20 June 2019

  • விபத்தில் காயமடைந்தவர் சிகிச்சை பலனின்றி பலி

    Posted by dinakaran on 19 June 2019

    ஆலங்குளம், ஜூன் 19: ஆலங்குளம் அருகே கரும்புளியூத்து மேலத்தெருவை சேர்ந்தவர் அந்தோணி கோவில் பாக்கியம் (41). ஆலங்குளம் ரேஷன் அரிசி குடோனில் லோடுமேனாக வேலை பார்த்து வந்தார். கடந்த 16ம் தேதி மனைவி மேகலாவுடன் நல்லூருக்கு சென்றுவிட்டு பைக்கில் ஊருக்கு திரும்பினார். நெல்லை - தென்காசி சாலையில் தனியார் மில் அருகே செல்லும்போது எதிரே வந்த லாரி, அந்தோணி பைக் மீது மோதியது. இதில் தம்பதியினர் தூக்கி வீசப்பட்டு  காயமடைந்தனர். அருகில் இருந்தவர்கள் இருவரையும் மீட்டு ஆம்புலன்ஸ் மூலம் நெல்லை அரசு மருத்துவமனைக்கு அனுப்பி வைத்தனர். அங்கு இருவருக்கும் சிகிச்சை அளிக்கப்பட்ட நிலையில், நேற்று அதிகாலை அந்தோணி கோவில் பாக்கியம் சிகிச்சை பலனின்றி பரிதாபமாக உயிரிழந்தார். இதுகுறித்து ஆலங்குளம் போலீசார் வழக்கு பதிந்து விசாரணை நடத்தி வருகின்றனர்.

    Source Link

    Read more

  • தீண்டாமை கடைப்பிடிக்காத ஊராட்சியாக உசிலங்குளம் தேர்வு

    Posted by dinakaran on 19 June 2019

    நெல்லை, ஜூன் 19: நெல்லை மாவட்டத்தில் தீண்டாமை கடைபிடிக்காத ஊராட்சியாக உசிலங்குளம் தேர்வு செய்யப்பட்டு உள்ளது. இதற்கான பரிசாக ரூ.10 லட்சத்திற்கான காசோலையை கலெக்டர் ஷில்பா வழங்கினார். நெல்லை மாவட்டம் குருவிகுளம், ஊராட்சி ஒன்றியத்திற்குட்பட்ட செட்டிக்குளம் குக்கிராமம் உள்ளடங்கிய உசிலங்குளம் ஊராட்சி, தீண்டாமை கடைபிடிக்காத ஊராட்சியாக 2018-19ம் ஆண்டிற்காக தேர்வு செய்யப்பட்டுள்ளது. இதற்கான பரிசுத் தொகையான ரூ.10 லட்சத்தை சம்பந்தப்பட்ட வட்டார வளர்ச்சி அலுவலரிடம் மாவட்ட கலெக்டர் ஷில்பா பிரபாகர் சதீஷ் வழங்கி பாராட்டு தெரிவித்தார். பின்னர், கலெக்டர் ஷில்பா கூறியதாவது: செட்டிக்குளம் ஊராட்சியில் அனைவருக்கும் பொதுவான பொது மயானம், உசிலங்குளம் மற்றும் செட்டிகுளம் கிராமங்களில் மயானம் தலா ஒன்று உள்ளது. இம்மயானங்களை இக்கிராம மக்கள் பொதுவாக பயன்படுத்தி வருகின்றனர். பொது கிணறுகளில் அனைத்து சமுதாயத்தினரும் தண்ணீர் எடுத்து பயன்படுத்தி வருகின்றனர். கோயில்களில் நடைபெறும் விழாக்களில் அனைத்து சமுதாயத்தினரும் கலந்து கொண்டு வழிபாடு செய்து வருகின்றனர். இந்த ஊராட்சியில் தீண்டாமை மற்றும் மதசார்புடைய வழக்குகள் எதுவும் காவல் துறை ஆவணங்களில் இல்லை என்ற விபரம் தெரிவிக்கப்பட்டு உள்ளது. எனவே, தீண்டாமை கடைபிடிக்காத ஊராட்சியாக தேர்வு செய்யப்பட்டு ரூ.10 லட்சம் பரிசுத்தொகை வழங்கப்படுகிறது. இதேபோல் மாவட்டத்தில் உள்ள அனைத்து ஊராட்சிகளும் பரிசுத்தொகையை பெற வேண்டும். இவ்வாறு கூறினார். நிகழ்ச்சியில், மாவட்ட ஆதிதிராவிடர் நல அலுவலர் கீதா, வட்டார வளர்ச்சி அலுவலர் னிவாச சுடலைமுத்து உள்பட பலர் கலந்து கொண்டனர்.

    Source Link

    Read more

  • நாங்குநேரி யூனியனில் சுகாதார பணியாளர்களுக்கு 4 மாதமாக ஊதியம் நிறுத்தம்

    Posted by dinakaran on 19 June 2019

    நாங்குநேரி, ஜூன் 19: நாங்குநேரி ஊராட்சி ஒன்றிய கிராமங்களில் சுமார் 300க்கும் மேற்பட்ட பெண்கள், கிராம சுகாதாரப் பணியாளர்களாக வேலை செய்து வருகின்றனர். இவர்களுக்கு, நாள் ஒன்றுக்கு 320 ரூபாய் ஊதியமாக வழங்கப்பட்டு வந்தது. இந்நிலையில் கடந்த 4 மாதங்களாக ஊதியம் வழங்கவில்லை என ஊழியர்கள் தரப்பில் தெரிவிக்கப்படுகிறது. இதுகுறித்து புகார் அளித்தால் தங்களுக்கு பணிகள் மறுக்கப்படும் என அஞ்சுவதால் ஊழியர்கள் வெளியில் கூற முடியாமல் தவித்து வருகின்றனர். எனவே நாங்குநேரி பகுதி கிராமப்புற சுகாதாரப் பணியாளர்களுக்கு ஊதிய நிலுவையினை உடனே வழங்க நடவடிக்கை எடுக்க வேண்டும் என கோரிக்கை விடுத்து உள்ளனர்.

    Source Link

    Read more

  • திருக்குறுங்குடியில் வாறுகால் அடைப்பால் தெருவில் பெருக்கெடுக்கும் சாக்கடை நீர்

    Posted by dinakaran on 19 June 2019

    களக்காடு, ஜூன் 19: களக்காடு அருகே உள்ள திருக்குறுங்குடி  லெவஞ்சிபுரம் பள்ளிவாசல் தெருவில் 600க்கும் மேற்பட்டோர் வசித்து  வருகின்றனர். இந்த பகுதியில் உள்ள சாக்கடை மற்றும் கழிவுநீர் வெளியேற  பள்ளிவாசல் தெருவில் வாறுகால் அமைக்கப்பட்டுள்ளது. அப்பகுதியில் உள்ள  வீடுகளில் தேங்கும் கழிவு மற்றும் சாக்கடை நீர் இந்த வாறுகால் வழியாக  செல்கிறது. இந்நிலையில் இந்த வாறுகாலில் அடைப்பு ஏற்பட்டுள்ளதாக  கூறப்படுகிறது. இதனால் வாறுகால் நிரம்பி சாக்கடை மற்றும்  கழிவுநீர்கள் தெருவில் ஆறுபோல் பெருக்கெடுத்து ஓடுகிறது. தற்போது  திருக்குறுங்குடி பகுதியில் சாரல் மழை தீவிரமடைந்து உள்ளதால் மழைநீரும்  சாக்கடை நீருடன் சேர்ந்து செல்கிறது. தெருவில் சாக்கடை நீர்  பெருக்கெடுப்பதால் அப்பகுதியில் சுகாதார சீர்கேடும் ஏற்பட்டுள்ளது. தெருவில் தேங்கி கிடக்கும் கழிவுகள் மற்றும் சாக்கடைக்குள் இறங்கித்தான்  பொதுமக்கள் செல்ல வேண்டிய நிலை நிலவுகிறது. இதையடுத்து நோய்கள் பரவும்  அபாயமும் ஏற்பட்டுள்ளது. டூவீலர்களில் செல்வோர்கள் சாக்கடையில் சிக்கிக்  கொள்வதால் அங்கு அடிக்கடி விபத்துகள் ஏற்பட்டு வருவதாகவும் அப்பகுதியினர்  புகார் தெரிவிக்கின்றனர். எனவே திருக்குறுங்குடி பேரூராட்சி  நிர்வாகத்தினர், உடனடி நடவடிக்கை எடுத்து, வாறுகாலில் உள்ள அடைப்புகளை அகற்ற  வேண்டும் என்று நெல்லை மாவட்ட இந்திய கம்யூ. துணை செயலாளர் பெரும்படையார்  கோரிக்கை விடுத்துள்ளார்.

    Source Link

    Read more

  • கிரியம்மாள்புரம்-பத்தல்மேடு சாலை குண்டும் குழியுமாக மாறியது

    Posted by dinakaran on 19 June 2019

    வீரவநல்லூர், ஜூன் 19: வீரவநல்லூர் அருகே பத்தல்மேடு கிராமத்திற்கு செல்லும் குண்டும் குழியுமான சாலையால் பொதுமக்கள் கடும் அவதியடைந்து வருகின்றனர். பாப்பாக்குடி ஒன்றியத்திற்குட்பட்ட அரிகேசவநல்லூர் ஊராட்சியில் தாழையடிகாலனி, பத்தல்மேடு, தென்திருப்புவனம் உள்ளிட்ட பல்வேறு கிராமங்கள் உள்ளன. இங்கு சுமார் 200க்கும் மேற்பட்ட குடும்பத்தினர் வசித்து வருகின்றனர். விவசாயத்தை மட்டுமே நம்பி வாழும் இப்பகுதி மக்கள் குண்டும் குழியுமான சாலையால் தினந்தோறும் பல்வேறு இன்னல்களுக்கு ஆளாகின்றனர். இப்பகுதியிலிருந்து பொதுமக்கள் முக்கூடல் சந்தை, மத்திய அரசின் பீடி தொழிலாளர்கள் நல மருத்துவமனை, பள்ளிகூடம் உள்ளிட்ட பல்வேறு அத்தியாவசிய தேவைகளுக்கு முக்கூடலுக்கு வருவதற்கு இந்த ஒருவழிப்பாதையே உள்ளது. கிரியம்மாள்புரத்திலிருந்து முக்கூடல் ஆற்றுப்பாலம் வரை சுமார் 2 கி.மீட்டர் தூரம் இச்சாலையானது படு மோசமான நிலையில் உள்ளது. சுமார் 20 ஆண்டுகளுக்கு முன்னர் போடப்பட்ட இந்த சாலையானது தற்போது குண்டும் குழியுமாகி நடக்ககூட லாயக்கற்ற நிலையில் உள்ளது. இதனால் அவசரத்திற்கு ஆம்புலன்ஸ் கூட உடனே வரமுடியாத நிலை உள்ளது. சாலை மோசமாக உள்ளதால் பள்ளி வேன்களும் குழந்தைகளை ஏற்றி செல்வதில் சிரமப்பட்டு வருகிறது. மேலும் சாலையின் இருபுறமும் வயல்வெளிகள் உள்ளதால் கரணம் தப்பினால் மரணம் என்ற நிலையில் வாகனத்தை ஓட்ட வேண்டிய நிலை உள்ளது.  தென்திருப்புவனம் கிராமத்தில் புகழ்பெற்ற தெட்சிணாமூர்த்தி கோயில் உள்ளது. இக்கோயிலில் குருபகவான் கால்மாற்றி அமர்ந்து பக்தர்களுக்கு அருள்பாலித்து வருகிறார். பிரசித்திபெற்ற இக்கோயிலும் இவ்வழிப்பாதையில் உள்ளதால் வெளியூர்களிலிருந்து வரும் பக்தர்கள் மோசமான சாலையால் வேதனையடுந்து செல்கின்றனர். எனவே சம்பந்தப்பட்ட அதிகாரிகள் விரைந்து நடவடிக்கை எடுத்து உடனடியாக இப்பகுதியில் சாலை வசதி செய்துதரவேண்டும் என்பது பொதுமக்களின் கோரிக்கையாகும்.கண்டுகொள்ளாத அதிகாரிகள் இதுகுறித்து அப்பகுதியை சேர்ந்த கூட்டுறவு வங்கி தலைவர் இருளப்பன் கூறியதாவது, எங்களது பகுதியில் போடப்பட்ட சாலையானது சிதிலமடைந்து பல ஆண்டுகள் ஆகியும் அதிகாரிகள் கண்டுகொள்ளாமல் உள்ளனர். தற்போது கிரியம்மாள்புரம் ஊருக்குள் சாலை அமைக்கும் பணி நடந்து வருகிறது. இதனை பத்தல்மேடு கிராமம் வழியாக அரிகேசவநல்லூர் ரோடு வரை தொடர வேண்டும். சாலைகள் படுமோசமாக உள்ளதால் இரவு நேரங்களில் டூவிலிரில் வரும்போது தடுமாறி வயலுக்குள் பாயும் நிலை உள்ளது. எனவே அதிகாரிகள் இப்பகுதியில் சாலை அமைத்து எங்களுக்கு வழிகாட்டவேண்டும் என்றார்.

    Source Link

    Read more

  • பாலத்தின் தடுப்பு சுவரில் மொபட் மோதி பெண் பலி

    Posted by dinakaran on 19 June 2019

    கடையநல்லூர், ஜூன் 19:  புளியங்குடி மலையடிக்குறிச்சியை சேர்ந்தவர் முத்தையா மனைவி முத்தாட்சி (40). இவரும், புளியங்குடி அண்ணா நகரை சேர்ந்த ராமகிருஷ்ணன் மனைவி பரமேஸ்வரி (36) என்பவரும் தோழிகள். கடந்த 16ம் தேதி இரவு கடையநல்லூரில் உள்ள உறவினர் வீட்டிற்கு சென்றுவிட்டு இருவரும் மொபட்டில் ஊருக்கு திரும்பி கொண்டிருந்தனர். புன்னையாபுரத்தில் வரும்போது அங்குள்ள பாலத்தின் தடுப்பு சுவரில் மோதி பள்ளத்தில் இருவரும் விழுந்தனர். இதில் பைக்கை ஓட்டி வந்த முத்தாட்சி சம்பவ இடத்திலேயே பலியானார். பரமேஸ்வரி படுகாயங்களுடன் சிகிச்சைக்காக தென்காசி அரசு மருத்துவமனையில் சேர்க்கப்பட்டார். இதுகுறித்து சொக்கம்பட்டி எஸ்ஐ முத்துராஜா வழக்கு பதிந்து விசாரணை நடத்தி வருகிறார்.

    Source Link

    Read more

  • ஓய்வுபெற்ற சத்துணவு அமைப்பாளர்களுக்கு பாராட்டு விழா

    Posted by dinakaran on 19 June 2019

    நெல்லை, ஜூன் 19: கல்லிடைக்குறிச்சி சித்ரா தொடக்கப்பள்ளி சத்துணவு அமைப்பாளர் மணி, வீரவநல்லூர் டிடிடிஏ தொடக்கப்பள்ளி சத்துணவு அமைப்பாளர் முருகன் ஆகியோர் பணி ஓய்வுபெற்றனர். இவர்களுக்கு பாராட்டு விழா, சேரன்மகாதேவி யூனியன் கூட்டரங்கில் நடந்தது. பிடிஓக்கள் ருக்மணி, விஜயலட்சுமி ஆகியோர் தலைமை வகித்தனர். அலுவலக மேனேஜர் ராஜேஸ்வரன், சத்துணவு மேனேஜர் முன்னிலை வகித்தனர். சேரன்மகாதேவி ஊராட்சி ஒன்றிய பள்ளி அமைப்பாளர் பரந்தாமன் வரவேற்றார். பத்தமடை பள்ளி அமைப்பாளர் சொர்ணம், கல்லிடைக்குறிச்சி சரஸ்வதி தொடக்கப்பள்ளி அமைப்பாளர் செய்யதலி பாத்திமா, புதூர் ஊராட்சி ஒன்றிய பள்ளி அமைப்பாளர் ஜெஸிந்தாராணி உள்பட பலர் வாழ்த்தி பேசினர். சக்திகுளம் கமிட்டி அரிசன தொடக்கப்பள்ளி அமைப்பாளர் சேகர் நன்றி கூறினார்.  பணி ஓய்வுபெற்ற மணி, முருகன் ஏற்புரை வழங்கினர். இவர்களுக்கு நினைவு பரிசு வழங்கப்பட்டது. அரசு ஊழியர்கள், ஆசிரியர்களை போல் சத்துணவு பணியாளர்களுக்கும் மாத இறுதியில் சம்பளம் வழங்கி வரும் வட்டார வளர்ச்சி அதிகாரி, சத்துணவு மேனேஜர் மற்றும் சத்துணவு பிரிவு எழுத்தர் கங்காதரன் ஆகியோருக்கு பணியாளர்கள் சார்பில் நன்றி தெரிவிக்கப்பட்டது.  

    Source Link

    Read more

  • தென்காசியில் பாஜ நிர்வாகிகள் ஆலோசனை கூட்டம்

    Posted by dinakaran on 19 June 2019

    தென்காசி, ஜூன் 19:  தென்காசியில் நெல்லை மேற்கு மாவட்ட பாஜ நிர்வாகிகள் ஆலோசனை கூட்டம் நடந்தது. மாவட்ட தலைவர் அன்புராஜ் தலைமை வகித்தார். பொதுச்செயலாளர்கள் பாலகுருநாதன், ராமராஜா, பொருளாளர் ராஜேஷ்ராஜா முன்னிலை வகித்தனர். கூட்டத்தில் உறுப்பினர் சேர்க்கையை தீவிரப்படுத்துவது, 21ம் தேதி உலக யோகா தினத்தை முன்னிட்டு யோகாசன நிகழ்ச்சிகளை நடத்துவது என்பது உள்ளிட்ட பல்வேறு தீர்மானங்கள் நிறைவேற்றப்பட்டது. மேலும் மாநில தலைவர் மற்றும் கோட்ட அமைப்பு செயலாளர் வழிகாட்டுதலின்படி புதிய பார்வையாளர்களாக கடையம், பாப்பாக்குடிக்கு மாறவர்மன், முக்கூடல் - பாலமுருகன், ஆலங்குளம் ஒன்றியம், நகரம்-  முருகேசன், கீழப்பாவூர் ஒன்றியம், நகரம்- அருள்செல்வன், தென்காசி ஒன்றியம், நகரம் -ராஜேஷ், செங்கோட்டை ஒன்றியம், நகரம், புதூர் - ராமநாதன், கடையநல்லூர் ஒன்றியம், நகரம் - பாலகிருஷ்ணன், மேலகரம், இலஞ்சி, குற்றாலம் - செந்தூர்பாண்டியன், சுரண்டை, சாம்பவர்வடகரை - ஆறுமுகச்சாமி, வடகரை, பண்பொழி, அச்சன்புதூர் - வாசன், ஆய்க்குடி, சுந்தரபாண்டியபுரம் - பவுன்ராஜ், புளியங்குடி நகரம் ராமராஜா, சங்கை ஒன்றியம் ராதாகிருஷ்ணன், வாசு ஒன்றியம், நகரம், ராயகிரி, சிவகிரி - பாண்டித்துரை, மேலநீலிதநல்லூர் ஒன்றியம் முத்துப்பாண்டியன், சங்கை நகர், குருவிகுளம், திருவேங்கடம் சுப்பிரமணியன் ஆகியோர் நியமிக்கப்பட்டு உள்ளனர்.

    Source Link

    Read more

  • புளியங்குடி பள்ளி மாணவர்கள் பசுமை சுற்றுலா

    Posted by dinakaran on 19 June 2019

    நெல்லை, ஜூன் 19:  புளியங்குடி கண்ணா  மெட்ரிக் பள்ளி உயிரியல் பிரிவு மாணவர்கள் பசுமை சுற்றுலா சென்றனர். பசுமையான சூழல் நிறைந்த இடங்கள், வயல்வெளிகள், விவசாய பண்ணைகளை பார்வையிட்டனர். ஆசிரியர்கள் முத்துச்செல்வி, முருகன்  ஆகியோர் பயிர் பெருக்கம் மற்றும் நோய் காரணிகள் குறித்த மாணவர்களின் கேள்விக்கு செயல்முறை விளக்கமளித்தனர். நெல் நடுதல் மற்றும் நெல் அறுவடை பணிகளில் மாணவர்கள் ஈடுபட்டனர். விவசாயத்தின் இன்றைய நிலை மற்றும் அதன்  முக்கியத்துவத்தை இயற்கை ஆர்வலர் பாபு  மாணவர்களுக்கு விளக்கினார். வேளாண் சார்ந்த மேற்படிப்பு குறித்த மாணவர்களின் சந்தேகங்களுக்கு  முதல்வர் செந்தில்நாதன் விளக்கமளித்தார். மாணவர்கள் மற்றும் ஆசிரியர்களுக்கு மூலிகை குடிநீர் வழங்கப்பட்டது. நிகழ்ச்சிக்கான ஏற்பாடுகளை தாளாளர் சுபாஷ்கண்ணா செய்திருந்தார்.

    Source Link

    Read more

  • பிளஸ்2 ஆசிரியர்களுக்கு பயிற்சி முகாம் துவக்கம் புதிய பாடத்தை மாணவர்கள் புரியும்படி கற்று தர வேண்டும்

    Posted by dinakaran on 19 June 2019

    நெல்லை, ஜூன் 19: புதிய பாடத்திட்டத்தை உள்வாங்கி மாணவர்கள் புரியும் வகையில் கற்றுக்கொடுக்கவேண்டும் என நெல்லையில் 12ம் வகுப்பு ஆசிரியர்களுக்கான புதிய பாடத்திட்டபயிற்சி முகாமை துவக்கி வைத்து முதன்மைக்கல்வி அலுவலர் கணேஷ் பேசினார்.நடப்பு கல்வியாண்டில்(2019-20)  மாற்றம் செய்யப்பட்ட புதிய பாடத்திட்டங்கள் குறித்து ஆசிரியர்களுக்கு சிறப்பு பயிற்சி அளிக்கப்படுகிறது. முதற்கட்டமாக 12ம் வகுப்பு ஆசிரியர்களுக்கு பயிற்சி அளிப்பதற்காக ஆசிரிய பயிற்றுனர்களாக தலா 3 பேர் ஒவ்வொரு பாடத்திற்கு தேர்வு செய்யப்பட்டு அவர்களுக்கு கடந்த வாரம் சென்னையில் பயிற்சி அளிக்கப்பட்டது. இவர்கள் மாவட்ட அளவில் பிற ஆசிரியர்களுக்கு பயிற்சி அளிக்கும் முகாம், நேற்று மாநிலம் முழுவதும் அந்தந்த மாவட்டங்களில் தொடங்கியது. நெல்லையில் இப்பயிற்சி முகாமை முதன்மைக்கல்வி அலுவலர் கணேஷ் துவக்கி வைத்துப் பேசியதாவது, புதிய பாடத்திட்டங்கள் மிகவும் தரம் மிக்கதாக தயாரிக்கப்பட்டுள்ளது. பாடங்கள் மட்டுமின்றி அதற்கும் மேல் சிந்தனையைத் தூண்டும் பகுதிகள் இடம்பெற்றுள்ளன. புராதன தமிழ் குறித்தவை தமிழ் விளக்க படங்கள் மற்றும் குறிப்புகளுடன் பிளஸ்2 ஆங்கில புத்தகத்தில் இடம்பெற்றுள்ளன. இதுபோல் மாணவர்கள் சிந்தனை திறனை மேம்படுத்தும் வகையில் அனைத்துப் பாடத்திட்டங்கள் அமைக்கப்பட்டுள்ளன. இந்த பாடத்திட்டங்கள் எதிர்கால போட்டித் தேர்வுகளுக்கும் பயனுள்ளதாக இருக்கும். உயர்கல்வியை எளிதாக புரிந்து பயிலவும் உதவும். எனவே இப்பயிற்சி முகாமில் ஆசிரியர்கள் நன்றாக உள்வாங்கி தேவையான சந்தேகங்களை நிவர்த்தி செய்துகொள்ளுங்கள். பின்னர் மாணவர்கள் நன்றாக புரிந்து கற்கும் வகையில் கற்பித்தல் பணியை சிறப்பாக செய்யமுடியும். ெமல்ல கற்கும் மாணவர்களுக்கு தனிக்கவனம் செலுத்தி கற்பிக்க வேண்டும், என்றார்.முதற்கட்டமாக ஆங்கிலம், வேதியியல் பாடங்களுக்கு பயிற்சி அளிக்கப்படுகிறது. ஒவ்வொரு பாடத்திற்கும் தலா 80 ஆசிரியர்கள் வீதம் பிரிக்கப்பட்டு அவர்களுக்கு தொடர்ந்து அந்தந்த பாடங்களுக்கு தலா 2 நாட்கள் இந்த பயிற்சி வழங்கப்படுகிறது. நெல்லையில் நடைபெறும் பயிற்சி முகாம் ஏற்பாடுகளை முனைஞ்சிப்பட்டி ஆசிரியர் பயிற்சி பள்ளி முதல்வர் கோல்டா கிரினா ராஜாத்தி செய்துள்ளார்.ஆங்கிலம் புதிய பாடத்திட்டம் குறித்து ஆசிரியர்கள் கூறுகையில், பாடத்திட்டம் மிகவும் உயர்தரம் மிக்கதாக உள்ளது. மாணவர்களின் கிரியேட்டிவ் திறனை வெளிப்படுத்தும் வகையில் உள்ளன. எங்கும் தமிழ், தமிழ், தமிழர், தமிழ்நாடு என்ற முழக்கத்தை வெளிப்படுத்தும் விதமாக தமிழர் தொன்மை வரலாறுகள் இடம்பெற்றுள்ளது குறிப்பிடத்தக்கது. குறிப்பாக ஓலைச்சுவடியில் வடிவமைக்கப்பட் தொல்காப்பியம், தொன்மைத்தமிழின் பெருமைகள், வரலாறு போன்ற புதிய பகுதிகள் இடம்பெற்றுள்ளன. இது தமிழின் பெருமை வரலாறுகளை ஆங்கிலப்பாடம் மூலமும் கற்றுக்கொள்ளும் வாய்ப்ைப ஏற்படுத்தியுள்ளது என்றனர்.

    Source Link

    Read more

  • தென்காசி நகராட்சி பள்ளியில் மாணவர்களுக்கு இலவச சீருடைகள்

    Posted by dinakaran on 19 June 2019

    தென்காசி, ஜூன் 19: தென்காசி நகராட்சி 13வது வார்டு நடுநிலைப்பள்ளியில் மாணவ, மாணவிகளுக்கு இலவச சீருடைகள் வழங்கும் விழா நடந்தது. செல்வமோகன்தாஸ் பாண்டியன் எம்எல்ஏ தலைமை வகித்து இலவச சீருடைகளை வழங்கி பேசினார். நிகழ்ச்சிக்கு மாவட்ட கல்வி அலுவலர் சீனிவாசன், வட்டார கல்வி அலுவலர் மாரியப்பன், வட்டார வள மைய மேற்பார்வையாளர் முத்துக்கிருஷ்ணன், அதிமுக நகர செயலாளர் சுடலை முன்னிலை வகித்தனர். தலைமை ஆசிரியை கற்பகவள்ளி வரவேற்றார். நகர எம்ஜிஆர் மன்ற செயலாளர் வெள்ளப்பாண்டி, மாநில பொதுக்குழு உறுப்பினர் கசமுத்து, மாவட்ட பிரதிநிதி சுப்பிரமணியன், எம்ஜிஆர் மன்ற தலைவர் கிருஷ்ணமூர்த்தி, ஜெ. பேரவை செயலாளர் முருகன்ராஜ், 0.874 நெசவாளர் கூட்டுறவு சங்க தலைவர் பட்டுப்பூச்சி பீர்முகம்மது, இளைஞர் பாசறை பூக்கடை சரவணன், நகர பொருளாளர் சாமி, வார்டு செயலாளர்கள் கட்டிகாதர், சுலைமான், திவான்ஒலி, மாரியப்பன், இந்திரன், சுந்தரம், அகமதுஷா, தமிழ்செல்வன், மாணிக்கம், சரவணன், காஜாமைதீன், மைதீன்பிச்சை,  முகம்மது அலி, கனகசபாபதி, மும்பை கணேசன், அருணாசலம், ரமேஷ் மற்றும் அனைத்து ஆசிரிய, ஆசிரியைகள், மாணவ -மாணவிகள், பெற்றோர் உட்பட பலர் கலந்து கொண்டனர்.

    Source Link

    Read more

  • அம்பையில் பிளாஸ்டிக் ஒழிப்பு விழிப்புணர்வு பேரணி

    Posted by dinakaran on 19 June 2019

    அம்பை, ஜூன் 19: அம்பை நகராட்சி சார்பில் தடை செய்யப்பட்ட பிளாஸ்டிக் ஒழிப்பு விழிப்புணர்வு பேரணி நடந்தது. நகராட்சி ஆணையாளர் (பொறுப்பு) பிரேம்ஆனந்த் தலைமை வகித்து கொடியசைத்து துவக்கி வைத்தார். நகராட்சி அலுவலக வளாகத்தில் இருந்து  புறப்பட்ட பேரணி புதுக்கிராமம் தெரு, மேட்டுத்தெரு திருமஞ்சன ரோடு, மேலப்பாளையம் தெரு, பிரதான சாலை உள்ளிட்ட முக்கிய வீதிகள் வழியாக மீண்டும் நகராட்சியை வந்தடைந்தது.  பேரணியின்போது பிளாஸ்டிக் பயன்பாட்டால் ஏற்படும் விளைவு குறித்தும், அதை உற்பத்தி செய்தல், சேமித்தல், விற்பனை செய்தல் ன்றவைகளுக்கு விதிக்கப்படும் அபராதம் குறித்த பதாகைகளை கையில் ஏந்தியவாறு மாணவர்கள் விழிப்புணர்வு துண்டுபிரசுரங்கள் வழங்கி கோஷங்கள் எழுப்பியபடி சென்றனர்.  இதில் நகராட்சி சுகாதார ஆய்வாளர் சிதம்பர ராமலிங்கம், தூய்மை இந்தியா திட்ட மேற்பார்வையாளர் வீரபாகு, சுகாதார மேற்பார்வையாளர்கள் தஸ்தகீர், ஆறுமுகம், ரவிச்சந்திரன் பரப்புரையாளர்கள், தலைமை ஆசிரியர்கள் விஜயா, மாரியப்பன்,  ஆசிரியர்கள், மாணவர்கள் மற்றும் நகராட்சி ஊழியர்கள் உள்ளிட்ட பலர் கலந்து கொண்டனர்.

    Source Link

    Read more

  • நெல்லை பல்கலைக்கழக தேர்வு மறுமதிப்பீடுக்கு விண்ணப்பிக்கலாம்

    Posted by dinakaran on 19 June 2019

    நெல்லை, ஜூன் 19: நெல்லை மனோன்மணியம் சுந்தரனார்பல்கலைக்கழக பதிவாளர் சந்தோஷ்பாபு விடுத்துள்ள செய்திக்குறிப்பு: நெல்லை மனோன்மணியம் சுந்தரனார் பல்கலைக்கழகத்தால் ஏப்ரல் 2019 இளநிலை பாடப்பிரிவுகளுக்காக நடத்தப்பட்ட தேர்வு முடிவுகள் வெளியிடப்பட்டுள்ளன. மதிப்பெண் மறுமதிப்பீடு செய்ய விரும்புபவர்கள் அதற்குரிய படிவங்களை www.msuniv.ac.in என்ற இணையதளத்தில் பதிவேற்றம் செய்யலாம். முதலில் விடைத்தாள் நகலை பெற்றுக்கொண்ட பின்னர் விண்ணப்பிக்கமுடியும். இதற்கு உரிய கட்டணத்துடன் படிவம் A  ஜூன் 21 முதல் 26க்குள் விண்ணப்பிக்கலாம். விடைத்தாள் நகல்கள் பல்கலைக்கழக இணையதளத்தில் பதிவேற்றம் செய்யப்பட்டு அதன் விபரம் அலைபேசி எண்ணிற்கு குறுஞ்செய்தியாக அனுப்பப்படும். அதன் பின்னர் மாணவர்கள் மறுமதிப்பீடு செய்ய விண்ணப்பிக்கலாம். இணையதளம் மூலம் உரிய கட்டணத்துடன் பி 5.7.2019 முதல் விண்ணப்பிக்கலாம், கடைசிநாள் 10.7.19 ஆகும் என தெரிவித்துள்ளார்.

    Source Link

    Read more

  • சுரண்டை அருகே தாழ்வாக செல்லும் மின்வயர்களால் ஆபத்து

    Posted by dinakaran on 19 June 2019

    சுரண்டை, ஜூன் 19: சுரண்டை அருகே தாழ்வாக செல்லும் மின்வயர்களால் விபத்து அபாயம் உள்ளது.சுரண்டையில் இருந்து இரட்டைக்குளம் செல்லும் சாலையில் கோழிப்பண்ணை அருகில் மின்வயர்கள் தாழ்வாக செல்கிறது. இந்த பகுதியில் மினி பேருந்துகள் மற்றும் பள்ளி வாகனங்கள் செல்கின்றன. மினி பேருந்தில் இருந்து கைக்கு எட்டும் உயரத்தில் இந்த மின்வயர்கள் செல்கிறது. இதனால் காற்று அடித்தாலே மினி பேருந்தில் உரசி விபத்து ஏற்படும் அபாயம் உள்ளது. இரவு நேரத்தில் பாரம் ஏற்றி வாகனங்கள் வந்தால் விபத்து ஏற்படும் ஆபத்தும் உள்ளது. தற்போது காற்று அதிகமாக வீசுகிறது. எனவே தாழ்வாக செல்லும் மின்வயர்களை உயரமாக மாற்றி அமைக்க வேண்டும் என பொதுமக்கள் கோரிக்கை விடுத்துள்ளனர்.

    Source Link

    Read more

  • மினிபேருந்து மோதி வாலிபர் படுகாயம்

    Posted by dinakaran on 19 June 2019

    அம்பை, ஜூன் 19: அம்பை அருகே மினிபேருந்து மோதி வாலிபர் படுகாய மடைந்தார்.   அம்பை அருகே கவுதமபுரியை சேர்ந்தவர் மாடசாமி மகன் பாரதி (24) எலக்ட்ரீஷியனான இவர், நேற்று மாலை அம்பை பஸ் நிலையத்தில் இருந்து பைக்கில் வெளியே வந்தார். அப்போது வேகமாக வந்த மினிபேருந்து பைக் மீது மோதியது.  இதில் தூக்கி வீசப்பட்ட அவர், தலை மற்றும் கை, கால்களில் பலத்த காயமடைந்தார். அருகில் இருந்தவர்கள் அவரை மீட்டு அம்பை அரசு மருத்துவமனையில் சேர்த்தனர். மேல்சிகிச்சைக்காக நெல்லை அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டார்.     விபத்து அம்பை போலீசார் வழக்கு பதிந்து விசாரணை நடத்தி வருகின்றனர்.

    Source Link

    Read more

  • சாரல் மழை பெய்யாததால் களக்காடு தலையணையில் மீண்டும் நீர்வரத்து குறைந்தது

    Posted by dinakaran on 19 June 2019

    களக்காடு, ஜூன் 19: களக்காடு புலிகள் காப்பகத்திற்குட்பட்ட மேற்குத்தொடர்ச்சி மலையில் தலையணை உள்ளது. வனத்துறையினரால் சுற்றுச்சூழல் சுற்றுலா மையமாக அறிவிக்கப்பட்டுள்ள தலையணையில் ஓடும் தண்ணீர் மூலிகைகளை தழுவியபடி ஓடுவதாலும், அதில் குளுமை அதிகம் என்பதாலும் தலையணையில் குளிக்க சுற்றுலா பயணிகள் ஆர்வம் காட்டி வருகின்றனர். தினமும் உள்ளூர் மட்டுமின்றி, வெளியூர்களில் இருந்தும் ஏராளமானோர் வந்து செல்கின்றனர். இந்நிலையில் கோடை வெயிலால் ஏற்பட்ட வறட்சி காரணமாக கடந்த இரு மாதங்களாக தலையணை தண்ணீரின்றி வறண்டது. இது சுற்றுலா பயணிகளிடையே கவலையை ஏற்படுத்தியது. இதனிடையே கடந்த வாரம் முதல் மேற்குத்தொடர்ச்சி மலையில் விட்டு, விட்டு சாரல் மழை பெய்ததால் வறண்டு கிடந்த தலையணையில் கடந்த 10ம் தேதி முதல் நீர்வரத்து ஏற்பட்டது.  மிதமான அளவில் தண்ணீர் வந்து கொண்டிருந்தது. தடுப்பணையை தாண்டி தண்ணீர் விழுந்தது. இதையடுத்து சுற்றுலா பயணிகள் கூட்டம் அலைமோதிய வண்ணம் இருந்தது. காலை 7 மணி முதல் கார்களில் குடும்பத்தினர்கள் மற்றும் நண்பர்களுடன் சுற்றுலா பயணிகள் குவிந்த வண்ணம் இருந்தனர். அவர்கள் தலையணை ஆற்றில் குளித்து மகிழ்ந்ததுடன் மீன்கள் அருங்காட்சியகத்தையும் ஆர்வமுடன் பார்வையிட்டனர். சிறுவர்கள் பூங்காவில் விளையாடி மகிழ்ந்தனர். இந்நிலையில் கடந்த ஒரு வாரமாக மேற்குத்தொடர்ச்சி மலையில் சாரல் மழை பெய்யவில்லை. இதனை தொடர்ந்து தலையணையில் நீர்வரத்து மீண்டும் குறைந்துள்ளது. மழை பெய்யாவிட்டால் இன்னும் ஒரு சில வாரங்களில் தண்ணீர் வற்றி விடும் சூழல் நிலவுகிறது. இதனால் சுற்றுலா பயணிகள் கவலை அடைந்து உள்ளனர். மீண்டும் மழை பெய்யுமா? என்று சுற்றுலா பயணிகளும், வன ஆர்வலர்களும் எதிர்ப்பார்ப்புடன் உள்ளனர்.

    Source Link

    Read more

  • ராதாபுரத்தில் திறக்கப்படாத ஆதார் மையம்

    Posted by dinakaran on 19 June 2019

    ராதாபுரம், ஜூன் 19: ராதாபுரத்தில் மூடிக்கிடக்கும் ஆதார் மையத்தை திறக்க போதிய ஊழியர்களை நியமிக்க வேண்டுமென கோரிக்கை விடுக்கப்பட்டு உள்ளது. ராதாபுரம் தாலுகா அலுவலகத்தில், ஆதார் சேவை மையம் நீண்ட நாட்களாக செயல்படாமல் மூடிக்கிடக்கிறது. இதனால் ஆதார் தொடர்பான சேவைகளுக்கு தாலுகா வரும் மக்கள் ஏமாற்றமடைந்து திரும்பிச் செல்வது வாடிக்கையாகி வருகிறது. தற்போது ஆதார் எண் கட்டாய தேைவ என்பதால், அதனை பெற தவறியவர்கள் தினமும் வந்து செல்கின்றனர். ஆனால் மையம் மூடியே கிடப்பதால் கிராம மக்கள் பெரும் சிரமத்திற்குள்ளாகி வருகின்றனர். ஆரம்பத்தில் அரசே சிறப்பு முகாம்களை நடத்தி ஆதார் எண்களை வழங்கியது. பின்னர் தனியார் இன்டர்நெட் சென்டர்களிலும் தங்களது ஆதாரை பதிவு செய்யலாம் என இணைய வழியையும், செயலியையும் உருவாக்கி வெளியிட்டது. இதில் தவறுகள் ஏற்படுவதை சுட்டிக்காட்டி தனியாரிடம் ஆதார் சேவைக்கு தடை விதிக்கப்பட்டது. தாலுகா மற்றும் தபால் அலுவலகங்கள் மூலம் ஆதார் சேவைக்கு அனுமதி அளிக்கப்பட்டது. பெரும்பாலான தபால் நிலையங்களில் ஊழியர்களுக்கு போதிய பயற்சி இல்லை எனக்கூறி ஆதார் சேவை நடைபெறாது என கைவிரித்துவிட்டதாக கூறப்படுகிறது.ராதாபுரம் தாலுகா அலுவலகத்திலும் போதிய ஊழியர்கள் இல்லை என்ற காரணத்தால் ஆதார் சேவை மையம் தொடர்ந்து மூடிக் கிடக்கிறது. தொடர்ந்து அலைக்கழிக்கப்படும் கிராம மக்களின் நிலை அறிந்து மூடிக்கிடக்கும் ஆதார் சேவை மையத்தை கூடுதலாக ஊழியர்களை நியமித்து திறக்க நடவடிக்கை எடுக்க வேண்டுமென கிராம மக்கள் கோரிக்கை விடுத்து உள்ளனர். அதேபோல் ராதாபுரம் வட்டார தபால் நிலையங்களில் ஆதார் சேவை மையம் செயல்பட நடவடிக்கை எடுக்க வேண்டும் என்றும் வலியுறுத்தி இருக்கின்றனர்.

    Source Link

    Read more

  • கடையநல்லூரில் தடை செய்யப்பட்ட பிளாஸ்டிக் பயன்படுத்தினால் 1 லட்சம் ரூபாய் அபராதம்

    Posted by dinakaran on 19 June 2019

    கடையநல்லூர், ஜூன் 19: கடையநல்லூர் நகராட்சி பகுதியில் தடை செய்யப்பட்ட பிளாஸ்டிக் பொருட்களை பயன்படுத்தினால் ரூ.25 ஆயிரம் முதல் 1 லட்சம் வரை அபராதம் விதிக்கப்படும் என்று நகராட்சி ஆணையாளர் பவுன்ராஜ் எச்சரிக்கை விடுத்துள்ளார். கடையநல்லூர் நகராட்சிக்குட்பட்ட பகுதிகளில் ஒருமுறை பயன்படுத்தப்பட்டு தூக்கி எறியப்படும் பிளாஸ்டிக் பொருட்கள் சேமித்து வைத்தல், விநியோகித்தல் மற்றும் பயன்பாடு முழுமையாக தடை செய்யப்பட்டு உள்ளது. இந்நிலையில் நேற்று நகராட்சி ஆணையாளர் பவுன்ராஜ் உத்தரவின்பேரில் சுகாதார அலுவலர் நாராயணன் தலைமையில் சுகாதார ஆய்வாளர்கள் சேகர், மாரிச்சாமி மற்றும் தூய்மை இந்தியா திட்ட பணியாளர்கள் பஜார் ரோடு, மெயின்ரோடு மற்றும் தினசரி மார்க்கெட் பகுதிகளில் திடீர் ஆய்வு மேற்கொண்டனர். இதில் ஒருமுறை பயன்படுத்தி தூக்கி எறியக்கூடிய 20 கிலோ பிளாஸ்டிக் பொருட்களை பறிமுதல் செய்து சம்பந்தப்பட்டவர்களுக்கு ரூ.1800 அபராதம் விதிக்கப்பட்டது.  இதுகுறித்து நகராட்சி ஆணையாளர் பவுன்ராஜ் கூறுகையில், தமிழகத்தில் கடந்த ஜனவரி 1ம் தேதி ஒருமுறை பயன்படுத்தப்பட்டு தூக்கி எறியப்படும் பிளாஸ்டிக் பொருட்கள் முற்றிலும் தடை செய்யப்பட்டுள்ளது. இதுபற்றி விழிப்புணர்வு ஏற்படுத்தப்பட்ட போதிலும் மீறுபவர்களுக்கு அதிகபட்சமாக 500 ரூபாய் என்ற அளவில் அபராதம் விதிக்கப்பட்டு வந்தது. இத்தடையை தீவிரமாக அமல்படுத்தும் வகையில், கடையநல்லூர் நகராட்சி பகுதிகளில் இனிவரும் காலங்களில் தொடர்ந்து இதனை பயன்படுத்துபவர்களுக்கு 25 ஆயிரம் முதல் 1 லட்சம் ரூபாய் வரை அபராதம் விதிக்கப்படும். மேலும் பொதுமக்கள் மற்றும் வியாபாரிகள் தடை செய்யப்பட்டுள்ள பிளாஸ்டிக் பொருட்கள் பயன்படுத்துவதை தவிர்த்து பிளாஸ்டிக் இல்லா நகராட்சியாக கடையநல்லூரை மாற்றிட முழு ஒத்துழைப்பு வழங்க வேண்டும். இவ்வாறு கூறினார்..

    Source Link

    Read more

  • வீட்டில் தூங்கிக் கொண்டிருந்த 2 பெண்களிடம் 10 பவுன் செயின் பறிப்பு

    Posted by dinakaran on 19 June 2019

    சிவகிரி, ஜூன் 19: புளியங்குடி அருகே உள்ள தலைவன்கோட்டை நடுத்தெருவை சேர்ந்தவர் சுப்பையா (68), நவதானிய வியாபாரி. இவரது மனைவி திருமலைவடிவு (60). இவரது மூத்த மகன் முருகன் (35), கத்தாரில் வேலை செய்து வருகிறார். இவரது மனைவி திருவளர்செல்வி (29). இத்தம்பதிக்கு ஒரு ஆண், ஒரு பெண் குழந்தை உள்ளது. சுப்பையா, மூத்த மகன் மற்றும் இளைய மகன் குடும்பத்தினர் என கூட்டுக்குடும்பமாக வசித்து வருகிறார். நேற்று முன்தினம் இரவு திருவளர்செல்வி, அவரது குழந்தைகள் மற்றும் செங்கோட்டையில் இருந்து வந்திருந்த உறவினர் வீரலட்சுமி (70) ஆகியோர் வீட்டின் கீழ் தளத்திலுள்ள அறையில் தூங்கிக் கொண்டிருந்தனர். நேற்று அதிகாலை 3 மணியளவில் வீட்டுக்குள் புகுந்த மர்மநபர், திருவளர்செல்வி அணிந்திருந்த 45 கிராம் தங்கச்செயினையும், வீரலட்சுமி அணிந்திருந்த 40 கிராம் தங்கச் செயினையும் பறித்துக் கொண்டு தப்பியோடினான். திடுக்கிட்டு எழுந்த இருவரும் சத்தம் போடவே, குடும்பத்தினர் எழுந்து தேடினர். ஆனால் மர்மநபர் சிக்கவில்லை. இதுகுறித்து சுப்பையா புளியங்குடி போலீசில் புகார் செய்தார். போலீசார் விசாரணை நடத்தி வருகின்றனர்.2 பெண்ணுக்கு அரிவாள் வெட்டுவீரவநல்லூர்: வீரவநல்லூர் நயினார் காலனியை சேர்ந்தவர் குட்டிதுரை மனைவி லீலாவதி(47), விவசாயம் செய்து வருகிறார். இவரது மகன் திருமணமாகி திருப்பூரில் பணிபுரிந்து வருகிறார். இவருக்கும், இதே பகுதியை சேர்ந்த பிரபாகரன்(45) என்பவருக்கும் வயல் பிரச்னை தொடர்பாக முன்விரோதம் இருந்துள்ளது. நேற்று காலை லீலாவதியின் வயலுக்கு சென்ற பிரபாகரனும், அவரது கூட்டாளிகளும் வயலில் போடப்பட்டிருந்த வாழைக்கன்றுகளை வெட்டி சாய்த்துள்ளனர். இதை பார்த்த லீலாவதி தடுக்கவே அவரது கையிலும் வெட்டு விழுந்துள்ளது. இதில் காயமடைந்த லீலாவதியை உறவினர்கள் மீட்டு சேரன்மகாதேவி அரசு மருத்துவமனைக்கு கொண்டு சென்றனர். மேல்சிகிச்சைக்காக நெல்லை அரசு மருத்துவமனைக்கு அனுப்பி வைக்கப்பட்டார். இதுகுறித்து லீலாவதி கொடுத்த புகாரின் பேரில் வீரவநல்லூர் போலீசார் வழக்கு பதிந்து பிரபாகரன், அவரது கூட்டாளிகளை தேடி வருகின்றனர்.இதேபோல் சுரண்டை சிவகுருநாதபுரத்தை சேர்ந்தவர் சமுத்திரம் மனைவி வசந்தா (50). இவரது மகன் மாரிச்செல்வம், மகள் கஸ்தூரி ஆகியோருக்கு திருமணமாகி விட்டது. கடந்த சில ஆண்டுகளுக்கு முன்பு சமுத்திரம் இறந்துவிட்டதால் வசந்தா தனியாக வசித்து வந்தார். இந்நிலையில் நேற்றிரவு 9 மணியளவில் இவரது வீட்டுக்குள் புகுந்த மர்மநபர், வசந்தாவை சரமாரியாக வெட்டிவிட்டு தப்பியோடினார். இதில் ரத்த வெள்ளத்தில் சரிந்து விழுந்த வசந்தாவை, தகவலறிந்து வந்த சுரண்டை போலீசார் மீட்டு தென்காசி அரசு மருத்துவமனையில் சேர்த்தனர். மேலும் சம்பவம் குறித்து வழக்கு பதிந்து விசாரித்து வருகின்றனர்.தம்பியை ஸ்குரு டிரைவரால் குத்திய அண்ணன் கைதுவி.கே.புரம்: வி.கே.புரம் மேலக்கொட்டாரத்தை சேர்ந்தவர் பட்டாபிராமன் (44). இவரது தம்பி ராஜா சுப்பிரமணியன்(38). இவர்கள் இருவரும் அடுத்தடுத்த வீட்டில் வசித்து வருகின்றனர். இருவருக்கும் கருத்து வேறுபாடு காரணமாக முன்பகை இருந்து வந்தது. நேற்று வாக்குவாதம் முற்றியதில் ஆத்திரமடைந்த பட்டாபிராமன், ஸ்குரு டிரைவரால் ராஜா சுப்பிரமணியனை குத்தினார். இதில் காயமடைந்த ராஜா சுப்பிரமணியன் அம்பை அரசு மருத்துவமனையில் சிகிச்சைக்காக சேர்க்கப்பட்டார்.இதுகுறித்த புகாரின் பேரில் வி.கே.புரம் எஸ்ஐ சுரேஷ்குமார் வழக்கு பதிந்து பட்டாபிராமனை கைது செய்து விசாரித்து வருகிறார். பாவூர்சத்திரத்தில் மாரடைப்பால் வியாபாரி பலி பாவூர்சத்திரம்: பாவூர்சத்திரம்  அருகே உள்ள திருமலாபுரம் நடுத்தெருவை சேர்ந்தவர் கணேசன்  (60). காய்கறி வியாபாரியான இவர், நேற்று இரவு 10 மணியளவில் வியாபாரத்தை முடித்துவிட்டு ஊருக்கு சென்று கொண்டிருந்தார். மலையராமபுரம் பகுதியில் செல்லும்போது திடீரென மயக்கம் ஏற்படவே மொபட்டை சாலையோரம் நிறுத்திவிட்டு அருகிலுள்ள பூட்டிய கடையின் வாசலில் அமர்ந்து ஓய்வெடுத்துள்ளார். அப்போது அவருக்கு திடீரென நெஞ்சுவலி ஏற்பட்டு சம்பவ இடத்திலேயே மயங்கி விழுந்து இறந்தார். நேற்று  காலை அவ்வழியே சென்றவர்கள், இதுகுறித்து பாவூர்சத்திரம் காவல்  நிலையத்திற்கு தகவல் தெரிவித்தனர். எஸ்ஐக்கள் எபின், கண்ணன் மற்றும் போலீசார் சம்பவ இடத்திற்கு  சென்று கணேசன் உடலை கைப்பற்றி பிரேத பரிசோதனைக்காக தென்காசி அரசு  மருத்துவமனைக்கு அனுப்பி வைத்தனர். மேலும் விசாரணை நடத்தி வருகின்றனர்.3 மாத கர்ப்பிணிதூக்கிட்டு தற்கொலைசிவகிரி: ராயகிரி அருகே உள்ள துரைச்சாமியாபுரம் தெற்குத்தெருவைச் சேர்ந்தவர் கண்ணன் (25). இவருக்கும், இதே பகுதியை சேர்ந்த சின்னசாமி மகள் புஷ்பவள்ளி (19) என்பவருக்கும் கடந்த 5 மாதங்களுக்கு முன்பு திருமணம் நடந்தது. தற்போது புஷ்பவள்ளி 3 மாத கர்ப்பிணியாக இருந்தார். இந்நிலையில் நேற்று வீட்டில் யாரும் இல்லாதபோது புஷ்பவள்ளி தூக்கிட்டு தற்கொலை செய்து கொண்டதாக தெரிகிறது. தகவலறிந்த சிவகிரி போலீசார், உடலை கைப்பற்றி பிரேத பரிசோதனைக்காக சிவகிரி அரசு மருத்துவமனைக்கு அனுப்பி வைத்தனர். விசாரணையில் புஷ்பவள்ளி தனது தந்தையிடம் குடும்ப செலவுக்கு பண உதவி கேட்டதாவும், அவர் அலட்சியப்படுத்தியதால் மனமுடைந்து தூக்கிட்டு தற்கொலை செய்து கொண்டிருக்கலாம் என்றும் தெரிய வந்துள்ளது. புஷ்பவள்ளிக்கு திருமணமாகி 5 மாதமே ஆவதால் தென்காசி ஆர்டிஓவும் மேல் விசாரணை நடத்தி வருகிறார்.

    Source Link

    Read more

  • சுரண்டை அரசு கல்லூரிக்கு உபகரணம் வழங்கல்

    Posted by dinakaran on 18 June 2019

    சுரண்டை ஜூன் 18:  சுரண்டை காமராஜர் அரசு கல்லூரியின் கனிவேலவன் கலையரங்கத்தில் மாணவ, மாணவிகள் உபயோகத்திற்காக மின் விசிறிகள் மற்றும் உபகரணங்கள் வழங்கும் விழா நடந்தது. விழாவில் தென்காசி எம்எல்ஏ செல்வ மோகன்தாஸ் பாண்டியன் தலைமை வகித்து அவரது சொந்த நிதியிலிருந்து மின்விசிறி உள்ளிட்ட உபகரணங்கள் வழங்கினார். கல்லூரி முதல்வர் (பொறுப்பு ) ஜெயா வரவேற்று பேசினார். கல்லூரிக்கு எம்ஜிஆர் நூற்றாண்டு விழா நிதியில் ரூ.2.20 கோடி செலவில் கட்டப்பட்டுள்ள வகுப்பறைகள், அனுமதி பெற்று தந்துள்ள காம்பவுண்ட் சுவர் பணிகள் மேலும் 15க்கும் மேற்ப்பட்ட நிரந்தர பேராசிரியர்கள் பணியிடங்கள், தேவைக்கேற்ப கவுரவ விரிவுரையாளர்கள் பணியிடங்கள், தனியார் பங்களிப்புடன் கலையரங்கம் கட்ட இயக்குனரின் அனுமதி உள்ளிட்ட அடிப்படை தேவைகள் நிறைவேற்றி தந்தமைக்கு மாணவர்கள் பேராசிரியர்கள் சார்பில் நன்றி தெரிவிக்கப்பட்டது. தொடர்ந்து பேசிய எம்எல்ஏ செல்வ மோகன்தாஸ் பாண்டியன், கல்லூரிக்கு தேவையான கட்டிடங்கள் மற்றும் குடிநீர் வசதி உள்ளிட்ட அடிப்படை வசதிகள் நிறைவேற்ற நடவடிக்கை எடுக்கப்படும் என்று தெரிவித்தார். நிகழ்ச்சியில் அரசு ஒப்பந்ததாரர் கரையாளனூர் சண்முகவேல், நகர செயலாளர் சக்திவேல், முன்னாள் ஒன்றிய குழு உறுப்பினர் ரமேஷ், ஜெயப்பிரகாசம், ஜவஹர் தங்கம், கீழச்சுரண்டை மாரியப்பன், ராஜேஷ், சிவசங்கரன், கோபால், குத்தாலிங்கம், பேராசிரியர்கள் பீர்கான், மோகனகண்ணன், ஸ்டீபன் டேவிஸ், நாராயணன், நல்லமுத்து, பராமாத்தலிங்கம், பழனிச்செல்வம், பிரேம்சந்த், என்எஸ்எஸ் மெர்லின் சீலர் சிங், உடற்கல்வி ஆசிரியர் மதியழகன் உள்ளிட்ட பலர் கலந்து கொண்டனர்.

    Source Link

    Read more

To Top To Top