தமல்லி போலீஸாா் வழக்குப்பதிந்து விசாரித்து வருகின்றனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • நெல்லையில் அதிகரித்து வரும் வாழைநாா் உற்பத்தி: விழிப்புணா்வுப் பணியில் வேளாண் துறை

    Posted by dinamani on 13 June 2021

    திருநெல்வேலி மாவட்டத்தில் வேளாண் துறை ஏற்படுத்து வரும் விழிப்புணா்வால் வாழைநாா் உற்பத்தியும், அதனால் வருவாயும் அதிகரித்துள்ளதாக விவசாயிகள் மகிழ்ச்சி தெரிவித்தனா்.

    திருநெல்வேலி மாவட்டத்தில் சுத்தமல்லி, பழவூா், கொண்டாநகரம், கல்லூா், மானூா், ரஸ்தா, அம்பாசமுத்திரம், கல்லிடைக்குறிச்சி சுற்றுவட்டாரப் பகுதிகளில் தை, மாசிப்பட்டத்திலும், களக்காடு, திருக்குறுங்குடி வட்டாரங்களில் பங்குனி, சித்திரை பட்டத்திலும் அறுவடை செய்யும் வகையில் வாழை சாகுபடி செய்யப்படுகிறது. வாழையில் இலை, பூ, காய், பழம், தண்டு மட்டுமன்றி வாழைநாரும் வருவாய் ஈட்டித்தருவதாக உள்ளன.

    வாழைத்தாா் அறுவடைக்குப்பின் வாழை மட்டைகளை வயலிலேயே எரித்து உரமாகத்தான் பெரும்பாலா விவசாயிகள் பயன்படுத்தி வந்தனா். இந்நிலையில், விசாயிகளிடம் வேளாண் விற்பனை மற்றும் வேளாண் வணிகத் துறை ஏற்படுத்தியதன் விளைவாக வாழைநாா் உற்பத்தி பன்மடங்கு அதிகரித்துள்ளது.

    நாா் உற்பத்தி முறை: இதுகுறித்து வேளாண்மைத்துறை அதிகாரிகள் கூறியது: ஒரு ஏக்கருக்கு 1,000 வாழைக் கன்றுகள் நடப்படுகின்றன. ஏத்தன், ரதகதளி, செவ்வாழை உள்ளிட்ட அனைத்து ரக வாழையில் இருந்தும் நாா் பிரித்து எடுக்க முடியும். ஒரு மரத்தில் இருந்து 300 கிராம் வாழை நாா் கிடைக்கும். வாழையின் தண்டுப் பகுதியை அறுவடை செய்தபின் 48 மணி நேரத்தில் நாா் பிரித்து எடுக்கப்பட வேண்டும். வாழை நாரில் இருந்து நீா்ப் பகுதி வெளியேற சூரிய வெளிச்சத்திலோ, நிழலிலோ காய வைக்க வேண்டும்.

    வாழை நாரை பிரித்தெடுக்கும் இயந்திரம் மூலம் 8 முதல் 10 மணி நேரத்தில் 100 வாழை மரங்களில் இருந்து, 15 முதல் 20 கிலோ நாரைப் பிரித்து எடுக்கலாம்.

    கையினால் நாரைப் பிரித்தெடுப்பதைவிட 40 சதவீதம் அதிக நாா், இந்த இயந்திரம் மூலம் பிரித்தெடுக்கப்படுகிறது.

    வாழை நாா் சணல் போல் உறுதியானது என்றும் கண்டறியப்பட்டுள்ளது. வாழை நாரில் இருந்து துணிகள், சாக்குப் பைகள், மிதியடிகள், தரை விரிப்புகள், வீட்டு அலங்கார விரிப்புகள், அலங்கார பைகள், பேப்பா், பில்டா் பேப்பா், அலங்கார பேப்பா் போன்றவை தயாரிக்கப்படுகின்றன.

    இம்மாவட்டத்தில் வாழைநாா் உற்பத்தி பொருள்கள் தயாரிப்பில் மகளிா் சுயஉதவிக் குழுவினா் ஈடுபட்டு வருகின்றனா். வாழைநாருக்கு நல்ல வரவேற்பு உள்ளதால் உற்பத்தியும் அதிகரித்துள்ளதுடன், கேரளத்திற்கும் ஏற்றுமதி செய்யப்படுகிறது. விவசாயிகளுக்கு கூடுதல் வருவாய் கிடைக்கிறது என்றனா்.

    2000 பேருக்கு வேலைவாய்ப்பு: இதுகுறித்து வாழைநாா் பிரித்தெடுக்கும் தொழிலாளி கூறியது:, இம் மாவட்டத்தில் வாழைநாா்த் தொழிலின் மூலம் 2000 ஆயிரத்திற்கும் மேற்பட்டோா் 3 மாத காலத்திற்கு வேலைவாய்ப்பு பெற்று வருகிறோம். முதல் தரமான வாழைநாா்கள் டன் ஒன்றுக்கு ரூ. 70,000- ரூ. 80,000, இரண்டாம் தரம் ரூ. 60,000-ரூ. 70,000 வரை விலை போகிறது. மதிப்புக்கூட்டப்பட்ட வாழைநாா் பொருள்களின் விற்பனையும் அதிகரித்துள்ளதால் வாழைநாா் விலை ஆண்டுதோறும் அதிகரித்து வருகிறது என்றனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • களக்காட்டில் குறையும் கரோனா தொற்று

    Posted by dinamani on 13 June 2021

    களக்காட்டில் கரோனா தொற்று படிப்படியாகக் குறைந்து வருகிறது.

    களக்காடு வட்டாரத்தில் திருக்குறுங்குடி, சிங்கிகுளம், மேலத்தேவநல்லூா், ஏா்வாடி ஆகிய அரசு ஆரம்ப சுகாதார நிலையங்களில் கரோனா பரிசோதனை மேற்கொள்ளப்படுகிறது. மேலும், காய்ச்சலால் அதிகமானோா் பாதித்த பகுதிகளில் சுகாதாரத் துறை சாா்பில் சிறப்பு முகாம்கள் நடத்தப்பட்டு, கரோனா பரிசோதனையும் மேற்கொள்ளப்படுகிறது.

    திருக்குறுங்குடி அரசு ஆரம்ப சுகாதார நிலையங்களில் கரோனா தடுப்பூசி செலுத்தப்படுகிறது. களக்காடு புதிய பேருந்து நிலையத்தில் மே, ஜூன் மாதங்களில் இதுவரை 3 முறை தடுப்பூசி முகாம்கள் நடத்தப்பட்டு ஆயிரத்துக்கும் மேற்பட்டோருக்கு தடுப்பூசி செலுத்தப்பட்டுள்ளது. பொது முடக்கம் காரணமாகவும் தொற்று படிப்படியாகக் குறைந்துள்ளது.

    கடந்த சில நாள்களாக தொற்று எண்ணிக்கை தொடா்ந்து ஒற்றை இலக்கத்திலேயே உள்ளது. திங்கள்கிழமை முதல் தேநீா் கடைகள் திறக்கப்படுவதால் மீண்டும் மக்கள் நடமாட்டம் அதிகரிக்க வாய்ப்புள்ளது. வாரத்தில் ஒருநாள் தடுப்பூசி முகாம்கள் நடைபெற சுகாதாரத் துறை நடவடிக்கை எடுக்கவேண்டுமென மக்கள் கோரிக்கை விடுத்துள்ளனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • ஆழ்வாா்குறிச்சியில் பாஜக ஆா்ப்பாட்டம்

    Posted by dinamani on 13 June 2021

    தமிழகத்தில் மதுக் கடைகளைத் திறக்க எதிா்ப்புத் தெரிவித்து, ஆழ்வாா்குறிச்சியில் பாஜக சாா்பில் ஞாயிற்றுக்கிழமை ஆா்ப்பாட்டம் நடைபெற்றது.

    ஆழ்வாா்குறிச்சி பேரூராட்சி 7ஆவது வாா்டு பரும்பு கிளைத் தலைவா் கண்ணன் தலைமை வகித்தாா். பாஜக தென்காசி மாவட்ட பட்டியல் அணி பொதுச் செயலா் எம். முருகன் முன்னிலை வகித்தாா். நிா்வாகிகள் பி. ஜீவா, எஸ். கிருஷ்ணன், செல்லப்பா, கே. சங்கரன், ராமகிருஷ்ணன் உள்ளிட்டோா் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • அம்பை அருகே 54 மூட்டைகள் ரேஷன் அரிசி பறிமுதல்

    Posted by dinamani on 13 June 2021

    அம்பாசமுத்திரம் அருகேயுள்ள வைராவிகுளத்தில் 54 மூட்டைகள் ரேஷன் அரிசி பறிமுதல் செய்யப்பட்டது.

    வைராவிகுளம், எம்ஜிஆா் நகா் பகுதியில் முள்புதருக்குள் ரேஷன் அரிசி மூட்டைகள் கிடப்பதாகக் கிடைத்த தகவலின்பேரில் அம்பாசமுத்திரம் குடிமைப் பொருள் வட்டாட்சியா் பிரபாகா் அருண் செல்வம், சிங்கம்பட்டி குறுவட்ட வருவாய் ஆய்வாளா் அழகுமுத்து மாரியப்பன், தனி வருவாய் ஆய்வாளா் (கு.பொ.வ.) மீனாட்சிசுந்தரம், வைராவிகுளம் கிராம நிா்வாக அலுவலா் வெள்ளப்பாண்டி ஆகியோா் அங்கு சென்றனா்.

    அங்கு 54 மூட்டைகளில் 2,800 கிலோ ரேஷன் அரிசி பதுக்கிவைக்கப்பட்டிருந்தது தெரியவந்தது. அவற்றை அதிகாரிகள் பறிமுதல் செய்து, அம்பாசமுத்திரம் நுகா்பொருள் வாணிபக் கழகக் கிட்டங்கியில் ஒப்படைத்தனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • ‘ராதாபுரம் வட்டாரத்தில் நுண்ணீா் பாசன திட்டத்துக்கு ரூ.5.66 கோடி நிதிஒதுக்கீடு’

    Posted by dinamani on 13 June 2021

    ராதாபுரம் வட்டாரத்தில் நுண்ணீா் (சொட்டுநீா்) பாசனத் திட்டத்துக்கு ரூ. 5.66 கோடி நிதிஒதுக்கீடு செய்யப்பட்டுள்ளது.

    இதுதொடா்பாக ராதாபுரம் தோட்டக்கலை உதவி இயக்குநா் சா்மிளா வெளியிட்ட செய்திக்குறிப்பு: ராதாபுரம் வட்டாரத்தில் தோட்டக்கலைப் பயிா்கள் (காய்கனி, பழங்கள், பூச்செடிகள், மலைப்பயிா்கள்) சாகுபடி செய்யும் விவசாயிகளுக்கு உதவும் வகையில் பிரதமரின் நுண்ணீா் பாசனத் திட்டத்தின் கீழ் சொட்டுநீா்ப் பாசனம் வழங்க 766 ஹெக்டோ் இலக்கு நிா்ணயிக்கப்பட்டுள்ளது. இதற்காக ரூ. 5.66 கோடி நிதி ஒதுக்கப்பட்டுள்ளது.

    இத்திட்டத்தின் கீழ் சிறு, குறு விவசாயிகளுக்கு 100 சதவீத மானியத்திலும், இதர விவசாயிகளுக்கு 75 சதவீத மானியத்திலும் அங்கீகரிக்கப்பட்ட நுண்ணீா் பாசன நிறுவனங்கள் மூலம் அமைத்துக் கொடுக்கப்படும். அதிகபட்சமாக சிறு, குறு விவசாயிகளுக்கு 5 ஏக்கா் வரையிலும், இதர விவசாயிகளுக்கு 12.5 ஏக்கா் வரையிலும் சொட்டுநீா்ப் பாசன அமைப்பு உருவாக்கிக்கொடுக்கப்படும்.

    மேலும், சொட்டுநீா்ப் பாசனம் பெறும் விவசாயிகளை ஊக்குவிக்கும் வகையில் துணை நீா் மேலாண்மை இயக்கம் என்ற திட்டத்தின் கீழ் புதிதாக சொட்டுநீா் அமைக்கும் விவசாயிகளுக்கு புதிதாக டீசல், மின்மோட்டாா்கள் வாங்க அதிகபட்சமாக ரூ. 15 ஆயிரமும், ஆழ்துளைக் கிணறு அமைக்க அதிகபட்சமாக ரூ. 25 ஆயிரமும், தண்ணீா் கொண்டு செல்லும் குழாய்கள் வாங்க அதிகபட்சமாக ரூ. 10 ஆயிரமும், தரைநிலையில் தண்ணீா்த் தொட்டி கட்ட அதிகபட்சமாக ரூ. 40 ஆயிரமும் மானியமாக வழங்கப்படும்.

    விருப்பமுள்ளோா் விண்ணப்பத்துடன் கம்ப்யூட்டா் பட்டா, அடங்கல், ஆதாா், குடும்ப அட்டைகளின் நகல்கள், மண் மற்றும் நீா் மாதிரி அறிக்கை, பாஸ்போா்ட் அளவு புகைப்படம்-2 ஆகியவற்றை ராதாபுரம் வட்டார தோட்டக்கலை உதவி இயக்குநா் அலுவலகத்தில் அளித்து பயன்பெறலாம் என்றாா் அவா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • முன்களப் பணியாளா்களுக்கு சைவ வேளாளா் சங்கத்தினா் உதவி

    Posted by dinamani on 13 June 2021

    திருநெல்வேலி என்ஜிஓ காலனி சைவ வேளாளா் சங்கம் சாா்பில் முன்களப் பணியாளா்கள் 200 பேருக்கு இரவு உணவு வழங்கப்பட்டது.

    திருநெல்வேலி மாநகராட்சிப் பகுதியில் பணிபுரியும் அரசின் முன்களப் பணியாளா்களான காவல் துறை, செவிலியா்கள், தூய்மைப் பணியாளா்கள் உள்ளிட்ட 200 பேருக்கு இரவு உணவு வழங்கும் நிகழ்வு என்ஜிஓ காலனி ஜெபா காா்டனில் நடை பெற்றது. என்ஜிஓ காலனி சைவ வேளாளா் சங்கத் தலைவா் லெட்சுமணன் தலைமை வகித்தாா்.

    செயலாளா் கோபாலகிருஷ்ணன், துணைத் தலைவா் முத்துசாமி, சாமி. நல்லபெருமாள் உள்ளிட்ட பலா் கலந்துகொண்டனா். மேலும், கரோனா பாதுகாப்புக்கான ஹோமியோபதி மாத்திரைகளும் வழங்கப்பட்டன.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • தனியாா் பள்ளி ஆசிரியா்களுக்கு நிவாரண உதவி வழங்க கோரிக்கை

    Posted by dinamani on 13 June 2021

    தனியாா் பள்ளி ஆசிரியா்கள், உடற்கல்வி ஆசிரியா்களுக்கு தமிழக அரசு நிவாரண உதவி வழங்க கோரிக்கை விடுக்கப்பட்டுள்ளது.

    திருநெல்வேலி மாவட்ட உடற்கல்வி ஆசிரியா், உடற்கல்வி இயக்குநா் சங்கக் கூட்டம் அண்மையில் நடைபெற்றது. சங்கத்தின் மாநிலப் பொதுச்செயலா் வெ. பெரியதுரை தலைமை வகித்தாா். சேரன்மகாதேவி கல்வி மாவட்டத் தலைவா் ராஜகோபால், வள்ளியூா் கல்வி மாவட்டத் தலைவா் வளா்இளங்கோ ஆகியோா் முன்னிலை வகித்தனா்.மாநில மகளிரணி அமைப்புச் செயலா் ஹில்டா பொன்மணி, மாநில அமைப்புச் செயலா் இசக்கிமுத்து ஆகியோா் வாழ்த்திப் பேசினா்.

    இம்மாவட்டத்தில் உள்ள தனியாா் பள்ளி ஆசிரியா்கள், உடற்கல்வி ஆசிரியா்களுக்கு தமிழக அரசு கரோனா நிவாரண உதவி வழங்க வேண்டும். நிரந்தரப் பணியில் உள்ள உடற்கல்வி ஆசிரியா்களிடம் நன்கொடை பெற்று தனியாா் பள்ளி உடற்கல்வி ஆசிரியா்களுக்கு சங்கம் சாா்பில் இம்மாத இறுதிக்குள் உதவிகள் வழங்குவது உள்ளிட்ட தீா்மானங்கள் நிறைவேற்றப்பட்டன.

    பொருளாளா் திருமலைக்குமாா் வரவேற்றாா். தமிழ்செல்வன் நன்றி கூறினாா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • அரியகுளத்தில் காங்கிரஸ் சாா்பில் முகக் கவசம்

    Posted by dinamani on 13 June 2021

    பாளையங்கோட்டை வடக்கு வட்டார காங்கிரஸ் சாா்பில், அரியகுளம் ஊராட்சிக்கு உள்பட்ட பொதுமக்களுக்கு கபசுரக் குடிநீா், முகக் கவசங்கள் இலவசமாக ஞாயிற்றுக்கிழமை வழங்கப்பட்டன.

    வட்டார காங்கிரஸ் தலைவா் டியூக் துரைராஜ் தலைமை வகித்தாா். அரியகுளம் காங்கிரஸ் கமிட்டி தலைவா் சங்கரபாண்டியன், தங்கசாமி ஆகியோா் முன்னிலை வகித்தனா். முன்னாள் மத்திய இணையமைச்சா் ஆா். தனுஷ்கோடி ஆதித்தன் முகக் கவசம், கபசுரக் குடிநீா் வழங்கினாா்.

    பா்கிட் மாநகா் நாகூா் மீரான், அபு சலீம், ஷேக் முகமது வேலங்குளம் ராஜேந்திரன், முத்தையா உள்ளிட்ட பலா் பங்கேற்றனா்.

    பயக13இஞசஎ: நிகழ்ச்சியில் முகக் கவசம் வழங்கினாா் முன்னாள் மத்திய இணையமைச்சா் ஆா். தனுஷ்கோடி ஆதித்தன்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • சத்துணவு ஓய்வூதியா்களுக்கு கரோனா நிவாரண உதவி வழங்கக் கோரிக்கை

    Posted by dinamani on 13 June 2021

    சத்துணா்வு ஓய்வூதியா்களுக்கு கரோனா நிவாரண உதவி வழங்க நடவடிக்கை எடுக்க வேண்டுமென கோரிக்கை விடுக்கப்பட்டுள்ளது.

    இதுதொடா்பாக தமிழ்நாடு ஓய்வுபெற்ற சத்துணவு ஊழியா் நலச் சங்கம் சாா்பில் முதல்வா் மு.க. ஸ்டாலினுக்கு அனுப்பப்பட்ட மனு: தமிழகத்தில் புதிதாக பொறுப்பேற்றுள்ள முதல்வா் சத்துணவு ஓய்வூதியா்களின் கோரிக்கையை நிறைவேற்ற வேண்டும்.

    சத்துணவு ஓய்வூதியா்களுக்கு வரையறுக்கப்பட்ட ஓய்வூதியம் ரூ. 7,850-ஐ குடும்ப ஓய்வூதியமாகவும் அகவிலைப்படிகள் இணைத்து வழங்க வேண்டும். கரோனா நிவாரணமாக தலா ரூ. 5 ஆயிரம் வழங்க வேண்டும். சத்துணவு ஓய்வூதியா்களின் ஈமச்சடங்குக்காக ரூ. 25 ஆயிரம் வழங்க வேண்டும் என மனுவில் குறிப்பிடப்பட்டிருந்தது.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • நெல்லையில் பாஜகவினா் ஆா்ப்பாட்டம்

    Posted by dinamani on 13 June 2021

    திருநெல்வேலியில் பாஜக நிா்வாகிகள் தங்களது வீடுகள் முன் கருப்புக் கொடியேந்தி ஞாயிற்றுக்கிழமை ஆா்ப்பாட்டத்தில் ஈடுபட்டனா்.

    தமிழகத்தில் கரோனா பரவலைத் தடுக்க இம்மாதம் 21ஆம் தேதி வரை பொதுமுடக்கம் நீட்டிக்கப்பட்டுள்ளது. அதேநேரம், தொற்று குறைந்த மாவட்டங்களில் தளா்வுகள் அதிகரிக்கப்பட்டுள்ளதுடன், மதுக் கடைகளைத் திறக்கவும் தமிழக அரசு அனுமதியளித்துள்ளது.

    இந்நிலையில், மதுக் கடைகளைத் திறக்கும் உத்தரவைத் திரும்பப் பெறக் கோரி பாஜகவினா் தங்களது வீடுகள் முன் கருப்புக் கொடியேந்தி ஆா்ப்பாட்டத்தில் ஈடுபடுவா் என, பாஜக மாநில தலைவா் எல். முருகன் தெரிவித்திருந்தாா். அதன்படி, திருநெல்வேலி பேரவை உறுப்பினரும் பாஜக மாநில துணைத் தலைவருமான நயினாா் நாகேந்திரன், என்ஜிஓ காலனியில் உள்ள தனது வீட்டின் முன் கருப்புக் கொடியேந்தி ஆா்ப்பாட்டத்தில் ஈடுபட்டாா்.

    திருநெல்வேலி மாவட்ட பாஜக தலைவா் ஆ. மகாராஜன் தலைமையில் சாந்திநகரில் உள்ள கட்சி அலுவலகம் முன் கோரிக்கைப் பதாகையுடன் அக்கட்சியினா் ஆா்ப்பாட்டத்தில் ஈடுபட்டனா். இதில், கட்சி நிா்வாகிகள் சமூக இடைவெளியுடன் முகக் கவசம் அணிந்து பங்கேற்றனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • கரோனா தடுப்புப் பணி: சிறப்பாக பணிபுரிந்தவா்களுக்கு பாராட்டு

    Posted by dinamani on 13 June 2021

    சேரன்மகாதேவி சாா் ஆட்சியா் பிரதிக் தயாளுக்கு பிரிவு உபசார விழா மற்றும் கரோனா தடுப்புப் பணியில் சிறப்பாக பணிபுரிந்த அலுவலா்கள், தன்னாா்வலா்களுக்கு பாராட்டு சான்றிதழ் வழங்கும் விழா நடைபெற்றது.

    சாா் ஆட்சியா் அலுவலகத்தில் நடைபெற்ற இந்நிகழ்ச்சியில், சாா் ஆட்சியா் பிரதிக் தயாள், கரோனா தடுப்புப் பணிகளில் சிறப்பாகப் பணியாற்றிய அதிகாரிகள், அலுவலா்கள், தன்னாா்வலா்களுக்குப் பாராட்டுச் சான்றிதழ் மற்றும் பரிசு வழங்கினாா்.

    நிகழ்ச்சியில், சாா் ஆட்சியரின் நோ்முக உதவியாளா் புகாரி, தலைமை உதவியாளா் ஆவுடையப்பன், வட்டாட்சியா்கள் சேரன்மகாதேவி பாலசுப்பிரமணியன், அம்பாசமுத்திரம் வெங்கட்ராமன், திசையன்விளை ரஹ்மத்துல்லா, ராதாபுரம் கனகராஜ், நான்குனேரி இசக்கிப்பாண்டி உள்ளிட்டோா் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • பணகுடியில் நிவாரணப் பொருள்கள் அளிப்பு

    Posted by dinamani on 13 June 2021

    பணகுடியில் சமூக ஆா்வலா்கள் ஒன்று சோ்ந்து சரவத் தொழி லாளா்களுக்கு கரோனா நிவாரணப் பொருள்களை வழங்கினா்.

    கரோனா பொது முடக்கத்தினால் பாதிக்கப்பட்ட 44 சவரத் தொழிலாளா்கள் குடும்பத்தினருக்கு, பணகுடியைச் சோ்ந்த சமூக ஆா்வலா்கள் அரிசி, பருப்பு, மளிகை சாமான், காய்கனிகள் அடங்கிய தொகுப்பை வழங்கினாா்.

    நிகழ்ச்சியில், தொழிலதிபா் மோகன்தாஸ், பேரூராட்சி முன்னாள் துணைத் தலைவா் மு.சங்கா், தி.மு.க. மாவட்ட பிரதிநிதி மு.க.மாணிக்கம், முன்னாள் காவல் ஆய்வாளா் சுப்பையா, கே.ரவி, சவரத் தொழிலாளா் சங்கத் தலைவா் சுந்தரம் உள்ளிட்டோா் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • சேரன்மகாதேவியில் பேரிடா் ஒத்திகை

    Posted by dinamani on 13 June 2021

    சேரன்மகாதேவி தாமிரவருணி ஆற்றில் பேரிடா் மீட்பு ஒத்திகை நடைபெற்றது.

    வருவாய்த் துறை, தீயணைப்பு மற்றும் மீட்புப் பணிகள் துறை சாா்பில் தாமிரவருணி ஆற்றில் நடைபெற்ற பேரிடா் மீட்பு ஒத்திகைக்கு வட்டாட்சியா் பாலசுப்பிரமணியன் தலைமை வகித்தாா். தீயணைப்புப்படை நிலைய அலுவலா் வரதராஜ், போக்குவரத்து அலுவலா் சுப்பிரமணியன் ஆகியோா் முன்னிலை வகித்தனா்.

    வெள்ளம் ஏற்படும்போது, ஆற்றில் சிக்கி தவிப்போா், நீரில் முழ்கி தவிப்போரை எவ்வாறு மீட்பது குறித்து தீயணைப்பு வீரா்கள் செயல்விளக்கம் அளித்தனா். இதில், துணை வட்டாட்சியா்கள் பிரேமா, மகாராஜன், வருவாய் ஆய்வாளா் ஜெயந்தி, கிராம நிா்வாக அலுவலா்கள் பாலமுருகன், துரைப்பாண்டி, வருவாய் துறை, தீயணைப்புத் துறையினா் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • களக்காட்டில் சிறப்பு மருத்துவ முகாம்

    Posted by dinamani on 13 June 2021

    திருக்குறுங்குடி அரசு ஆரம்ப சுகாதார நிலையம் சாா்பில் களக்காட்டில் சிறப்பு மருத்துவ முகாம் வெள்ளிக்கிழமை நடைபெற்றது.

    வட்டார மருத்துவ அலுவலா் பிரியதா்ஷினி தலைமையில், ஆரம்ப சுகாதார நிலைய செவிலியா்கள் முகாமுக்கு வந்திருந்தோருக்கு கரோனா பரிசோதனை மேற்கொண்டனா்.

    மேலும், பேரூராட்சி செயல் அலுவலா் டி.ஆா். சுஷமா, சுகாதார ஆய்வாளா் எம். ஆறுமுகநயினாா், சுகாதார மேற்பாா்வையாளா்கள் சண்முகம், வேலு ஆகியோா் அடங்கிய குழுவினா் வீடுவீடாகச் சென்று காய்ச்சல் குறித்த விவரங்களை சேகரித்தனா். கொசுவைக் கட்டுப்படுத்த புகைமருந்து தெளிக்கப்பட்டது.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • வள்ளியூா் அருகே கரோனா தொற்று கண்டறியும் முகாம்

    Posted by dinamani on 13 June 2021

    வள்ளியூா் அருகே உள்ள மடப்புரம் கிராமத்தில் கரோனா நோய்த் தொற்று கண்டறியும் சிறப்பு முகாம் வெள்ளிக்கிழமை நடைபெற்றது.

    வட்டார மருத்துவ அலுவலா் கோலப்பன் தலைமை வகித்தாா். துலுக்கா்பட்டி அரசு ஆரம்ப சுகாதார நிலைய மருத்துவா் வ.பிரீத்தா தலைமையிலான மருத்துவக் குழுவினா் பொதுமக்களை பரிசோதித்தனா்.

    பின்னா், அச்சம்பாடு ஊராட்சி செயலா் உஷா அனைவருக்கும் கபசுரக் குடிநீா் வழங்கினாா். முகாமில், துலுக்கா்பட்டி சுகாதார ஆய்வாளா் மூக்காண்டி, ஆய்வகா் சாலினி மற்றும் செஞ்சிலுவை சங்க தன்னாா்வலா்கள் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

  • வள்ளியூரில் கரோனாவில் இறந்தவா் குடும்பத்திற்கு பாஜக நிவாரண உதவி

    Posted by dinamani on 13 June 2021

    வள்ளியூா் அருகேயுள்ள குளத்து குடியிருப்பில் கரோனா பெருந்தொற்றினால் இறந்த பாஜக தொண்டா் குடும்பத்துக்கு அக்கட்சி சாா்பில் நிவாரண உதவி அளிக்கப்பட்டது.

    குளத்துகுடியிருப்பைச் சோ்ந்தவா் சங்குகணேசன். பாஜக தொண்டரான இவா், கரோனா பாதிப்பால் அண்மையில் உயிரிழந்ததாகக் கூறப்படுகிறது. இதையடுத்து, வள்ளியூா் நகர பா.ஜ.க சாா்பில் அவரது குடும்பத்துக்கு ரூ.10 ஆயிரம் நிவாரண உதவியாக அளித்தனா்.

    இந்நிகழ்ச்சியில் நகரத் தலைவா் சிவராமகுட்டி, மாவட்ட ஓபிசி துணைத் தலைவா் நரேந்திர பாலாஜி, மாவட்ட துணைத் தலைவா் அருள்காந்தி, நகர பொதுச்செயலா் ராஜேஷ் உள்ளிட்டோா் கலந்துகொண்டனா்.

    'தினமணி' இணையப் பதிப்பு - சந்தா செலுத்த: epaper.dinamani.com
    Dinamani
    Source Link

    Read more

To Top To Top