22 November 2019

  • கடையம் பள்ளியில் தமிழ் இலக்கிய மன்ற விழா

    Posted by dinakaran on 22 November 2019

    கடையம், நவ. 22: கடையம் ஆதர்ஷ் வித்யாலயா மெட்ரிக். மேல்நிலைப்பள்ளியில் தமிழ் இலக்கிய மன்ற விழா நடந்தது. பள்ளி தாளாளர் ஐசக் பாக்கியசாமி தலைமை வகித்து தமிழ் மொழியின் தொன்மையை மாணவர்களுக்கு எடுத்துரைத்தார். பள்ளி முதல்வர் மாரிச்செல்வி, தமிழ் மொழியின் இனிமையை பாரதியின் பாடல்கள் மூலம் கூறினார். தமிழ்த்துறை ஆசிரியை எமிமா வரவேற்று நிகழ்ச்சியை தொகுத்து வழங்கினார். மாணவர்கள் பாடல், நாடகம், கவிதை, கதை கூறுதல், மாறுவேடம், நடனம், வில்லுப்பாட்டு உள்ளிட்ட கலைநிகழ்ச்சிகளை நடத்தினர். விடுகதைகள் கேட்டு பதிலளித்த மாணவ, மாணவிகளுக்கு பரிசுகளும் வழங்கப்பட்டது. தமிழ் ஆசிரியை பொன்ஜமினா நன்றி கூறினார்.

    Source Link

    Read more

  • மாநகராட்சி, நகராட்சி, பேரூராட்சி வார்டுகளில் போட்டியிட அதிமுகவினர் இன்று முதல் விருப்ப மனு

    Posted by dinakaran on 22 November 2019

    கேடிசி நகர், நவ. 22: நெல்லை மாநகர மாவட்ட அதிமுக செயலாளர் தச்சை கணேசராஜா விடுத்துள்ள அறிக்கை: தமிழகத்தில் மாநகராட்சி மேயர், நகராட்சி தலைவர், பேரூராட்சி தலைவர் ஆகிய பதவிகளுக்கு மறைமுக தேர்தல் நடத்த அரசு முடிவு செய்துள்ளது. இந்நிலையில் மேயர், நகராட்சி தலைவர், பேரூராட்சி தலைவர் பதவிகளுக்கு அதிமுக சார்பில் போட்டியிட வாய்ப்பு வேண்டி விருப்ப மனு அளித்துள்ளவர்கள், தாங்கள் சார்ந்த மாநகராட்சி வார்டு, நகராட்சி வார்டு மற்றும் பேரூராட்சி வார்டு உறுப்பினர் பதவிகளுக்கு அதிமுக சார்பில் வேட்பாளர்களாக போட்டியிட விருப்ப மனு அளிக்கலாம்.இன்று (22ம்தேதி) காலை 10 மணி முதல் மாலை 5 மணி வரை மாநகர் மாவட்ட அதிமுக அலுவலகத்தில் ஏற்கனவே அறிவிக்கப்பட்ட கட்சி நிர்வாகிகளிடம் உரிய கட்டணத் தொகையை செலுத்தி விண்ணப்ப படிவத்தை பெற்று பூர்த்தி செய்து வழங்கலாம். மேயர், நகராட்சி தலைவர், பேரூராட்சி தலைவர் ஆகிய பதவிகளுக்கு ஏற்கனவே கட்டணம் செலுத்தி விருப்ப மனு அளித்தவர்கள், அதிமுக பொதுக்குழு முடிந்தவுடன் அதிமுக தலைமை அலுவலகத்தில் தாங்கள் செலுத்திய அசல் கட்டண ரசீதை காட்டி தொகை யை வருகிற 25ம் தேதி முதல் 29ம் தேதி வரை பெற்றுக் கொள்ளலாம். இவ்வாறு அந்த அறிக்கையில் கூறியுள்ளார்.

    Source Link

    Read more

  • கூடங்குளத்தில் புதிய அரசு மருந்தகம்

    Posted by dinakaran on 22 November 2019

    ராதாபுரம், நவ. 22: கூடங்குளத்தில் தொழிலாளர் ஈட்டுறுதி திட்டத்தின் கீழ் புதிய அரசு மருந்தகம் திறப்பு விழா, நேற்று நடந்தது. மாவட்ட கலெக்டர் ஷில்பா தலைமை வகித்தார். மாநில இயக்குநர் குருநாதன் வரவேற்றார். அமைச்சர் நிலோபர் கபீல், மருந்தகத்தை திறந்து வைத்து பேசினார். அமைச்சர் ராஜலட்சுமி குத்துவிளக்கு ஏற்றினார். விழாவில் நாராயணன் எம்எல்ஏ, கூடங்குளம் அணுமின் திட்ட துணை இயக்குநர் அன்புமணி, ஒன்றிய அதிமுக செயலாளர் அமலராஜா, தொடக்க காப்பீட்டு மண்டல துணை இயக்குநர் கிருஷ்ணகுமார், கூடங்குளம் முன்னாள் கவுன்சிலர்கள் சுரேஷ், துரைச்சாமி, கூடங்குளம் ஜெ. பேரவை செயலாளர் சாமுவேல், பெருமாள்சாமி கலந்து கொண்டனர். மதுரை மண்டல நிர்வாக மருத்துவர் தர்மராஜன் நன்றி கூறினார்.

    Source Link

    Read more

  • கூத்தங்குழியில் நீச்சல், படகு போட்டிகளுடன் மீனவர் தினம் கொண்டாட்டம்

    Posted by dinakaran on 22 November 2019

    பணகுடி, நவ. 22: உலக மீனவர் தினத்தையொட்டி நெல்லை மாவட்ட கடலோர பகுதிகளான கூத்தங்குழி, கூட்டப்புளி, பெருமணல் உள்ளிட்ட 10 கிராமங்களை சேர்ந்த மீனவர்கள் நேற்று மீன்பிடிக்க கடலுக்குச் செல்லவில்லை. அந்தந்த கிராமங்களில் மீனவர்கள், மீனவர் தினத்தை உற்சாகமாக கொண்டாடி மகிழ்ந்தனர். கூத்தங்குழியில் நீச்சல், சமையல், படகு போட்டி உள்ளிட்ட பல்வேறு போட்டிகள் நடத்தப்பட்டன. இதில் சேரன்மனாதேவி சப்-கலெக்டர் பிரதிக் தயாளன், ராதாபுரம் தாசில்தார் செல்வன் ஆகியோர் கலந்து கொண்டனர். நீச்சல் போட்டியில் இடிந்தகரை இக்னேசியஸ் முதல் பரிசையும், சந்துரு 2வது பரிசையும், நிக்கோலஸ் 3வது பரிசையும் பெற்றனர். சமையல் போட்டியில் வெற்றிபெற்ற பெண்களுக்கும் பரிசுகள் வழங்கப்பட்டது. முன்னதாக காலையில் தேவாலயங்களில் சிறப்பு திருப்பலி மற்றும் படகுகளுக்கு சிறப்பு பூஜை நடந்தது. ஏற்பாடுகளை மீனவர்கள் சங்க தலைவர் எரிக்ஜூட் மற்றும் நிர்வாகிகள் செய்திருந்தனர்.

    Source Link

    Read more

  • தென்காசி மாவட்ட பணி இன்று முதல் தொடங்கும்

    Posted by dinakaran on 22 November 2019

    தென்காசி, நவ.22: தென்காசி மாவட்ட பணிகள் இன்று முதல் துவங்கும் என கலெக்டர் அருண் சுந்தர் தயாளன் கூறினார். தென்காசி மாவட்ட கலெக்டர் அருண் சுந்தர் தயாளன் கூறுகையில், புதிய மாவட்ட துவக்க விழா நிகழ்ச்சிகளுக்கு தேவையான அனைத்து ஏற்பாடுகளும் செய்யப்பட்டுள்ளது. புதிய மாவட்டம் தொடர்பான பணிகள் இன்று (22ம் தேதி) முதல் துவங்கும், என்றார். முன்னதாக விழாவிற்கான பந்தல் அமைக்கும் பணிகளை பார்வையிட்டார்.நிகழ்ச்சியில் செல்வமோகன்தாஸ் பாண்டியன் எம்எல்ஏ, அதிமுக மாவட்ட செயலாளர்கள் பிரபாகரன், தச்சை கணேசராஜா, நெல்லை கலெக்டர் ஷில்பா, எஸ்பி சுகுணா சிங், டிஎஸ்பி கோகுலகிருஷ்ணன், தாசில்தார்கள் சண்முகம், அழகப்பராஜா,  மாவட்ட பொருளாளர் சண்முகசுந்தரம், முன்னாள் மாவட்ட செயலாளர் குமார்பாண்டியன், இலஞ்சி காத்தவராயன், நகர செயலாளர்கள் சுடலை, குட்டியப்பா, ஒன்றிய செயலாளர்கள் சங்கரபாண்டியன், பேரூர் செயலாளர்கள் கார்த்திக் குமார், கணேஷ் தாமோதரன், மயில்வேலன், சுசீகரன், அரசு வழக்கறிஞர் சின்னத்துரை பாண்டியன், சேர்மப்பாண்டி, குற்றாலம் சாமிநாதன், பட்டுப்பூச்சி பீர்முகமது, மகபூப் மசூது, குற்றாலம் சுரேஷ், வேம்பு என்ற ரவி, அகமதுஷா, வெள்ளகால் ரமேஷ், செங்கோட்டை நகர்மன்ற முன்னாள் தலைவர் மோகனகிருஷ்ணன் உட்பட கலர் கலந்து கொண்டனர்.

    Source Link

    Read more

  • தென்காசியில் 3,500 போலீசார் பாதுகாப்பு

    Posted by dinakaran on 22 November 2019

    தென்காசி, நவ. 22: புதிய மாவட்ட துவக்க விழாவிற்கு முதல்வர் எடப்பாடி பழனிசாமி வருகையையொட்டி தென்காசியில் 3,500 போலீசார் பாதுகாப்பு போடப்பட்டு உள்ளது. தென்காசி புதிய மாவட்டத்தை தமிழக முதல்வர் எடப்பாடி பழனிசாமி இன்று (22ம் தேதி) துவக்கி வைத்து 5 ஆயிரம் பயனாளிகளுக்கு நலத்திட்ட உதவிகளை வழங்குகிறார். இதற்கான விழா, இன்று காலை 9 மணிக்கு தென்காசி இசக்கி வித்யாஷ்ரம் பள்ளி வளாகத்தில் நடக்கிறது. பாதுகாப்பு ஏற்பாடுகளை தென்மண்டல ஐஜி சண்முக ராஜேஸ்வரன் தலைமையில் டிஐஜி பிரவீன்குமார் அபினவ், எஸ்பிக்கள் ஓம் பிரகாஷ் மீனா, சுகுணாசிங் ஆகியோர் மேற்கொண்டு வருகின்றனர்.விழா நடைபெறும் இடத்தை நேற்று ஐஜி சண்முக ராஜேஸ்வரன் பார்வையிட்டார். பின்னர் அவர் கூறியதாவது: தென்காசியில் முதல்வர் வருகையை முன்னிட்டு விரிவான பாதுகாப்பு ஏற்பாடுகள் செய்யப்பட்டுள்ளது. போக்குவரத்துக்கு இடையூறு ஏற்படாதவாறு திட்டமிடப்பட்டு உள்ளது. பார்க்கிங் வசதியும் செய்து கொடுக்கப்பட்டுள்ளது. மருத்துவம் மற்றும் இதர வசதிகளையும் மாவட்ட நிர்வாகம் மற்றும் காவல்துறை இணைந்து செய்துள்ளது. நிகழ்ச்சியில் கலந்துகொள்ளும் பயனாளிகளும், பொதுமக்களும் காவல்துறைக்கு முழு ஒத்துழைப்பு கொடுக்க வேண்டும்.  பாதுகாப்பு பணியில் 3 ஆயிரத்து 500க்கும் மேற்பட்ட போலீசார் ஈடுபட்டுள்ளனர், என்றார்.

    Source Link

    Read more

  • கடையநல்லூர் நகராட்சி பகுதியில் புதிய குடிநீர் இணைப்பு ஆணை வழங்கல்

    Posted by dinakaran on 20 November 2019

    கடையநல்லூர், நவ. 20:   கடையநல்லூர் நகராட்சியில் 33 வார்டுகள் உள்ளன. இங்குள்ள 29 ஆயிரம் குடியிருப்புகளில் 1 லட்சத்திற்கும் மேற்பட்ட பொதுமக்கள் வசித்து வருகின்றனர். மக்களின் குடிநீர் தேவைக்காக ஏற்கனவே 13 ஆயிரத்து 971 குடிநீர் இணைப்புகள் வழங்கப்பட்டுள்ளது. கருப்பாநதி அணை குடிநீர் திட்டத்தின் மூலம் 35 லட்சம் லிட்டர் தண்ணீரும், தாமிரபரணி கூட்டுக்குடிநீர் திட்டத்தின் மூலம் 35 லட்சம் லிட்டர் தண்ணீர் பெற்று நகராட்சி பகுதிகளில் 3 நாட்களுக்கு ஒரு முறை குடிநீர் விநியோகம் சீரான முறையில் வழங்கப்படுகிறது. இந்நிலையில் கடந்த சில மாதங்களுக்கு முன்பு புதிய குடிநீர் இணைப்பு பெற விரும்பும் பயனாளிகளிடமிருந்து விண்ணப்பங்கள் பெறப்பட்டது. இதனையடுத்து நேற்று நகராட்சி ஆணையாளர் பவுன்ராஜ் புதிய குடிநீர் இணைப்புக்கான ஆணையை பயனாளிகளுக்கு வழங்கி பேசியதாவது: கடையநல்லூர் நகராட்சி சார்பில் புதிதாக சுமார் 5 ஆயிரம் வீடுகளுக்கு மேல் குடிநீர் இணைப்பு வழங்க தேவையான குடிநீர் இருப்பு உள்ளது. இதுவரை ஆயிரத்து 500 பயனாளிகள் பணம் கட்டியுள்ளனர். நகரில் உள்ள அங்கீகாரம் பெற்ற அனைத்து குடியிருப்பு பகுதிகளுக்கும் முன்னுரிமை அடிப்படையில் குடிநீர் இணைப்புகள் வழங்கப்படும், என்றார். நிகழ்ச்சியில் நகராட்சி பொறியாளர் தங்கபாண்டி, சுகாதார அலுவலர் நாராயணன், உதவி பொறியாளர் முரளி, மேலாளர் முகம்மது யூசுப், நகரமைப்பு ஆய்வாளர் ஜின்னா, சுகாதார ஆய்வாளர்கள் சேகர், மாரிச்சாமி, அதிமுக மாவட்ட வர்த்தக அணி பொருளாளர் மைதீன், நகர இளைஞரணி செயலாளர் ராஜேந்திரபிரசாத், துணை செயலாளர் வெங்கடநடராஜ் உட்பட பலர் கலந்து கொண்டனர்.

    Source Link

    Read more

  • விளையாட்டு போட்டிகளுடன் கடையம் பள்ளியில் குழந்தைகள் தின விழா

    Posted by dinakaran on 20 November 2019

    கடையம், நவ. 20: கடையம் ஆதர்ஷ் வித்யாலயா மெட்ரிக். மேல்நிலைப்பள்ளியில் குழந்தைகள் தின விழா கொண்டாடப்பட்டது. பள்ளி தாளாளர் ஐசக் பாக்கியசாமி தலைமை வகித்தார். பள்ளி முதல்வர் மாரிச்செல்வி, ஜவகர்லால் நேரு பற்றி பேசினார். தமிழ் ஆசிரியை எமிமா, ஆங்கில ஆசிரியை லோஷனா ஆகியோர் குழந்தைகள் நாட்டின் எதிர்கால தூண்கள் என்ற தலைப்பிலும், ஜவகர்லால் நேரு குழந்தைகளிடையே காட்டிய அன்பை வெளிக்காட்டும் விதமாக அவரது பிறந்த நாளை கொண்டாடுவது பற்றியும் பேசினர்.உடற்கல்வி ஆசிரியர் வினோத் மாணவர்களுக்கு முறுக்கு கடித்தல், இசைக்கு இடம் பிடித்தல், தடை தாண்டி ஓட்டம், பலூன் உடைத்தல் போன்ற விளையாட்டுகளை நடத்தி மாணவர்களை உற்சாகப்படுத்தி, இனிப்புகளை வழங்கினர்.

    Source Link

    Read more

  • ராதாபுரத்தில் திமுக செயல்வீரர்கள் கூட்டம் உள்ளாட்சி தேர்தலில் போட்டியிட விருப்ப மனுக்கள்

    Posted by dinakaran on 20 November 2019

    நெல்லை, நவ. 20: ராதாபுரம் ஒன்றிய திமுக செயல்வீரர்கள் கூட்டம். ஒன்றிய பொறுப்பாளர் வி.எஸ்.ஆர். ஜெகதீஸ் தலைமையில் நடந்தது. தலைமை பொதுக்குழு உறுப்பினர் ஜோசப் பெல்சி முன்னிலை வகித்தார். ராதாபுரம் ஊராட்சி செயலாளர் கோவிந்தராஜ் வரவேற்றார்.கூட்டத்தில் நடைபெறவிருக்கும் உள்ளாட்சித் தேர்தலில் திமுக கூட்டணி வெற்றிக்கான வியூகம் குறித்தும், வளர்ச்சிப் பணிகள் குறித்தும் விவாதிக்கப்பட்டது. இதில் ஒன்றிய துணை செயலாளர்கள் வேணுகோபால், நாராயணன், பரிமளம், மாவட்ட பிரதிநிதிகள் நவநீதன், ராஜன், வேலப்பன், ஊராட்சி செயலாளர்கள் (தெற்கு கள்ளிகுளம்) சார்லஸ் பெஸ்கி, (சமூகரெங்கபுரம்) முரளி, (கும்பிகுளம்) ரமேஷ், (கஸ்தூரிரெங்கபுரம்) மாசானம், (உறுமன்குளம்) அமெச்சியார், (கூடங்குளம்) பாலசுப்பிரமணியன், (விஜயாபதி) இளங்கோ, (கூத்தன்குழி) ராஜா, (உவரி) புலவர் சேசையா, (க.புதூர்) ஜான்கருத்தையா, (திருவம்பலபுரம்) மாசானம் (எ) மணி, மாவட்ட மகளிர் தொண்டரணி அமைப்பாளர் வழக்கறிஞர் ஜெனிபர் தினகர், மாவட்ட மீனவரணி அமைப்பாளர் எரிக்ஜீட், மாவட்ட தொண்டரணி துணை அமைப்பாளர் முருகன், மாவட்ட விவசாய தொழிலாளரணி துணை அமைப்பாளர் கண்ணன், மாவட்ட பொறியாளரணி துணை அமைப்பாளர் ஆனந்த், மாவட்ட இலக்கிய அணி துணை அமைப்பாளர் சுப்பையா, மாவட்ட மீனவரணி துணை அமைப்பாளர்கள் சூசை அந்தோணி, ஜான்சன், மாவட்ட ஆதிதிராவிடர் நலக்குழு துணை அமைப்பாளர் மூர்த்தி, மாவட்ட மகளிரணி துணை அமைப்பாளர்கள் சரோஜா, முத்துத்துரை, அல்போன்ஸ், செங்குட்டுவன், அந்தோணி, முன்னாள் ஒன்றிய குழு உறுப்பினர்கள் செழியன், செல்வி, நடராஜன், ராமையா, டேவிட், அகஸ்டின், கணேசன், கிறிஸ்டோபர், சந்திரசேகர், சுபாஷ், திசையன்விளை முன்னாள் பேரூர் செயலாளர் ஜெயராஜ், நசுருதின், ரமேஷ், கண்ணன், நெல்சன், ஒன்றிய தொண்டரணி அமைப்பாளர் ஜெய்சங்கர் உள்பட பலர் கலந்து கொண்டனர்.கூட்டத்தில் நடந்து முடிந்த மக்களவை தேர்தலில் அயராது பாடுபட்டு அனைத்து தொகுதிகளிலும் வெற்றியை தேடி தந்த தலைவர் மு.க.ஸ்டாலினுக்கும், நெல்லை எம்பி தொகுதியில் 35 ஆயிரம் வாக்குகள் அதிகமாக அளித்த ராதாபுரம் சட்டமன்ற தொகுதி வாக்காளர்களுக்கும் நன்றி தெரிவிக்கப்பட்டது. நடைபெற உள்ள உள்ளாட்சி தேர்தலில் ராதாபுரம் ஒன்றிய பகுதியில் உள்ள 2 மாவட்ட ஊராட்சி வார்டுகள், 18 ஒன்றிய குழு வார்டுகள், 27 கிராம ஊராட்சி தலைவர்கள், திசையன்விளை பேரூராட்சி தலைவர், பேரூராட்சியின் 18 வார்டு உறுப்பினர்கள் அனைத்திலும் திமுக கூட்டணி வேட்பாளர்களின் வெற்றிக்கு அயராது உழைத்திட தீர்மானிக்கப்பட்டது.ராதாபுரம் ஒன்றிய பகுதியில் மக்கள் பயன்படுத்த முடியாத நிலையில் உள்ள வள்ளியூர் -இட்டமொழி ரோடு, மிட்டதார்குளம் ஊருக்குள் செல்லும் சாலை, கஸ்தூரிரெங்கபுரம்- முடவன்குளம் ரோடு, சமூகரெங்கபுரம்-சிங்காரத்தோப்பு ரோடு, ராதாபுரம்-ஆத்தங்கரை பள்ளிவாசல் ரோடு ஆகியவற்றை போர்க்கால அடிப்படையில் சரிசெய்ய தமிழக அரசுக்கு கோரிக்கை விடுக்கப்பட்டது. ராதாபுரம் ஒன்றியப் பகுதியில் உள்ள அனைத்து கிராமங்களுக்கும் தாமிரபரணி கூட்டுக்குடிநீர் தடையின்றி வழங்க வேண்டுமென தமிழ்நாடு குடிநீர் வடிகால் வாரியத்திற்கும், தமிழக அரசுக்கும் வலியுறுத்தப்பட்டது.தொடர்ந்து உள்ளாட்சி அமைப்புகளில் திமுக சார்பில் போட்டியிடுவதற்கான விருப்ப மனுக்களை திமுக ஒன்றிய பொறுப்பாளர் விஎஸ்ஆர்.ெஜகதீஷ் வழங்கினார்.

    Source Link

    Read more

  • சொக்கம்பட்டி திரிகூடபுரத்தில் விபத்தில் பலியானோரின் குடும்பத்திற்கு ரூ.20 லட்சம், ஒருவருக்கு அரசு வேலை

    Posted by dinakaran on 20 November 2019

    கடையநல்லூர், நவ. 20: கடையநல்லூர் அடுத்த சொக்கம்பட்டி திரிகூடபுரத்தில் போலீஸ் வாகனம் மோதிய விபத்தில் பலியான 3 பேரின் குடும்பத்திற்கு ரூ.20 லட்சம் மற்றும் குடும்பத்தில் ஒருவருக்கு அரசு வேலை வழங்க வேண்டும் என முகம்மது அபுபக்கர் எம்எல்ஏ கோரிக்கை விடுத்துள்ளார். இதுகுறித்து அவர், முதல்வர் எடப்பாடி பழனிசாமிக்கு அனுப்பியுள்ள மனுவில் கூறியிருப்பதாவது: எனது தொகுதிக்குட்பட்ட திரிகூடபுரம் ஊராட்சியில் கடந்த 9ம் தேதி போலீஸ் வாகனம் மோதிய விபத்தில் பலியான ஆயிஷாள் பீவி, கன்சாள் மஹரிபா, இர்பானா ஆஷியா ஆகியோர் உயிரிழந்தனர். இவர்களது குடும்பத்திற்கு முதலமைச்சர் பொது நிவாரண நிதியில் இருந்து குறைந்தபட்சம் ரூ.20 லட்சம் வழங்க வேண்டும். அக்குடும்பத்தினரில் ஒருவருக்கு அரசு வேலை வழங்க வேண்டும். மேலும் மதுரை- தென்காசி நெடுஞ்சாலைகளில் விபத்து நேராமல் தடுக்க தக்க முன்னெச்சரிக்கை நடவடிக்கை மேற்கொள்ள வேண்டும். குறுகலாகவும், வளைவாகவும் உள்ள சொக்கம்பட்டி- திரிகூடபுரம் சாலையை போர்க்கால அடிப்படையில் சீரமைக்க வேண்டும். திரிகூடபுரத்தில் பாதுகாப்பான நிழற்குடை உருவாக்க உரிய உத்தரவு பிறப்பிக்க வேண்டும். இவ்வாறு அதில் கூறியுள்ளார்.

    Source Link

    Read more

  • உள்ளாட்சி தேர்தலில் போட்டியிட காங். விருப்ப மனுக்கள் நாளை முதல் விநியோகம்

    Posted by dinakaran on 20 November 2019

    சுரண்டை, நவ. 20: உள்ளாட்சி தேர்தலில் போட்டியிட விரும்பும் காங்கிரசார், நாளை முதல் விருப்ப மனுக்களை பெற்றுக் கொள்ளலாம் என நெல்லை மேற்கு மாவட்ட காங். தலைவர் பழனிநாடார் தெரிவித்துள்ளார்.இதுதொடர்பாக அவர் வெளியிட்டுள்ள அறிக்கை: நடைபெற உள்ள உள்ளாட்சி தேர்தலில் காங்கிரஸ் சார்பில் போட்டியிட விரும்புவோர் நாளை(21ம் தேதி) முதல் விருப்ப மனுக்களை பெற்றுக் கொள்ளலாம். நகராட்சித் தலைவர் பதவிக்கு போட்டியிடுவார் ரூ.5 ஆயிரம், வார்டு உறுப்பினர் ரூ.2 ஆயிரம், பேரூராட்சி தலைவர் ரூ.3 ஆயிரம், பேரூராட்சி உறுப்பினர் ஆயிரம் ரூபாய், மாவட்ட ஊராட்சிக்குழு உறுப்பினர் ரூ.3 ஆயிரம், ஊராட்சி ஒன்றிய உறுப்பினர் ரூ.2 ஆயிரம் என கட்டணம் செலுத்தி விருப்ப மனுக்களை பெற்றுக் கொள்ளலாம். சங்கரன்கோவில் சட்டமன்ற தொகுதி மற்றும் வாசுதேவநல்லூர் சட்டமன்ற தொகுதிக்குட்பட்ட காங்கிரஸ் உறுப்பினர்கள் வாசுதேவநல்லூரில் உள்ள வணிக வைசிய திருமண மண்டபத்தில் நாளை காலை 10 மணி முதல் விருப்ப மனுக்களை பெற்றுக் கொள்ளலாம். ஆலங்குளம் ஒன்றியத்திற்குட்பட்டவர்கள் 22ம் தேதி, சுரண்டையில் உள்ள மாவட்ட காங்கிரஸ் அலுவலகத்தில் விருப்ப மனுக்களை பெற்றுக் கொள்ளலாம். தென்காசி மற்றும் கடையநல்லூர் சட்டமன்றத்திற்குட்பட்ட உறுப்பினர்கள்  23ம் தேதி அன்று தென்காசி மாவட்ட காங்கிரஸ் அலுவலகத்தில் பெற்றுக் கொள்ளலாம். இவ்வாறு அறிக்கையில் கூறியுள்ளார்.

    Source Link

    Read more

  • விகேபுரம் சாலைகளில் கால்நடைகளை திரியவிட்டால் நடவடிக்கை

    Posted by dinakaran on 20 November 2019

    வி.கே.புரம், நவ. 20: வி.கே.புரத்தில் சாலைகளில் கால்நடைகளை திரியவிட்டால் நடவடிக்கை எடுக்கப்படும் என்று நகராட்சி ஆணையாளர் காஞ்சனா எச்சரிக்கை விடுத்துள்ளார். வி.கே.புரம் நகராட்சிக்குட்பட்ட சாலைகளில் போக்குவரத்துக்கு இடையூறாக ஆடு, மாடுகள் திரிகின்றன. இரவு நேரங்களில் இவை சாலையை ஆக்கிரமித்து கொள்கின்றன. இதனால் தெருவிளக்கு இல்லாத பகுதியில் வரும் வாகனங்கள், கால்நடைகள் மீது மோதி விபத்துக்குள்ளாகும் சூழல் ஏற்படுகிறது. மேலும் சாலையில் திரியும் கால்நடைகள், திடீரென சண்டையிட்டு வாகனங்களில் மோதுகின்றன. இதனால் வாகனங்களில் வருவோர் கீழே விழுந்து உயிரிழக்கும் அபாயமும் காணப்படுகிறது. இதனை தடுக்க உரிய நடவடிக்கை எடுக்க வேண்டுமென வி.கே.புரம் இந்து முன்னணியினர் நகராட்சி ஆணையாளர் காஞ்சனாவிடம் கோரிக்கை மனு அளித்தனர். இந்நிலையில் நகராட்சி ஆணையாளர் காஞ்சனா வெளியிட்டுள்ள அறிக்கையில் கூறியிருப்பதாவது: நகராட்சி பகுதி சாலைகளில் சுற்றித்திரியும் கால்நடைகளை அதன் உரிமையாளர்கள் உடனடியாக பிடித்து சென்று தங்கள் வீட்டில் வளர்க்க வேண்டும். தவறினால் சாலைகள் மற்றும் நகராட்சி பகுதியில் சுற்றுத் திரியும் கால்நடைகளை நகராட்சி அலுவலகத்திற்கு கொண்டுவருவதோடு உரிமையாளர்கள் மீது சட்டப்படியான நடவடிக்கை எடுக்கப்படும். இவ்வாறு கூறியுள்ளார்.

    Source Link

    Read more

  • பயிர்களில் நோய் தாக்குதலை கட்டுப்படுத்த கிள்ளிகுளம் வேளாண் கல்லூரி மாணவிகள் செயல்விளக்கம்

    Posted by dinakaran on 20 November 2019

    நெல்லை, நவ. 20: கிள்ளிகுளம் வேளாண் கல்லூரி மாணவிகள் தங்களது துறை தலைவர்கள் அறிவுறுத்தலின் பேரில் விவசாயிகளை நேரில் சந்தித்து பயிர்களில் நோய் தாக்குதலை கட்டுப்படுத்த ஆலோசனை மற்றும் செயல்விளக்கம் அளித்து வருகின்றனர். அதன்படி களக்காடு அருகே உள்ள எஸ்என்.பள்ளிவாசல் கிராமத்தில் மஞ்சள் ஒட்டு பொறி குறித்து கிள்ளிகுளம் வேளாண் கல்லூரி மாணவிகள் செயல் விளக்கம் அளித்தனர்.எஸ்என் பள்ளிவாசல் கிராமத்தில் மிளகாய், தக்காளி போன்ற காய்கறிகளை விவசாயிகள் பயிரிட்டுள்ளனர். அவற்றில் வெள்ளை ஈக்கள், இலைப்பேன் போன்ற பூச்சிகளின் தாக்கத்தால் இலைகள் சுருண்டும், செடிகள் வளர்ச்சி குன்றியும் காணப்பட்டன. இந்த பூச்சிகளின் தாக்கத்தை எளிய முறையில் கட்டுப்படுத்த மஞ்சள் ஒட்டு பொறி பயன்படுத்துவது குறித்த செயல்விளக்கத்தை வேளாண் கல்லூரி மாணவிகள் நடத்தினர். கிள்ளிகுளம் வேளாண் கல்லூரி தலைவர் இறைவன் அருட்கனி அய்யாநாதன் மற்றும் சோமசுந்தரம் சுந்தர், செண்பகவல்லி அறிவுரையின் பேரில் மாணவிகள் அபிராமி, ஆன்ஸ் எழிலரசி, இந்து, மகாசந்திரமுகி, பிரியதர்ஷினி, சாருமதி, சவுந்தர்யா ஆகியோர் விவசாயிகளுக்கு ஆலோசனை வழங்கினர்.

    Source Link

    Read more

  • சாதி சான்றிதழ் தாங்க... தாலுகா அலுவலகம் வந்த பள்ளி மாணவ, மாணவிகள்

    Posted by dinakaran on 20 November 2019

    தென்காசி, நவ. 19: தென்காசியில் சாதி சான்றிதழ் வழங்க கோரி பள்ளி மாணவ, மாணவிகள் தாலுகா அலுவலகத்தில் மனு அளித்தனர். தென்காசி அடுத்த பாட்டப்பத்து மற்றும் உடையார் தெரு பகுதியில் சுமார் 60 குடும்பங்களுக்கும் மேற்பட்ட புதிரை வண்ணார் சமுதாய மக்கள் வசித்து வருகின்றனர். இவர்கள் நேற்று காலை பள்ளிக்கு செல்லும் தங்களது குழந்தைகளுடன் தாலுகா அலுவலகத்தில் திரண்டனர்.  புதிரை வண்ணார் எழுச்சி பேரவை மாவட்ட செயலாளர் இசைவாணன் தலைமையில் மாவட்ட அமைப்பாளர் ரமேஷ், ஒன்றிய செயலாளர் முருகன், மாவட்ட நிதி செயலாளர் ஆனந்த், செய்தி தொடர்பாளர் இளையராஜா, துணை செயலாளர் செல்வகணேஷ் உள்ளிட்டோருடன் தாலுகா அலுவலகத்தில் சாதி சான்றிதழ் கேட்டு மனு அளித்தனர். அதில் கூறியிருப்பதாவது: நாங்கள், புதிரை வண்ணார் சமுதாயத்தை சேர்ந்தவர்கள். எங்களது குழந்தைகளின் கல்விக்காகவும், அரசு நலத்திட்ட உதவுகளை பெறவும், சாதி சான்றிதழ் அத்தியாவசிய தேவையாக உள்ளது. இதுகுறித்து ஏற்கனவே கடந்த 5.8.19ல் நெல்லை கலெக்டர் அலுவலகத்தில் மனு அளித்துள்ளோம். தொடர்ச்சியாக தென்காசி தாலுகா அலுவலகத்திலும் வழங்கியுள்ளோம். எனவே உரிய விசாரணை நடத்தி முறையாக சாதி சான்றிதழ் வழங்க வேண்டும். இவ்வாறு கூறியுள்ளனர்.

    Source Link

    Read more

  • முன்விரோதத்தில் மூதாட்டி மீது தாக்குதல்

    Posted by dinakaran on 20 November 2019

    நாங்குநேரி, நவ. 20: விஜயநாராயணம் அருகே பெரியநாடார் குடியிருப்பை சேர்ந்தவர் சாமி மனைவி சித்திரைக்கனி(65). இவருக்கும், இதே பகுதியை சேர்ந்த காமராஜ் மனைவி இசக்கி என்பவருக்கும் முன்விரோதம் இருந்து வந்தது. சம்பவத்தன்று ஏற்பட்ட தகராறில் இசக்கி தாக்கியதில் சித்திரைக்கனிக்கு எலும்புமுறிவு ஏற்பட்டது. நாட்டு வைத்தியரிடம் சிகிச்சை பெற்று வீடு திரும்பிய நிலையில், மீண்டும் அவர்களிடையே தகராறு ஏற்பட்டு சித்திரைக்கனியை இசக்கி மீண்டும் அவதூறாக பேசி கொலை மிரட்டல் விடுத்தார். இதுகுறித்து சித்திரைக்கனி அளித்த புகாரின் பேரில் விஜயநாராயணம் சப்-இன்ஸ்பெக்டர் ஆறுமுகம் வழக்கு பதிந்து விசாரணை நடத்தி வருகிறார்.

    Source Link

    Read more

  • மர்ம காய்ச்சல் எதிரொலி திசையன்விளையில் 200 பேர் துப்புரவு பணி

    Posted by dinakaran on 20 November 2019

    திசையன்விளை, நவ. 20:  திசையன்விளை பகுதியில் பரவி வரும் மர்ம காய்ச்சல் எதிரொலியாக பேரூராட்சி பணியாளர்கள் 200 பேர், ஒரே நாளில் அதிரடி துப்புரவு பணி மேற்கொண்டனர்.திசையன்விளை பகுதியில் மர்மகாய்ச்சல் வேகமாக பரவி வருகிறது. மடச்சம்பாட்டில் ஒரே வீட்டில் இரு குழந்தைகள், மர்மகாய்ச்சலுக்கு அடுத்தடுத்து இறந்தனர். கடந்த சில நாட்களுக்கு முன்பு காய்ச்சலுக்கு பாதிக்கப்பட்ட செல்வமருதூரை சேர்ந்த மோனிஷா(3) என்ற சிறுமி நெல்லை அரசு மருத்துவமனையில் சேர்க்கப்பட்டு இறந்தாள். இதையடுத்து காய்ச்சலை பரவலை தடுக்கக் கோரி நேற்று முன்தினம் அரசு ஆரம்ப சுகாதார நிலையம் முன்பு அப்பகுதி மக்கள் ஆர்ப்பாட்டத்தில் ஈடுபட்டனர். இதனை தொடர்ந்து சுகாதாரம் மற்றும் பேரூராட்சி சார்பில் நேற்று டெங்கு நோய் தடுப்பு அதிரடி நடவடிக்கை மேற்கொள்ளப்பட்டது. வடக்கு வள்ளியூர், கல்லிடைக்குறிச்சி, சேரன்மகாதேவி, வீரவநல்லூர், களக்காடு மற்றும் நாங்குநேரி பேரூராட்சி செயல் அலுவலர்கள், துப்புரவு பணியாளர்கள், துப்புரவு மேற்பார்வையாளர்கள், டெங்கு பணியாளர்கள் 100 பேர், சுகாதார பணியாளர்கள் 100 பேர் என ஒரே நாளில் 200 பேர் திசையன்விளை பகுதியில் களமிறங்கினர்.  இவர்களுடன் வட்டார மருத்துவ அலுவலர் டாக்டர் கண்ணன் தலைமையில் சுகாதார துறை அலுவலர்கள் மற்றும் பணியாளர்களும் டெங்கு தடுப்பு பணிகளில் ஈடுபட்டனர். துப்புரவு பணியாளர்கள் திசையன்விளை பேரூராட்சிக்குட்பட்ட அனைத்து தெருக்களிலும் குப்பைகளை அப்புறப்படுத்தியதுடன், வாறுகால் துப்புரவு, கொசு மருந்து அடித்தல், வீடுகளில் டெங்கு கொசு உற்பத்திக்கான வாய்ப்பு உள்ளதா என ஆய்வு மேற்கொண்டனர். அனைத்து துப்புரவு பணிகளும் திசையன்விளை பேரூராட்சி செயல் அலுவலர்(பொ) சுப்பிரமணியன் மேற்பார்வையில் நடந்தது.

    Source Link

    Read more

  • களக்காட்டில் பைக் மோதி பெண் காயம்

    Posted by dinakaran on 20 November 2019

    களக்காடு, நவ. 20: களக்காடு ஜவகர் வீதியை சேர்ந்தவர் குப்புசாமி (67). இவர், திருப்பூரில் கூலி தொழிலாளியாக உள்ளார். சம்பவத்தன்று ஊருக்கு வந்திருந்த குப்புசாமி, தனது மனைவி முப்பிடாதியுடன் (60) களக்காடு தபால் நிலையத்தில் இருந்து புதிய பஸ் ஸ்டாண்ட் செல்லும் சாலையில் நடந்து சென்று கொண்டிருந்தார். அப்போது பின்னால் கக்கன்நகரை சேர்ந்த நைனார் மகன் முருகன் என்பவர் ஓட்டி வந்த பைக் முப்பிடாதி மீது மோதியது. இதில் அவருக்கு இடது கையில் காயம் ஏற்பட்டது. இதையடுத்து அவர் களக்காடு அரசு மருத்துவமனையில் அனுமதிக்கப்பட்டார். அங்கு முதலுதவி சிகிச்சைக்கு பின் நெல்லை அரசு மருத்துவக்கல்லூரி மருத்துவமனையில் சேர்க்கப்பட்டார். இதுகுறித்து குப்புசாமி களக்காடு போலீசில் புகார் செய்தார். போலீசார் வழக்கு பதிந்து விசாரணை நடத்தி வருகின்றனர்.

    Source Link

    Read more

  • ஏர்வாடி அருகே ஆலங்குளத்தில் அடிப்படை வசதியின்றி அவதிக்குள்ளாகும் மக்கள்

    Posted by dinakaran on 20 November 2019

    ஏர்வாடி, நவ. 20: ஏர்வாடி அருகே ஆலங்குளத்தில் 1500க்கும் மேற்பட்டோர் வசித்து வருகின்றனர். இந்த கிராமம், புலியூர் குறிச்சி கிராம பஞ்சாயத்திற்கு உட்பட்டது. இங்குள்ள  தெருக்கள், மண் சாலைகளே உள்ளன.  வீடுகளில் இருந்து வெளியேறும் கழிவுநீர் செல்ல வாறுகால் வசதியில்லாததால், குட்டைப்போல் ஆங்காங்கே தேங்கி நிற்கின்றன. இதனால் கொசுக்கள் பெருகி காய்ச்சல் உள்ளிட்ட நோய்கள் பரவுகின்றன. இதுகுறித்து புலியூர்குறிச்சி ஊராட்சி திமுக செயலாளர் ஜான்பால், சமக களக்காடு ஒன்றிய செயலாளர் ஜெபஸ்டின்  திரவியராஜ் ஆகியோர் கூறியதாவது: புலியூர்குறிச்சி ஊராட்சிக்குட்பட்ட  இனாம் ஆலங்குளம்  தெற்குத்தெருவில் சாலை  வசதி இல்லை. மழைநீர் மற்றும் கழிவுநீர்  தெருக்களில் குளம்போல் தேங்கி நிற்கிறது. விஷச் செடிகளும் காடுகள்போல  வளர்ந்து காணப்படுகிறது. கடந்த 2 மாதங்களில் 5 பாம்புகள் மற்றும் தேள்கள் அடிக்கப்பட்டுள்ளன. இங்கு  கழிவுநீர் குளம்போல் தேங்குவதால் கொசுக்களின் உற்பத்தி கேந்திரமாக மாறிவிட்டன. அடிப்படை வசதிகள் கேட்டு ஊராட்சியில் மனு  கொடுத்தும் நடவடிக்கை எடுக்கப்படவில்லை. எனவே மாவட்ட நிர்வாகம், இந்த பகுதியை பார்வையிட்டு அடிப்படை வசதிகளை செய்து தர வேண்டும், என்றனர்.

    Source Link

    Read more

  • ஆழ்வார்குறிச்சி அருகே செங்கானூரில் ரயில்வே சுரங்கப்பாதையில் கலெக்டர் ஷில்பா ஆய்வு

    Posted by dinakaran on 20 November 2019

    கடையம், நவ. 20: ஆழ்வார்குறிச்சி அருகே செங்கானூர் ரயில்வே சுரங்கப் பாதையில் கலெக்டர் ஷில்பா ஆய்வு மேற்கொண்டார். ஆழ்வார்குறிச்சி பேரூராட்சிக்குட்பட்ட செங்கானூர் கிராமத்திற்கு செல்லும் சாலையில், ரயில் தண்டவாளத்தை கடக்க சுரங்கப்பாதையை ரயில்வே துறை அமைத்துள்ளது. மழை காலங்களில் இந்த சுரங்கப்பாதையில் தேங்கும் தண்ணீரை வெளியேற்ற மோட்டாரும் பொருத்தப்பட்டு உள்ளது. ஆனால் மழை நேரங்களில் சுரங்கப் பாதையில் மழைநீருடன் ஊற்றும் அதிகளவில் பெருக்கெடுப்பதால் மோட்டார் மூலம் முழுமையாக தண்ணீரை வெளியேற்ற முடியாத நிலை ஏற்பட்டது. இதனால் சுரங்கப்பாதையை செங்கானூர் கிராம மக்கள் பயன்படுத்த முடியாத நிலை உருவாகியுள்ளது. வேலைக்குச் செல்லும் பெண்கள், பள்ளி, கல்லூரி செல்லும் மாணவ, மாணவிகள் தண்ணீரில் இறங்கி செல்வதால் பெரும் சிரமத்திற்குள்ளாகி வருகின்றனர். இதனால் மாற்றுப் பாதை அமைக்க வலியுறுத்தி போராட்டத்தில் ஈடுபட்டனர். இதையடுத்து ஆழ்வார்குறிச்சி பேரூராட்சி சார்பில் மேலும் இரண்டு டீசல் மோட்டார்கள் அமைக்கப்பட்டு தண்ணீரை வெளியேற்றும் பணி நடைபெற்றது. ஆனாலும் தண்ணீரை முழுமையாக வெளியேற்ற முடியாததால் பொதுமக்கள் ரயில் மறியல் முயற்சியில் ஈடுபட்டனர். அப்போது சுரங்கப்பாதையை நேரில் பார்வையிட்ட ரயில்வே நிர்வாக அதிகாரிகள் மாற்றுப் பாதை அமைத்துத் தருவதாக உறுதியளித்தனர். ஆனால் இதுவரை மாற்றுப் பாதை அமைக்கப்படவில்லை. இந்நிலையில் நேற்று கலெக்டர் ஷில்பா பிரபாகர் சதீஷ், செங்கானூர் சுரங்கப் பாதையை நேரில் பார்வையிட்டு ஆய்வு செய்தார். அப்போது மாற்றுப் பாதை அமைப்பதற்கான இடங்கள் மற்றும் வழிகள் குறித்து அதிகாரிகளிடம் கேட்டறிந்தார். மாற்றுப் பாதை அமைப்பதற்கான இடங்கள் தேர்வு செய்யப்பட்டு உறுதியாக மாற்றுப் பாதை அமைக்கப்படும் என்று கிராம மக்களிடம் தெரிவித்தார்.ஆய்வின் போது சேரன்மகாதேவி சப்-கலெக்டர் பிரதிக் தயாள், நெல்ைல மண்டல பேரூராட்சிகள் உதவி இயக்குநர் மாஹிம் அபுபக்கர், அம்பை தாசில்தார் வெங்கடேசன், ஆழ்வார்குறிச்சி பேரூராட்சி செயல் அலுவலர் சாந்தி, வருவாய் ஆய்வாளர் சங்கரவடிவு, கிராம நிர்வாக அலுவலர் டேவிட் கிங்க்ஸ்லின் சாமுவேல், ஆழ்வார்குறிச்சி அதிமுக நகர செயலாளர் சங்கர் உள்ளிட்டோர் உடனிருந்தனர்.

    Source Link

    Read more

  • பாபநாசம் ஆற்றை தூய்மையாக வைக்க பரிகார பூஜை நடத்துவோருடன் நகராட்சி ஆலோசனை

    Posted by dinakaran on 20 November 2019

    வி.கே.புரம், நவ. 20: பாபநாசம் தாமிரபரணி ஆற்றை தூய்மையாக வைப்பதற்காக பரிகார பூஜை நடத்துவோருடன் நகராட்சி சார்பில் ஆலோசனை கூட்டம் நடந்தது. கைலாயத்தில் சிவனுக்கும் பார்வதிக்கும் திருமணம் நடந்த போது வடக்கே தாழ்ந்து, தெற்கே உயர்ந்தது. பூமியை சமப்படுத்துவதற்காக, அகத்தியரை பொதிகை மலைக்கு அனுப்பினார் சிவன். சித்திரை மாதப்பிறப்பன்று அவருக்கு தனது திருமண கோலத்தை காட்டியருளினார். இத்தகைய சிறப்பு பெற்ற திருத்தலமான பாபநாசம் நெல்லை மாவட்டம் விகேபுரத்தை அடுத்து அமைந்துள்ளது.அசுரர்களின் குருவான சுக்ராச்சாரியாரின் மகனான துவஷ்டா என்பவரை கொன்றதால் தேவர்களின் அரசனான இந்திரனுக்கு ஏற்பட்ட பிரம்மஹத்தி தோஷத்தை போக்கிய இடம், அகத்தியரின் சீடரான ரோமச முனிவர் தாமிரபரணி நதிக்கரையில் 9 தாமரை மலர்களை மிதக்கவிட அதில் முதல் மலர் மிதந்த இடத்தில் கோயில் எழுப்பப்பட்டதாக புகழப்படுகிறது பாபநாசம் திருத்தலம். நவகைலாயங்களில் முதல் தலமான பாபநாசம் முதல் கிரகமான சூரியனுக்குரியதானது. பொதிகை மலையில் உருவாகி மலைகளில் தவழ்ந்து வரும் தாமிரபரணி நதி இந்தக் கோயிலுக்கு அருகேதான் சமநிலையடைகிறது. தினமும் உச்சிக்கால பூஜையின் போது தாமிரபரணி நதியில் மீன்களுக்கு நைவேத்திய உணவுகளைப் படைத்து பூஜைகள் செய்யப்படுகிறது.ஆயிரம் ஆண்டுகளுக்கு மேல் பழமையான, பல்வேறு வரலாற்றுச் சிறப்புகள் பெற்ற நெல்லை மாவட்டம் பாபநாசம் கோயிலுக்கு வழிபட வருவோரில் பலர் ஜோதிடர்களின் வழிகாட்டுதலில் பரிகாரபூஜைகள் செய்து, தாமிரபரணியில் புனித நீராடும் போது தாங்கள் அணிந்திருக்கும் துணிகளை ஆற்றினுள் களைந்து விட்டுச் செல்கின்றனர். இவ்வாறு விடப்படும் துணிகள், ஆற்றில் குளிப்பவர்களின் கால்களில் சிக்கி உயிருக்கு ஆபத்தை உருவாக்குகின்றன. இதை தடுக்க பக்தர்கள் அமைப்பினர் பல முயற்சிகள் செய்தும் இதுவரை பெரிய பலன்கள் ஏதும் இல்லை.கடந்த ஆண்டு தாமிரபரணியில் நடந்த புஷ்கர விழாவை முன்னிட்டு புனித நீராட லட்சக்கணக்கானோர் பாபநாசத்தில் குவிந்ததால் தினமும் பல நூறுகிலோ துணி கழிவுகள் ஆற்றில் விடப்பட்டன. இதையடுத்து பக்தர்கள் அமைப்பினர், நகராட்சி நிர்வாகம் சார்பில் ஆற்றின் கரைகளில் சிறப்பு தொட்டிகள் அமைக்கப்பட்டு கழிவு துணிகள் சேகரிக்கப்பட்டு அப்புறப்படுத்தப்பட்டன.தொடர்ந்து நகராட்சி சார்பில் தாமிரபரணியில் தேங்கிக் கிடக்கும் துணிகளை அகற்றும் பணி நடந்து வருகிறது.  வாரம்தோறும் பல மூடை கழிவு துணிகள் சேகரமாகிறது. இந்நிலையில் தாமிரபரணியை தூய்மையாக வைப்பது தொடர்பாக பாபநாசத்தில் பரிகார பூஜை செய்வோருடன் ஆலோசனை நடத்த நகராட்சி முடிவு செய்தது.அதன்படி நேற்று கோயில் வளாகத்தில் ஆலோசனை கூட்டம் நடந்தது. ஆணையாளர் காஞ்சனா தலைமை வகித்தார். சுகாதார ஆய்வாளர் கணேசன் முன்னிலை வகித்தார். கூட்டத்தில் சுகாதார மேற்பார்வையாளர் மில்லர், தூய்மை இந்தியா திட்ட மேற்பார்வையாளர் ஈஸ்வரன் உட்பட பலர் கலந்து கொண்டனர்.கூட்டத்தில் கலந்து கொண்ட பரிகார பூஜை செய்பவர்கள், தங்களிடம் பூஜைக்கு வருபவர்களிடம் தாமிரபரணி நதியில் துணிகள் மற்றும் இதர பொருட்களை போடச் சொல்லி அறிவுறுத்த மாட்டோம். துணிகள், இதர பொருட்களை நதியில் விடுவது பாவம் என்பதை எடுத்துக் கூறி அதற்கென வைக்கப்பட்டுள்ள தனி தடுப்புகளில் அவற்றை விடக்கூறுவோம் என உறுதியளித்தனர். இதன்மூலம் இனி பாபநாசம் தாமிரபரணியில் துணி கழிவுகள் வீசப்படுவது தவிர்க்கப்படும் என எதிர்பார்க்கப்படுகிறது.

    Source Link

    Read more

To Top To Top