25 March 2019

  • அரிசி வியாபாரியிடம் ரூ.1.24 லட்சம் பறிமுதல்

    Posted by dinakaran on 22 March 2019

    புளியங்குடி, மார்ச் 22:  சேர்ந்த   மரம்-சாம்பவர்வடகரை ரோட்டில் பறக்கும்படை பொறுப்பு அதிகாரி கிரேட் சர்ச்சில் ஜெபராஜ் தலைமையில் சேர்ந்தமரம் சிறப்பு எஸ்ஐ கணேசன், ஏட்டு சந்தனபாண்டி மற்றும் போலீசார்  நேற்று வாகன சோதனையில் ஈடுபட்டனர். அப்போது அந்த வழியாக வந்த மினி வேனை சோதனையிட்டதில்  ரூ.1 லட்சத்து 24 ஆயிரத்தை அதிகாரிகள் பறிமுதல் செய்தனர். இதைத்தொடர்ந்து காரில் வந்த தென்காசி பள்ளி வாசல் தெரு சிக்கந்தர் மகன் முகம்மது அலி(20) என்பவரிடம் விசாரணை நடத்தினர்.விசாரணையில் சுரண்டையில் அரிசி விற்ற பணம் என்று அவர் கூறினார். தொடர்ந்து உரிய ஆவணங்கள்  காட்டப்பட்டதால் கைப்பற்றிய பணம் அவரிடம் திருப்பிக்கொடுக்கப்பட்டது.

    Source Link

    Read more

  • வைக்கோல் லாரி எரிந்து நாசம்

    Posted by dinakaran on 22 March 2019

    தென்காசி, மார்ச் 22: கேரளமாநிலம் கொல்லத்தைச் சேர்ந்த ஆரிபா என்பவரது லாரியில் நெல்லை மாவட்டம் வீகேபுதூரில் இருந்து வைக்கோல் ஏற்றிவிட்டு கேரளாவுக்கு சென்றது. லாரியை  செங்கோட்டையைச் சேர்ந்த சுப்பிரமணியன் ஓட்டினார். லாரி தென்காசி அடுத்த கண்டமங்கலம் பகுதியில் செல்லும் போது தாழ்வாக சென்ற மின்கம்பி உரசியதில் வைக்கோலில் தீப்பிடித்தது.  தகவலறிந்த தென்காசி, சுரண்டை தீயணைப்பு நிலைய வீரர்கள் விரைந்து வந்தனர். அதற்குள் வைக்கோல், லாரி எரிந்து நாசமானது. இதுகுறித்து குற்றாலம் போலீசார் விசாரித்து வருகின்றனர்.

    Source Link

    Read more

  • தென்காசியில் தேசிய ஜனநாயக கூட்டணி நிர்வாகிகள் ஆலோசனை கூட்டம்

    Posted by dinakaran on 22 March 2019

    தென்காசி, மார்ச் 22: தென்காசியில் தேசிய ஜனநாயக கூட்டணி கட்சியின் நகர நிர்வாகிகள் ஆலோசனை கூட்டம் நடந்தது. செல்வமோகன்தாஸ் பாண்டியன் எம்.எல்.ஏ.தலைமை வகித்தார். அதிமுக மாவட்ட பொருளாளர் சண்முகசுந்தரம், நகர செயலாளர் சுடலை, பொதுக்குழு கசமுத்து, நகர நிர்வாகிகள் வெள்ளப்பாண்டி, முருகன்ராஜ், பட்டுபூச்சி பீர்முகம்மது, பூக்கடை சரவணன், மாரிமுத்து, முத்துக்குமாரசாமி, சுடலைமணி, சிந்தாமணி காமராஜ், ரமேஷ், அமுல்ராஜ், சங்கரநாராயணன், குணம், பா.ஜ தொகுதி பொறுப்பாளர் அன்புராஜ், நகர தலைவர் திருநாவுக்கரசு, ராஜ்குமார், முத்துக்கிருஷ்ணன், மந்திரமூர்த்தி, கருப்பசாமி, மூர்த்தி, ஐயர், பாலசுப்பிரமணியன், புதிய தமிழகம் அய்யப்பன், மாடசாமி, சந்திரன், மாரியப்பன், சுரேஷ், கணேசன், த.மா.கா.கண்ணன், சபரிமுருகேசன், மூக்கையா, வெள்ளத்துரை, தேமுதிக சுடலைமணி, சிவராமன், சுப்பிரமணியன் , பாமக குலாம், பழனிசாமி, சங்கரநாராயணன், பாலமுருகன் உட்பட பலர் பங்கேற்றனர். கூட்டத்தில் செல்வமோகன்தாஸ்பாண்டியன் எம்.எல்.ஏ.பேசியதாவது, தென்காசியில் போட்டியிடும் டாக்டர் கிருஷ்ணசாமியை அமோக வாக்குகள் வித்தியாசத்தில் வெற்றி பெற முன்னாள் முதல்வர் ஜெயலலிதா, பிரதமர் மோடியின் சாதனைகளை மக்களிடையே எடுத்துக்கூறி தீவிரமாக வாக்குகள் சேகரிக்க வேண்டுமென்றார். பா.ஜ. நகர தலைவர் திருநாவுக்கரசு நன்றி கூறினார்.

    Source Link

    Read more

  • சங்கரன்கோவிலில் அதிமுக கூட்டணி கட்சியினரின் தேர்தல் ஆலோசனை கூட்டம்

    Posted by dinakaran on 22 March 2019

    சங்கரன்கோவில், மார்ச் 22: சங்கரன்கோவிலில் இன்று அதிமுக கூட்டணி கட்சியினரின் தேர்தல் ஆலோசனை கூட்டம் நடக்கிறது. இதுகுறித்து அமைச்சர் ராஜலட்சுமி கூறியதாவது: தமிழகம் முழுவதும் 39 பாராளுமன்ற தொகுதிகளிலும் 18 சட்டமன்ற தொகுதிகளிலும் வரும் ஏப்ரல் 18ம் தேதி தேர்தல் நடைபெற உள்ளது. தென்காசி பாராளுமன்ற தொகுதி அதிமுக கூட்டணியில் இடம்பெற்ற புதிய தமிழகம் கட்சிக்கு ஒதுக்கப்பட்டுள்ளது. இதனை முன்னிட்டு சங்கரன்கோவில் ரயில்வே பீடர் ரோட்டில் உள்ள தனியார் மண்டபத்தில் இன்று (22ம்தேதி) காலை 10 மணிக்கு அதிமுக கூட்டணி கட்சியினர் சார்பில் தேர்தல் ஆலோசனை கூட்டம் நடக்கிறது. அதிமுக கூட்டணியில் இடம்பெற்றுள்ள பாஜ, தேமுதிக, பாமக, புதிய தமிழகம், தமாகா, புதியநீதி கட்சி உள்ளிட்ட கட்சியினரின் ஆதரவோடு வேட்பாளர் அறிமுக கூட்டம் நடக்கிறது. இதில் புதிய தமிழகம் கட்சியின் நிறுவனர் டாக்டர் கிருஷ்ணசாமி, அமைச்சர் ராஜேந்திரபாலாஜி, நெல்லை மாநகர் மாவட்ட செயலாளர் தச்சை கணேசராஜா, புறநகர் மாவட்ட செயலாளர் பிரபாகரன் எம்பி, நெல்லை பாராளுமன்ற தொகுதி வேட்பாளர் மனோஜ்பாண்டியன், மற்றும் எம்பிகள், எம்எல்ஏக்கள், முன்னாள் எம்எல்ஏகள், முன்னாள் எம்பிக்கள், அனைத்து கூட்டணி கட்சி நிர்வாகிகள் கலந்து கொள்கின்றனர். இதில் மாவட்ட, சார்பு அணி நிர்வாகிகள், நகர, கிளை நிர்வாகிகள் உள்ளிட்ட அனைவரும் திரளாக பங்கேற்ற வேண்டும் என வேண்டுகோள் விடுத்துள்ளார். ஆலோசனை கூட்டம் முடிந்த பின்பு சங்கரன்கோவில்-கழுகுமலை சாலையில் தேசிய ஜனநாயக முற்போக்கு கூட்டணி சார்பில் தேர்தல் அலுவலகம் திறக்கப்பட உள்ளது. இதிலும் அனைவரும் பங்கேற்க வேண்டும் என கேட்டுக்கொண்டார்.

    Source Link

    Read more

  • மனைவி, மாமியாரை அரிவாளால் தாக்கிய கூலி தொழிலாளி கைது

    Posted by dinakaran on 22 March 2019

    ஆலங்குளம், மார்ச் 22:  சுரண்டை அருகே உள்ள சாம்பவர்வடகரை மாஞ்சோலை தெருவை சேர்ந்தவர் நடராஜன் மகன் பாலமுருகன் (25). கூலி தொழிலாளியான இவருக்கும், ஆலங்குளம் அருகே பூலாங்குளத்தை சேர்ந்த முப்பிடாதி மகள் ஈஸ்வரி என்பவருக்கும் கடந்த 2 ஆண்டுகளுக்கு முன்பு திருமணம் நடந்தது. இவர்களுக்கு ஒரு பெண் குழந்தை உள்ளது. இந்நிைலயில் தம்பதியினர் இடையே கருத்து வேறுபாடு காரணமாக அடிக்கடி சண்டை நடந்ததாக கூறப்படுகிறது. இதையறிந்த ஈஸ்வரி தாயார் காளியம்மாள், நேற்று மகளை பூலாங்குளத்திற்கு அழைத்து வந்தார். வேலை முடிந்து மாலையில் வீடு திரும்பிய பாலமுருகன், மனைவி வீட்டில் இல்லாததால் அவரை தேடி பூலாங்குளம் சென்றுள்ளார். அங்கிருந்த ஈஸ்வரியை வீட்டுக்கு வரும்படி அழைத்தார். அப்போது மாமியாருக்கும், மருமகனுக்கும் கடும் வாக்குவாதம் ஏற்பட்டது. இதனால் ஆத்திரமடைந்த பாலமுருகன் வீட்டில் இருந்த அரிவாளை மாற்றி பிடித்து காளியம்மாள் மற்றும் ஈஸ்வரியை சரமாரியாக தாக்கினார். இதில் காயமடைந்த இருவரையும், அருகிலிருந்தவர்கள் மீட்டு தென்காசி அரசு மருத்துவமனைக்கு அனுப்பி வைத்தனர். இதுகுறித்த புகாரின் பேரில் ஆலங்குளம் போலீசார் வழக்கு பதிந்து பாலமுருகனை கைது செய்தனர்.

    Source Link

    Read more

  • சுரண்டை அருகே கார், பைக் ேமாதல்: ஒருவர் பலி

    Posted by dinakaran on 22 March 2019

    சுரண்டை, மார்ச் 22: தூத்துக்குடி மாவட்டம் கயத்தாறு அருகேயுள்ள குப்பனாபுரத்தை சேர்ந்த செல்லப்பா மகன் பெரிய கோட்டைசாமி(38). இவர் கேரளாவில் இரும்பு கடை நடத்தி வருகிறார். நேற்று மதியம் கேரளாவில் இருந்து பைக்கில் செங்கோட்டை வழியாக வந்து ஊருக்கு கொண்டிருந்தார். சுரண்டை அருகே பரங்குன்றாபுரம் பகுதியில் வரும்போது, 11ம் வகுப்பு மாணவர் சுப்பையாபாண்டியன் மகன் மாலன்(18) என்பவர் பெரியகோட்டைசாமியிடம் ராஜபாண்டி செல்ல வேண்டி இருப்பதால் வழியில் வீ.கே.புதூரில் இறங்கிக் கொள்வதாக கூறி லிப்ட் கேட்டுள்ளார். இருவரும் கலிங்கப்பட்டி விலக்கு அருகில் வரும்போது எதிரே வந்த கார், பைக் மீது பயங்கரமாக மோதியது. இதில் பெரிய கோட்டைசாமி சம்பவ இடத்திலேயே பலியானார். காரில் பயணம் செய்த ராயகிரியை சேர்ந்த  இசக்கிமுத்து, அவரது மனைவி லட்சுமி பிரபா, தந்தை ராமச்சந்திரன், தாய் இசக்கியம்மாள், சித்தப்பா பாலசுப்பிரமணியம், குழந்தைகள் கார்த்திகாவதி, வெங்கட்பிரபு ஆகிய  7 பேர் மற்றும் மாணவர் மாலன் உட்பட 8 பேர் காயமடைந்தனர்.உடனடியாக அருகில் இருந்தவர்கள் வீ.கே.புதூர் போலீசார் உதவியுடன் காயமடைந்தவர்களை மீட்டு தென்காசி அரசு மருத்துவமனையில் அனுமதித்தனர். இறந்த பெரியகோட்டைசாமி உடல் அரசு மருத்துவமனைக்கு பிரேத பரிசோதனைக்காக அனுப்பி வைக்கப்பட்டது. இதுகுறித்து வீ.கே.புதூர் எஸ்.ஐ ஜெயகுமார் வழக்குப்பதிவு செய்து விசாரணை நடத்தி வருகிறார். இசக்கிமுத்து குடும்பத்தினர் பழையகுறிச்சி அருகிலுள்ள குலதெய்வ கோயிலுக்கு சென்று விட்டு ராயகிரிக்கு திரும்பி வரும்போது கார் விபத்தில் சிக்கியது. இறந்த பெரிய கோட்டைசாமிக்கு வெயிலாட்சி என்ற மனைவியும், ஒரு ஆண் மற்றும் ஒரு பெண் குழந்தைகள் உள்ளனர்.

    Source Link

    Read more

  • சங்கரன்கோவிலில் அறிமுக கூட்டம் தென்காசி மக்களின் அனைத்து பிரச்னைகளும் தீர்க்க பாடுபடுவேன்

    Posted by dinakaran on 22 March 2019

    சங்கரன்கோவில், மார்ச்22: தென்காசி பாராளுமன்ற தேர்தலில் திமுக கூட்டணி சார்பில் திமுக வேட்பாளராக ராஜபாளையம் அருகே தேவதானத்தை சேர்ந்த முன்னாள் எம்எல்ஏ தனுஷ்கோடி மகன் தனுஷ். எம்.குமார் வேட்பாளராக அறிவிக்கப்பட்டுள்ளார். 28 ஆண்டுகள் கழித்து திமுக நேரடியாக தென்காசியில் போட்டியிடுவதால் திமுக தொண்டர்கள் அதிக வாக்கு வித்தியாசத்தில் வெற்றி பெற வேண்டும் என்ற முனைப்புடன் தேர்தல் பணியாற்றி வருகின்றனர். நேற்று சங்கரன்கோவிலில் தென்காசி திமுக வேட்பாளர் அறிமுக கூட்டம் நடந்தது. நெல்லை மேற்கு மாவட்ட செயலாளர் வக்கீல் சிவபத்மநாதன் தலைமை வகித்தார். முன்னாள் அமைச்சர் தங்கவேல், மாவட்ட அவைத்தலைவர் முத்துபாண்டியன், மாவட்ட இலக்கிய அணி தலைவர் சுப்பையா, தொழிலதிபர் அய்யாத்துரைபாண்டியன், தலைமை தீர்மானக்குழு உறுப்பினர் சரவணன், நகர காங்கிரஸ் தலைவர் உமாசங்கர், பார்வர்டு பிளாக் மாவட்ட செயலாளர் தங்கபாண்டியன், இந்திய கம்யூனிஸ்ட் தாலுகா செயலாளர் குருசாமி மற்றும் பலர் முன்னிலை வகித்தனர். இதில் மாவட்ட செயலாளர் சிவபத்மநாதன், வேட்பாளர் தனுஷ். எம்.குமாரை அறிமுகபடுத்தி பேசினார். தொடர்ந்து வேட்பாளர் தனுஷ். எம்.குமார் பேசியதாவது, கடந்த 28 ஆண்டுகளுக்கு பின்னர் தென்காசியில் திமுக நேரடியாக போட்டியிடும் நிலையில் போட்டியிட எனக்கு வாய்ப்பளித்த கட்சி தலைமைக்கு நன்றி தெரிவித்து கொள்கிறேன். இந்த தேர்தலில் மகத்தான வெற்றி பெற்று இனிவரும் காலங்களில் திமுக தொடர்ந்து வெற்றி பெற செய்யவேண்டும் என்ற இலக்குடன் பணிபுரிவேன். நான் வெற்றி பெற்றால் இத்தொகுதி மக்களின் அனைத்து வகையான பிரச்சனைகளையும் தீர்க்க பாடுபடுவேன் என்றார். நிகழ்ச்சியில் முன்னாள் நகர செயலாளர் ராஜதுரை, பொதுக்குழு உறுப்பினர் கணேசன், வர்த்தக அணி அண்ணாவியப்பன், முனியசாமி, தகவல்தொழில்நுட்ப பிரிவு குமார், ராஜ், பொறியாளர் அணி சங்கர், நெசவாளர் அணி மாரிச்சாமி, மாவட்ட பிரதிநிதி சேனா, வக்கீல்கள் முத்துராமலிங்கம், கண்ணன், இளைஞரணி பிரகாஷ், சரவணன், கார்த்திக், தொண்டரணி காளிச்சாமி மற்றும் திமுக, மதிமுக, விடுதலைசிறுத்தைகள், இந்தியகம்யூனிஸ்ட், முஸ்லிம்லீக் உள்ளிட்ட கூட்டணி கட்சிகளை சேர்ந்த பலர் பங்கேற்றனர். நகர செயலாளர் சங்கரன் நன்றி கூறினார்.  முன்னதாக வேட்பாளர் தனுஷ். எம்.குமார் விடுதலைசிறுத்தைகள் கட்சி தொகுதி செயலாளர் பீர்மைதீன் மற்றும் கட்சியினரை தனியார் விடுதியில் சந்தித்து ஆதரவு திரட்டினார்.

    Source Link

    Read more

  • சாஸ்தா கோயில்களில் பங்குனி உத்திர விழா கோலாகலம்

    Posted by dinakaran on 22 March 2019

    விகேபுரம், மார்ச் 22:  நெல்லை மாவட்ட சாஸ்தா கோயில்களில் பங்குனி உத்திர விழா கோலாகலமாக நடந்தது.  திரளான பக்தர்கள் பொங்கல் வைத்து வழிபட்டனர். பங்குனி உத்திரத்தன்று இந்துக்கள் குலதெய்வங்களை வழிபடுவது வழக்கம். தங்கள் குலதெய்வங்கள் தெரியாதவர்கள் காரையாறு சொரிமுத்தய்யனார் கோவிலுக்குச் சென்று வழிபடுவார்கள். நேற்று பங்குனி உத்திரமாக இருந்ததால் ஏராளமானவர்கள் சொரிமுத்தய்யனார் கோவிலுக்கு செல்வதற்காக பாபநாசம் அரசு போக்குவரத்து கழகம் முன் குவிந்தனர். இதனையொட்டி பாபநாசம் அரசு போக்குவரத்து கழகம் சார்பாக சிறப்பு பேருந்துகள் இயக்கப்பட்டன. இந்தாண்டு வனத்துறையினர் காரையாறு செல்ல ஆட்டோக்களுக்கு தடை விதிக்கப்பட்டதால் வழக்கத்தைவிட பேருந்துகளில் செல்வதற்கு கூட்டம் அதிகமாக இருந்தது. பாபநாசத்தில் கூட்டம் சேர, சேர பாபநாசம் அரசு போக்குவரத்து கழகத்திலிருந்து சொரிமுத்தய்யனார்கோவிலுக்கு பேருந்துகள் ஏற்பாடு செய்யப்பட்டதாக போக்குவரத்து அதிகாரிதெரிவித்தார். நெல்லை அருகே அழகியபாண்டியபுரம் தெற்கு வாகைக்குளம் குளக்கரையில் அமைந்துள்ள பூர்ணகலா, புஷ்பகலா சமேத ஆனைமேல் அய்யனார் தர்மசாஸ்தா கோவில் நேற்று காலை பங்குனி உத்தர திருவிழா நடந்தது. சுவாமிக்கு காலையில் சிறப்பு அபிஷேகங்களும், சிறப்பு பூஜையும் நடந்தது. தொடர்ந்து மதியம் அன்னதானம் நடந்தது. இதில் மாவட்டத்தின் பல பகுதிகளிலிருந்தும் திராளனவர்கள் கலந்து கொண்டு சுவாமியை தரிசனம் செய்தனர். ஏற்பாடுகளை நிர்வாககுழு தலைவர் முப்பிடாதி, திருப்பணிகுழு தலைவர் வேல் சிவனுப்பாண்டியன், துணைத்தலைவர் கோவிந்தராஜ், செயலாளர்கள் பாஸ்கர சேதுராமலிங்கம், மாடசாமி, பொருளாளர் சோமுபாண்டியன், இணைச்செயலாளர்கள் மகாராஜா, சக்திவேல்கணேசன் ஆகியோர் செய்திருந்தனர். களக்காடு: களக்காடு அருகே சிதம்பரபுரம் மலையடிவாரத்தில் உள்ள அகலிகை சாபம் தீர்த்த அய்யன் சாஸ்தா கோயிலில் பங்குனி உத்திர விழா கோலாகலத்துடன் நடந்தது. இதையொட்டி சாஸ்தா, மாடசாமி, இந்திரன் மற்றும் பரிவார தெய்வங்களுக்கு சிறப்பு அபிஷேகங்களும், அலங்கார தீபாராதனைகளும் நடந்தது. தொடர்ந்து பெண்கள் பொங்கலிட்டு வழிபட்டனர். இதுபோல களக்காடு ஆற்றாங்கரை தெரு சிவனனைந்தபெருமாள் கோயிலில் பங்குனி உத்திரத்தை யொட்டி கொடை விழா நடந்தது. விழாவில் சிவனனைந்தபெருமாள், பிரமராட்சி பேச்சி அம்மன், சுடலைமாடசுவாமி, கருப்பசாமி மற்றும் பரிவார மூர்த்திகளுக்கு சிறப்பு வழிபாடுகள் நடந்தது. மாலையில் பக்தர்கள் கோயில் முன் பொங்கலிட்டு வழிபட்டனர். சிறப்பு நிகழ்ச்சிகள் நடந்தது.திரளான பக்தர்கள் கலந்து கொண்டனர். களக்காடு பச்சையாறு அணை பகுதியில் உள்ள சேட்டையன் சாஸ்தா கோயிலிலும் பங்குனி உத்திர விழா சிறப்பு வழிபாடுகள் நடந்தது.நாங்குநேரி:  நாங்குநேரி அருகே சிங்குளம் கால்புரவு வயல் வெளியில் உள்ள ஆரியங்காவு சாஸ்தா கோவிலில் பங்குனி உத்திரம் திருவிழா நடந்தது. விழாவில் சிறப்பு யாகம் மற்றும் கும்ப பூஜை நடத்தப்பட்டது. அதன் பின் சாஸ்தாவுக்கும் பூர்ணா புஷ்கலை தேவியருக்கும் மற்றும் பரிவார தேவதைகளுக்கும் சிறப்பு அபிஷேகம் மற்றும் அலங்கார பூஜைகள் நடந்தது.  கோவில் முன் பொங்கலிட்டனர். மதியம் பக்தர்களுக்கு அன்னதானம் வழங்கப்பட்டது. இதுபோல நாங்குநேரி பெரிய குளக்கரையில் உள்ள செம்புக்குட்டி சாஸ்தா கோவில், செங்கமலமுடையார் சாஸ்தா, உள்ளிட்ட பல்வேறு கிராம சாஸ்தா கோவில்களிலும் பங்குனி உத்திரம் விழா சிறப்பாக கொண்டாடப்பட்டது. உள்ளூர் விடுமுறை அளிக்கப்பட்டதால் பெரும்பாலான சாஸ்தா கோவிலில்களில் கூட்டம் நிரம்பி வழிந்தது.கடையம்: ஆழ்வார்குறிச்சி ராமநதி ஆற்றின் தென்புறம் பிரசித்தி பெற்ற 141 கிராம சேனைத்தலைவர் சமுதாய வரிதாரர்களுக்கு பாத்தியபட்ட காக்கும் பெருமாள் சாஸ்தா,  சுடலை மாடசாமி உள்ளது. இந்த கோயிலில் நேற்று பங்குனி உத்திர திருவிழாவை முன்னிட்டு சுவாமிக்கு காலை, மதியம் அபிஷேகம் தொடர்ந்து அலங்கார தீபாராதனை நடந்தது. மாலையில் ஆயிரக்கணக்கான பெண்கள் பொங்கலிட்டு வழிபட்டனர். இதில் திரளானோர் கலந்து கொண்டனர். ஏற்பாடுகளை நிர்வாகிகள் மற்றும் வளர்ச்சி நல கமிட்டியினர் செய்திருந்தனர். ஏப்.14ம் தேதி இங்கு கொடை விழா நடக்கிறது.

    Source Link

    Read more

  • கடையநல்லூர் அய்யனார் கோயிலில் இன்று கும்பாபிஷேகம்

    Posted by dinakaran on 22 March 2019

    கடையநல்லூர், மார்ச் 22: மேலக்கடையநல்லூர் பூர்ணபுஷ்கலா சமேத மாடக்குளத்து அய்யனார் கோயிலில் இன்று  கும்பாபிஷேக விழா நடக்கிறது. விழாவை முன்னிட்டு 20ம் தேதி மகா கணபதி ஹோமம், கோ பூஜை, கஜ பூஜை, மாலை தீர்த்தசங்கிரஹணம், வாஸ்துசாந்தி, அங்குரார்ப்பணம், யாகசாலை பிரவேசம், முதல் கால யாகசாலை பூஜை, பூர்ணாஹூதி நடந்தது. 21ம் தேதி விசேடசந்தி, 2ம் கால யாகசாலை பூஜை, திருமுறை பாராயணம், ஆசீர்வாதம், மூன்றாம் கால யாக சாலை பூஜை, பூர்ணாஹூதி இரவு  யந்த்ர ஸ்தாபனம், அஷ்டபந்தன ஸமர்பணம் நடந்தது. கும்பாபிஷேக நாளான இன்று  22ம் தேதி காலை 4.30 மணிக்கு மேல் பிம்பசுத்தி, மூர்த்திகளுக்கு ரக்ஷாபந்தனம், 4ம் யாகசாலை பூஜை, ஸ்பர்ஷாஹூதி, நாடிசந்தானம், மஹாபூர்ணாஹூதி, கடம்புறப்பாடு நடக்கிறது. தொடர்ந்து காலை 6.25 மணிக்கு மேல் 7.25 மணிக்குள் விமான கோபுரஅபிஷேகம், மாடக்குளத்து அய்யனார் மற்றும் பரிவார தேவதைகளுக்கு மஹா கும்பாபிஷேகம், தீபாராதனை நடக்கிறது. 10 மணிக்கு மேல் மஹாஅபிஷேகம், அலங்கார தீபாராதனை, அன்னதானம் நடக்கிறது. இரவு 7 மணிக்கு மேல் திருக்கல்யாணம், தீபாராதனை நடக்கிறது.  கும்பாபிஷேக பூஜைகளை கீழஆம்பூர் சங்கரசுப்பிரமணிய குருக்கள், குற்றாலம் குடியிருப்பு ராமநாதகுருக்கள் தலைமையிலான சிவாச்சாரியார்கள் நடத்தி வைக்கின்றனர். ஏற்பாடுகளை விழா கமிட்டியினர் மற்றும் பக்தர்கள் செய்து வருகின்றனர்.

    Source Link

    Read more

  • செண்பகாதேவி அம்மன் கோயிலில் பவுர்ணமி சிறப்பு பூஜை

    Posted by dinakaran on 22 March 2019

    தென்காசி, மார்ச் 22: குற்றாலம் மலை மீது அமைந்துள்ள குற்றாலநாதசுவாமி கோயிலுக்கு பாத்தியப்பட்ட செண்பகாதேவி அம்மன் கோயிலில் பங்குனி மாத பவுர்ணமியை முன்னிட்டு மழை வேண்டி சிறப்பு பூஜைகள் நடந்தது. இதில் ஏராளமான பக்தர்கள் கலந்து கொண்டனர். அகஸ்தியர் அமர்ந்த புண்ணிய மலையில் அமைந்துள்ள செண்பகாதேவி அம்மன் கோயிலில் மாதந்தோறும் பவுர்ணமி பூஜைகள் நடந்து வருகிறது. நேற்று முன்தினம் பங்குனி மாத பவுர்ணமியை முன்னிட்டு உலக நன்மைக்காகவும், மழை வேண்டியும் செண்பகாதேவி அம்மன் மற்றும் அகஸ்தியருக்கு பல்வேறு வகையான மூலிகை அபிஷேகங்கள் மற்றும் பல்வேறு பூஜைகள் நடந்தது. முன்னதாக கோயிலில் நூற்றுக்கணக்கான அகல்விளக்குகளில் தீபம் ஏற்றி உலக மக்கள் அனைவரும் நலமுடன் வாழ வேண்டி கூட்டு பிரார்த்தனை நடந்தது. பூஜைகளை அகஸ்தியர் சன்மார்க்க சபை முத்துக்குமாரசாமி நடத்தினார். பூஜையின் போது அகஸ்தியர் முன்பு ஏற்றப்பட்ட தீபத்தில் 5 தலை நாகம் போல உருவம் தெரிந்ததாக கூறப்படுகிறது. இதில் சாது செண்பகசாமி, இலஞ்சி சண்முகசுந்தரம், அம்பிகா, குழல்வாய்மொழி கோமு மற்றும் பெங்களுரை சேர்ந்த நீதிபதி ராகு உட்பட பலர் பங்கேற்றனர். ஏற்பாடுகளை கோயில் உதவி ஆணையர் செல்வகுமாரி மற்றும் திருக்கோயில் பணியாளர்கள், பக்தர்கள் செய்திருந்தனர்.

    Source Link

    Read more

  • பாவூர்சத்திரம் மார்க்கெட்டில் எலுமிச்சை விலை கடும் ஏற்றம்

    Posted by dinakaran on 22 March 2019

    பாவூர்சத்திரம், மார்ச் 22:  பாவூர்சத்திரம் மார்க்கெட்டில் எலுமிச்சை விலை கடும் ஏற்றம் கண்டது. மாங்காய் விலையில் இறக்கம் காணப்பட்டது. பாவூர்சத்திரம் காமராஜர் தினசரி மார்க்கெட்டுக்கு கீழப்பாவூர் ஒன்றிய பகுதிகளில் இருந்தும், இலஞ்சி, பண்பொழி, திருமலைக்கோவில், செங்கோட்டை, குண்டாறு, வல்லம், தென்காசி, ஆய்க்குடி, இலத்தூர், வடகரை, கடப்போக்கத்தி பகுதிகளில் இருந்தும் மாங்காய் விற்பனைக்கு வருகிறது. இங்கிருந்து நெல்லை, சங்கரன்கோவில், சேர்ந்தமரம், சுரண்டை, புளியங்குடி, தூத்துக்குடி உள்ளிட்ட தமிழக பகுதிகளுக்கும், கேரளாவிற்கும் வியாபாரிகள் மாங்காய்களை வாங்கிச் செல்கின்றனர். கடந்த சில நாட்களாக பாவூர்சத்திரம் மார்க்கெட்டிற்கு தினமும் 20 முதல் 30 டன் வரை மாங்காய் விற்பனைக்கு வருகிறது. இதனால் கிேலா 80 முதல் 100 ரூபாய் வரை விற்கப்படட மாங்காய், தரத்தை பொறுத்து ரூ.25 முதல் 40 வரையே விற்பனையானது. வரும் நாட்களில் மாங்காய் வரத்து அதிகரித்தால் மேலும் விலை குறைய வாய்ப்பிருப்பதாக விவசாயிகள் கவலை தெரிவித்தனர். இதேபோல் ஆலங்குளம் அருகேயுள்ள ஐந்தாம்கட்டளை, கல்லூத்து, மேலகிருஷ்ணப்பேரி, கடையம், சேர்வைக்காரன்பட்டி, ராஜாங்கபுரம், புளியங்குடி, கடையநல்லூர், சேர்ந்தமரம், வீரசிகாமணி பகுதிகளில் இருந்து எலுமிச்சை பழம் விற்பனைக்கு கொண்டு வரப்படுகிறது. தற்போது கோடை வெயில் சுட்டெரிக்க துவங்கியுள்ளதால், எலுமிச்சைக்கு கிராக்கி ஏற்பட்டுள்ளது. மேலும் வரத்தும் குறைந்துள்ளதால், விலை கிடுகிடுவென உயர்ந்து கடந்த 2 நாட்களாக கிலோ ரூ.70 முதல் 90 வரை விற்பனையாகிறது. கிலோ ரூ.20 வரை விற்ற எலுமிச்சை பழம் கிலோ 90ஆக உயர்ந்துள்ளதால் விவசாயிகள் மகிழ்ச்சி அடைந்துள்ளனர்.

    Source Link

    Read more

  • தென்காசியில் அமமுக நிர்வாகிகள் ஆலோசனை கூட்டம்

    Posted by dinakaran on 22 March 2019

    தென்காசி, மார்ச் 22: தென்காசியில் நெல்லை புறநகர் வடக்கு மாவட்ட அமமுக வழக்கறிஞரணி மற்றும் தகவல் தொழில்நுட்ப அணி நிர்வாகிகள் ஆலோசனை கூட்டம் நடந்தது. மாவட்ட அவைத்தலைவர் பொய்கை மாரியப்பன் தலைமை வகித்தார். மாவட்ட துணை செயலாளர் மூர்த்தி முன்னிலை வகித்தார். மாவட்ட செயலாளர் பாப்புலர் முத்தையா, மாநில இளைஞரணி துணை செயலாளர் சின்னத்துரை, மாநில தகவல் தொழில்நுட்ப பிரிவு இணை செயலாளர் மீரான் ஆகியோர் பேசினர். கூட்டத்தில்  மாவட்ட வழக்கறிஞரணி செயலாளர் அருள்ராஜ், இணை செயலாளர்கள் வேல்பாண்டியன், சுந்தர்ராஜ், மாவட்ட தகவல் தொழில்நுட்ப பிரிவு செயலாளர் சாந்தசீலன், இணை செயலாளர் சிவஆனந்த், தலைவர் பெரியார், துணைத்தலைவர் சுப்பையாகுமார், துணை செயலாளர்கள் சுரேஷ், சின்னத்துரை மற்றும் ஒன்றிய நகர பேரூர் செயலாளர்கள் உட்பட பலர் பங்ேகற்றனர். கூட்டத்தில் தென்காசியில் போட்டியிடும் அமமுக கூட்டணி வேட்பாளர் பொன்னுத்தாயை லட்சக்கணக்கான வாக்குகள் வித்தியாசத்தில் வெற்றி பெற அனைவரும் தீவிரமாக பாடுபடுவது உள்ளிட்ட பல்வேறு தீர்மானங்கள் நிறைவேற்றப்பட்டன.

    Source Link

    Read more

  • தென்காசி முத்தாரம்மன் கோயில்களில் பங்குனி பூக்குழி திருவிழா கொடியேற்றத்துடன் துவங்கியது

    Posted by dinakaran on 22 March 2019

    தென்காசி, மார்ச் 22: தென்காசி கீழ மற்றும் மேல முத்தாரம்மன் கோயில்களில் பங்குனி பூக்குழி திருவிழா நேற்று கொடியேற்றத்துடன் துவங்கியது. இதில் ஏராளமான பக்தர்கள் கலந்து கொண்டனர். தென்காசி கீழ மற்றும் மேல முத்தாரம்மன் கோயில்களில் இந்த ஆண்டு பங்குனி மாத பூக்குழி திருவிழா நேற்று காலை கொடியேற்றத்துடன் துவங்கியது. விழாவை முன்னிட்டு தினமும் நாளும் ஒவ்வொரு சமுதாய மண்டகப்படி தீபாராதனைகள், இரவில் அம்பாள் வீதி உலா நடக்கிறது. கீழ முத்தாரம்மன் கோயிலில் 30ம்தேதி ஆனைப்பாலம் சிற்றாறிலிருந்து இரவில் பூங்கிரகம் ஊர்வலமாக எடுத்து வருதல், 31ம் தேதி அதிகாலை 5 மணிக்கு பூக்குழி திருவிழா நடக்கிறது. தொடர்ந்து ஏப்ரல் 4ம் தேதி துலாபாரம் நிகழ்ச்சியும், 7ம் தேதியிலிருந்து 15ம் தேதி வரை ஊஞ்சல் வைபவம் நடக்கிறது. மேலமுத்தாரம்மன் கோயிலில் 30ம் தேதி பூக்குழி திருநாள் திரவுபதி அம்மன் திருக்காப்பூட்டு காலையில் நடக்கிறது. இரவில் பூங்கிரகம் புறப்படுதல், 31ம் தேதி காலையில் 5 மணிக்கு பூக்குழி இறங்குதல் வைபவம் நடக்கிறது. ஏப்ரல் 4ம் தேதி காலையில் மஞ்சள்நீராட்டு, 5ம் தேதி பாரிவேட்டை, 6ம் தேதி முதல் 13ம் தேதி வரை அம்பாள் ஊஞ்சல் வைபவம் நடக்கிறது. ஏற்பாடுகளை கோயில் நிர்வாகத்தினர் மற்றும் அனைத்து சமுதாய பக்தர்கள் செய்து வருகின்றனர்.

    Source Link

    Read more

  • ஏர்வாடி கிண்டர் கார்டன் பள்ளி பட்டமளிப்பு விழா

    Posted by dinakaran on 22 March 2019

    ஏர்வாடி, மார்ச் 22: ஏர்வாடியில் நெல்லை ஏர்வாடி மாடல் பள்ளியின் முதலாம் ஆண்டு விழா மற்றும் கிண்டர்கார்டன் குழந்தைகளுக்கான பட்டமளிப்பு விழா நடந்தது. பள்ளி குழந்தைகள் அசீலா, ஹாஜிரா, மற்றும் சாயிஸ்தா ஆகியோர் கிராஅத் ஓதி நிகழ்ச்சியை துவக்கி வைத்தனர். நிகழ்ச்சிக்கு பள்ளியின் மேலாளர் ஹாஜா முகைதீன் தலைமை வகித்தார். தொழிலதிபர் முகைதீன் மற்றும் அரசு ஆண்கள் மேல்நிலைப்பள்ளியின் ஓய்வு பெற்ற ஆசிரியர் தங்கவேலு ஆகியோர் சிறப்பு விருந்தினராக பங்கேற்றனர். ஈமான் முகைதீன் நிகழ்ச்சியை தொகுத்து வழங்கினார். ஏர்வாடி எஜூகேஷனல் சாரிட்டபுள் அறக் கட்டளையின் செயற்குழு உறுப்பினர் முகைதீன் மற்றும் மேலாளர் ஹாஜா முகைதீன் ஆகியோர் மாணவர்களுக்கு மெடலும், சான்றிதழ்களும் வழங்கினர்.  விழாவில் மாணவ மாணவியரின் கலைநிகழ்ச்சிகள் நடைபெற்றன. ஆசிரியை ஆயிஸா நன்றி கூறினார். பெற்றோர்கள், ஆசிரியர்கள், மாணவர்கள் பங்கேற்றனர்.

    Source Link

    Read more

  • விஷம் குடித்து 2 பெண்கள் தற்கொலை

    Posted by dinakaran on 21 March 2019

    சங்கரன்கோவில், மார்ச் 21:  கரிவலம்வந்தநல்லூர் அருகே உள்ள  சொக்கலிங்கபுரத்தை சேர்ந்தவர் வேலு மகள்  முருகேஸ்வரி (20). இவர், விருதுநகர் மாவட்டம் முறம்புவில் உள்ள மில்லில் வேலை  பார்த்து வந்தார். முருகேஸ்வரி உடல் நலக்குறைவால் பாதிக்கப்பட்டு இருந்ததாக கூறப்படுகிறது. இதற்கு சிகிச்சை எடுத்தும் பலனளிக்கவில்லை. இதனால் மனமுடைந்து காணப்பட்ட அவர், நேற்று முன்தினம் காலை வீட்டில் யாரும் இல்லாதபோது விஷம் குடித்து  மயங்கி கிடந்தார். உறவினர்கள் அவரை மீட்டு சங்கரன்கோவில்  அரசு மருத்துமனையில் சேர்த்தனர். மேல் சிகிச்சைக்காக நெல்லை அரசு  மருத்துவமனைக்கு கொண்டு செல்லப்பட்டார். அங்கு சிகிச்சை பலனின்றி இறந்தார். இதுகுறித்து கரிவலம்வந்தநல்லூர் போலீசார் வழக்கு பதிந்து விசாரணை நடத்தி வருகின்றனர்.மற்றொரு சம்பவம்: ஆலங்குளம் அருகே உள்ள குருவன்கோட்டை பிள்ளையார் கோயில் தெருவை சேர்ந்தவர் குத்தாலிங்கம் மகள் இந்துமதி  (18). ஆலங்குளத்தில் உள்ள ஜவுளிக்கடையில் வேலை பார்த்து வந்த இவர், தந்தையிடம் செல்போன் வாங்கி கேட்டுள்ளார். அவர் வாங்கி தராததால் மனமுடைந்து காணப்பட்ட இந்துமதி, நேற்று காலை தலைக்கு தேய்க்க வாங்கி வைத்திருந்த பேன் மருந்தை குடித்து மயங்கி விழுந்தார். உறவினர்கள் அவரை மீட்டு சிகிச்சைக்காக நெல்லை அரசு மருத்துவமனைக்கு கொண்டு சென்றுள்ளனர். ஆனால் வழியிலேயே இந்துமதி இறந்தார். இதுகுறித்து ஆலங்குளம் போலீசார் வழக்கு பதிந்து விசாரணை நடத்தி வருகின்றனர்.

    Source Link

    Read more

  • பாஜவுடன் கூட்டணிக்கு எதிர்ப்பு தமாகா நிர்வாகி காங்.கில் இணைந்தார்

    Posted by dinakaran on 21 March 2019

    சுரண்டை, மார்ச் 21:  பாஜவுடன் கூட்டணிக்கு எதிர்ப்பு தெரிவித்து தமாகா கொள்கை பரப்பு செயலாளர், அக்கட்சியில் இருந்து விலகி காங்கிரசில் இணைந்தார்.தமாகா மாநில கொள்கை பரப்பு செயலாளரும், முன்னாள் மத்திய அமைச்சர் அருணாசலத்தின் தம்பி மகனுமான சங்கை கணேசன், அக்கட்சியில் இருந்து விலகி ஆதரவாளர்களுடன் நெல்லை மேற்கு மாவட்ட காங். தலைவர் பழனி நாடார் முன்னிலையில் காங்கிரசில் இணைந்தார். இந்நிகழ்ச்சியில் மாநில பொதுக்குழு உறுப்பினர் நாகராஜன், மாவட்ட காங். ஓபிசி தலைவர் திருஞானம், மாவட்ட காங். பொதுச்செயலாளர் குருசாமி பாண்டியன், நகர தலைவர்கள் புளியங்குடி பால்ராஜ், சிவகிரி சண்முகசுந்தரம், சுரண்டை ஜெயபால், நிர்வாகிகள் முகமது ஜவகர்லால், காந்தி, மாநில பேச்சாளர் பால்துரை, சிங்கராஜ், விநாயகம், மருதப்பன், ஆறுமுகம் உட்பட பலர் கலந்து கொண்டனர். பாஜவுடன் கூட்டணி வைத்ததால் தமாகாவில் இருந்து விலகி காங்கிரசில் சேர்ந்ததாக சங்கை கணேசன் தெரிவித்தார்.

    Source Link

    Read more

  • தருவை எப்எக்ஸ் கல்லூரியில் 3 மாவட்ட கிரிக்கெட் போட்டி

    Posted by dinakaran on 21 March 2019

    நெல்லை, மார்ச் 21:  தருவை எப்எக்ஸ் தொழில்நுட்பக் கல்லூரியில் மண்டல அளவில் ஆசிரியர்களுக்கான கிரிக்கெட் போட்டி நடந்தது. இதில் நெல்லை, தூத்துக்குடி, கன்னியாகுமரி மாவட்ட ஆசிரியர்கள் பங்கேற்றனர். நெல்லை அடுத்த தருவை எப்எக்ஸ் தொழில்நுட்பக் கல்லூரியில் மண்டல அளவில் ஆசிரியர்களுக்கான கிரிக்கெட் போட்டி நடத்தப்பட்டது. இதில் நெல்லை, தூத்துக்குடி, கன்னியாகுமரி மாவட்டங்களைச் சேர்ந்த பல்வேறு  தொழில்நுட்பக் கல்லூரிகளைச் சேர்ந்த ஆசிரியர்கள் ஆர்வமுடன் பங்கேற்று விளையாடினர். இதே போல் தருவை எப்எக்ஸ் தொழில்நுட்பக் கல்லூரி ஆசிரியர்களும் அபாரமாக விளையாடி தொடர்ந்து 2ம் முறையாக வெற்றி பெற்றனர். இவர்களை அணித்தலைவர் ரெஜின் பால்சன் வழிநடத்தினார். சிறந்த வீரர்களாக ராஜ்குமார், சிம்சன் மாணிக்கராஜ், சந்தணகுமார், செந்தில்குமார் தேர்வு செய்யப்பட்டனர். மண்டல அளவில் வெற்றி பெற்று சாதனை படைத்த அணியினரை ஸ்காட் கல்விக் குழும நிறுவனர் கிளிட்டஸ்பாபு, நிர்வாக இயக்குநர் அருண்பாபு, கல்லூரி முதல்வர் ரூபஸ் உள்ளிட்ட ஏராளமானோர் பாராட்டினர். ஏற்பாடுகளை கல்லூரி உடற் கல்வி இயக்குநர் முத்துசாமி செய்திருந்தார்.

    Source Link

    Read more

  • மக்களை காக்கும் சித்தூர் சாஸ்தா தென்கரை மகாராஜன்

    Posted by dinakaran on 21 March 2019

    நெல்லை மாவட்டம் வள்ளியூரிலிருந்து கிழக்கில் 15 கி.மீட்டர் தொலைவில் சித்தூரில் மகாராஜா கோயில் உள் ளது. நம்பியாற்றின் தென்கரையை அடையாளமாக காட்டப்படுவதால் தென்கரை மகாராஜா கோயில் என்றழைக்கப்படுகிறது. சித்தூரின் பழைய பெயர் வன்னிகளத்தி என்பது வாய்மொழியாக கூறும் மரபாகும். தென்கரை மகாராஜன் சாஸ்தா சபரிமலை சுவாமி ஐயப்பனின் தம்பியாக கருதப்படுகிறார். சாஸ்தாவின் துணை தெய்வங்களான பூதத்தானையும் கோயிலில் உதித்த பிற தெய்வங்களையும் வைக்கும் மரபு உள்ளது. சாஸ்தா தனி வழிபாடாகவும் குடும்ப வழிபாடாகவும் திகழ்கிறது. வள்ளியூர் வழி வரும் சாலை கிழக்கு பக்கம் முடிவதால் பக்தர்கள் வடக்குவாசல் வழியாக கோயிலுக்கு வருகின்றனர். கோயிலின் தென்மேற்கு கன்னிமூலையில் தளவாய் மாடசாமி கோயிலும் வடக்கு பிரகாரத்தில் மருதாணி மரத்தின்கீழ் பேச்சியம்மன் கோயிலும் உள்ளது. தளவாய் கோயிலுக்கு மருதாணி மரமே கூரையாக உள்ளது. பெரிய கோயில் வெளியே நம்பியாற்றின் கரையை ஒட்டி வடக்கு பக்கம் வன்னின் கோவிலும், வடக்கிழக்கு மூலையில் வீரமணி சாம்பானின் கோயிலும் உள்ளது. கோயிலின் முன்னே திறந்தவெளி ஓட்டுகூரை மண்டபம் உள்ளது. இக்கோயில் (கொல்லம் 1060ல்) கிபி 1885 மகாராஜா சாம்பான் என்பவரால் கட்டப்பட்டிருக்கிறது. நம்பியாற்றின் வடக்கே, பெரிய கோயிலின் எதிரே 1 கி.மீட்டர் தொலைவில் வடக்குவாய்செல்வி அம்மன் கோயில் உள்ளது.பெரிய கோயிலுக்கும் வடக்குவாச்செல்வி கோயிலுக்கும் இடையே தேரோடும் வீதியும் தேரும் வன்னிகுத்து சடங்கு மேடையும் உள்ளது. இக்கோயிலுக்கு கேரளத்து மக்கள் வருவதையும் சேர்த்து பார்க்கலாம். கோயிலின் கருவறையில் சுவாமி சரிந்த நிலையில் உள்ளார். மூலவர் கையில் வேல் இருப்பதற்கு காரணம் கூறப்படுகிறது. திருச்செந்தூர் கோயிலில் கொடிமரம் நடுவதற்காக மகேந்திரகிரி மலையில் மரம் வெட்டி நம்பியாற்றில் போட்டுள்ளனர். மரம் தண்ணீரில் மிதந்து வராததற்கு தடை குறித்து  பார்த்த போது சித்தூர் சாஸ்தாவை கண்டுள்ளனர். உடனே சாஸ்தா கையில் வேல் கொடுத்தனர். இதன்பிறகு வேல் சாஸ்தாவுக்குரிய ஆயுதமாக உள்ளது. இங்கு பங்குனி, ஆனி மாதங்களில் வருகிற உத்திர நட்சத்திரத்திலும் ஒவ்வொருமாத இறுதி சனிக்கிழமைகளிலும் திருக்கார்த்திகை சிவராத்திரி ஆகிய சிறப்பு விழாக்களிலும் பூஜைகள் நடைபெறும். உற்சவ மூர்த்திக்குரிய பூஜையும் ஆகம விதிப்படியே நடக்கிறது. மூலவரான சாஸ்தாவிற்கு 3 வேளை பூஜைகள் நடக்கிறது. பங்குனி உத்திர திருவிழா 6ம் நாளன்று தளவாய்சாமிக்கு சிறப்புபூஜை நடக்கிறது. இதில் முழு பலாப்பழம் தொலிக்காத தேங்காய் கருக்குலை என அப்படியே முழுதாக படைக்க வேண்டும்.

    Source Link

    Read more

  • ராதாபுரத்தில் காட்சிப்பொருளான குடிநீர் தொட்டி

    Posted by dinakaran on 21 March 2019

    ராதாபுரம், மார்ச் 21:  ராதாபுரம் பகுதியில் காட்சிப்பொருளான குடிநீர் தொட்டியை சீரமைத்து பயன்பாட்டிற்கு கொண்டு வர வேண்டுமென கோரிக்கை விடுக்கப்பட்டு உள்ளது.  ராதாபுரம் தெற்குத்தெருவில் சின்டெக்ஸ் குடிநீர் தொட்டி உள்ளது. இப்பகுதி பொதுமக்களின் தண்ணீர் தேவை, இத்தொட்டி மூலம் பூர்த்தி செய்யப்பட்டு வந்தது. இந்நிலையில் கடந்த 8 மாதங்களாக இந்த குடிநீர் தொட்டியில் தண்ணீர் ஏற்றப்படாமல் காட்சிப்பொருளாக உள்ளது. இதனால் இப்பகுதியை சேர்ந்த 500க்கும்  மேற்பட்டோர் தண்ணீர் வசதியின்றி பாதிக்கப்பட்டு உள்ளனர். மேலும் குடிநீருக்காக பல கிமீ அலைந்து திரியும் நிலையும் காணப்படுகிறது. எனவே கோடை காலத்தை கருத்தில் கொண்டு ராதாபுரம் தெற்குத் தெருவில் உள்ள சின்டெக்ஸ் தொட்டியில் தினமும் தண்ணீர் ஏற்ற நடவடிக்கை எடுக்க வேண்டுமென பொதுமக்கள் வலியுறுத்தி உள்ளனர்.

    Source Link

    Read more

  • கடையநல்லூர் தர்ஹாவில் அமமுக வேட்பாளர் பிரார்த்தனை

    Posted by dinakaran on 21 March 2019

    கடையநல்லூர், மார்ச் 21:  கடையநல்லூரில் சட்டமன்ற தொகுதிக்குட்பட்ட அமமுக மற்றும் கூட்டணி கட்சி ஒன்றிய, நகர நிர்வாகிகள் சந்திப்பு மற்றும் தென்காசி நாடாளுமன்ற தொகுதி அமமுக வேட்பாளர் பொன்னுத்தாய் அறிமுக கூட்டம் நடந்தது. மாவட்ட செயலாளர் பாப்புலர் முத்தையா தலைமை வகித்தார். அவைத்தலைவர் பொய்கை மாரியப்பன், இணை செயலாளர் சுமதிகண்ணன், துணை செயலாளர் மூர்த்தி முன்னிலை வகித்தனர், நகர செயலாளர் கமாலுதீன் வரவேற்றார். தகவல் தொழில்நுட்ப அணி மீரான், மாவட்ட நிர்வாகிகள் பெருமையாபாண்டியன், கோதர்ஷா, ஒன்றிய செயலாளர் பெரியதுரை, லியாகத்அலி, பண்டாரம், பேரூர் செயலாளர்கள் பரமசிவன், மாரியப்பன், காஜாசெய்யதுஅலி, திருப்பதி, யூனியன் முன்னாள் சேர்மன் பொன்னுச்சாமி, எஸ்டிபிஐ நிர்வாகிகள் சீனாசேனா சர்தார், ஜாபர்அலி உஸ்மானி, யாசர்கான் உட்பட பலர் கலந்து கொண்டனர். முன்னதாக வேட்பாளர் பொன்னுத்தாய் மற்றும் நிர்வாகிகள், செய்யது மக்தூம் ஜிஹானி தர்ஹாவில் தீபமேற்றி சிறப்பு பிரார்த்தனை நடத்தினர். சங்கரன்கோவிலில் நடந்த அமமுக வேட்பாளர் அறிமுக கூட்டத்தில் நகர செயலாளர் சங்கர சுப்பிரமணியன், அவைத்தலைவர் செல்வசுப்பிரமணியன், எஸ்டிபிஜ மாவட்ட நிர்வாகி ஜாபர்அலி, அமமுக ஒன்றிய செயலாளர் குருசேவ், நகர மாணவரணி செயலாளர் முப்பிடாதி, ஜெ, பேரவை செயலாளர் சேகர்பாண்டியன், அண்ணா தொழிற்சங்கம்  சண்முகராஜன், பொருளாளர் சாமி, கருப்பசாமி, தகவல் தொழில்நுட்ப பிரிவு செந்தில், ராஜ்குமார், நிர்வாகி காளிதாஸ் என்ற கடவுள் பாண்டியன் உள்பட  கூட்டணி கட்சியினர் கலந்து கொண்டனர். கூட்டத்தில் அமமுக வேட்பாளர் பொன்னுத்தாயை மாவட்ட செயலாளர் பாப்புலர் முத்தையா அறிமுகம் செய்து பேசினார்.

    Source Link

    Read more

To Top To Top