22 January 2021

  • களக்காடு, விகேபுரம் பகுதிகளில் மினி கிளினிக் அமைச்சர் ராஜலட்சுமி திறந்துவைத்தார்

    Posted by dinakaran on 22 January 2021

    களக்காடு,  ஜன. 22:  களக்காடு, விகேபுரம் பகுதிகளில் அமைக்கப்பட்டுள்ள மினி கிளினிக்குகளை அமைச்சர் ராஜலட்சுமி திறந்துவைத்து பல்வேறு நலத்திட்ட உதவிகள் வழங்கினார்.  நெல்லை மாவட்டத்தில் ஆரம்ப சுகாதார நிலையம் இல்லாத குக்கிராமங்களில் மக்கள் நலன்கருதி முதல்வர் எடப்பாடி பழனிசாமி உத்தரவின்பேரில் புதிதாக மினி கிளினிக்குகள் அமைக்கப்பட்டு திறக்கப்பட்டு வருகின்றன. அந்தவகையில் களக்காடு அருகே இடையன்குளத்தில் அமைக்கப்பட்ட அம்மா மினி கிளினிக் திறப்புவிழா நேற்று நடந்தது.  தலைமை வகித்து திறந்துவைத்த அமைச்சர் ராஜலட்சுமி, பயனாளிகளுக்கு பல்வேறு நலத்திட்ட உதவிகள் வழங்கிப் பேசினார். அப்போது அவர் கூறுகையில், ‘‘கொரோனா ஊரடங்கால் வருவாய் பாதிப்புக்கு உள்ளான அனைவருக்கும் பொங்கல் பரிசுத் தொகுப்புடன் ரூ.2,500 வழங்கி   மக்களின் ஏக்கத்தை போக்கியவர் முதல்வர் எடப்பாடி பழனிசாமி. இயற்கையில் அவர் ஒரு  விவசாயி. ஒரு விவசாயியே தமிழகத்திற்கு முதல்வராக கிடைத்தது நமக்கு வரமாகும். மினி கிளினிக் திட்டம் உள்ளிட்ட பல்வேறு  நலத்திட்டங்களை தந்துள்ள அவரது கரத்தை மேலும் வலுப்படுத்த வேண்டும்’’ என்றார்.  விழாவில் கலெக்டர்  விஷ்ணு, சுகாதாரப்பணிகளுக்கான துணை இயக்குநர் டாக்டர் வரதராஜன், ரெட்டியார்பட்டி நாராயணன்  எம்.எல்.ஏ, முன்னாள் மாவட்ட பஞ்சாயத்து கவுன்சிலர் ராஜேந்திரன், அதிமுக ஒன்றியச் செயலாளர்கள் களக்காடு  தெற்கு ஜெயராமன், வடக்கு பூவராகவன்,  களக்காடு நகரச் செயலாளர் செல்வராஜ். ஜெ. பேரவை ஒன்றியச் செயலாளர் பாபு, வட்டார  மருத்துவ அதிகாரி பிரியதர்ஷினி, மாவட்ட பயிற்சி மருத்துவ அதிகாரி  முத்துராமலிங்கம், சிங்கிகுளம் மருத்துவ அதிகாரி கவிதா, சுகாதார  மேற்பார்வையாளர் நம்பிராஜன் உள்ளிட்ட பலர் பங்கேற்றனர்.  முன்னதாக  அமைச்சர்  ராஜலட்சுமி  நலத்திட்ட உதவிகள் வழங்கினார்.வி.கே.புரம்: இதே போல் விகேபுரம் அருகே கோடாரங்குளம் ஊராட்சிப் பகுதியில்  அமைக்கப்பட்ட அம்மா மினி கிளினிக்கையும் கலெக்டர் விஷ்ணு தலைமையில் அமைச்சர் ராஜலட்சுமி திறந்துவைத்து கர்ப்பிணி பெண்களுக்கு சத்துணவு பெட்டகம் வழங்கினார். இந்த மினி கிளினிக்கில் டாக்டர் ரமீஸ்ராஜா, நர்ஸ் ரெஜினா மற்றும் உதவியாளர் ஸ்டெல்லா உள்ளிட்டோர் பணியில் இருப்பர். இவ்வாறு புதிதாக திறக்கப்பட்டுள்ள புதிய மினி கிளினிக்குகள் சனிக்கிழமை தவிர மற்ற 6 நாட்களில் தினமும் காலை  8 மணி முதல் 12மணி வரையிலும், மாலை 4 மணி முதல் இரவு 7 மணி வரையிலும் செயல்படும். திறப்பு விழாவில் ஏபிஆர்ஓ மகாகிருஷ்ணன், வட்டார மருத்துவ அலுவலர் டாக்டர் பிரவின், வட்டார சுகாதார மேற்பார்வையாளர் விநாயகமூர்த்தி, அதிமுக ஒன்றியச் செயலாளர் விஜயபாலாஜி, துணைச்செயலாளர் பிராங்கிளின், நகரச் செயலாளர்கள் விகேபுரம் கண்ணன், அம்பை அறிவழகன், மணிமுத்தாறு ராமையா, கலை இலக்கியப் பிரிவு மாவட்ட அமைப்பாளர் மீனாட்சி சுந்தரம், அம்பை நகராட்சி முன்னாள் துணைத்தலைவர்  மாரிமுத்து, வி.கே.புரம் நகராட்சி துணைத்தலைவர் கணேசபெருமாள், மினி சூப்பர் மார்க்கெட் தலைவர் சங்கரலிங்கம், மாவட்ட முன்னாள் திட்டக்குழு உறுப்பினர்  பாலகிருஷ்ணன், குஞ்சுபாலு உள்ளிட்ட  பலர் பங்கேற்றனர்.

    Source Link

    Read more

  • அதிக பாரம் ஏற்றிச்செல்லும் லாரிகளால் சேதம் சாலை சீரமைப்பு கோரி கிராம மக்கள் திடீர் மறியல்

    Posted by dinakaran on 22 January 2021

    ராதாபுரம், ஜன. 22:  கூடங்குளம் அருகே கல்குவாரி லாரிகளால் சேதமடைந்த சாலையை சீரமைக்க வலியுறுத்தி செட்டிகுளத்தில் கிராம மக்கள் நேற்று காலை திடீரென சாலை மறியலில் ஈடுபட்டனர்.  நெல்லை மாவட்டம் கூடங்குளம், செட்டிகுளம் பகுதிகளில் 10க்கும் மேற்பட்ட கல் குவாரிகள் இயங்கிவருகின்றன. இங்கிருந்து நாகர்கோவில் மற்றும் கேரள பகுதிகளுக்கு தினமும் சுமார் 60 லாரிகள் மூலமாக ஜல்லி, கருங்கல் உள்ளிட்டவை கொண்டுசெல்லப்படுகிறது. பெரும்பாலான லாரிகள் செட்டிகுளம் வழியாக இயக்கப்படுகின்றன. இதனிடையே அதிக அளவில் பாரம் ஏற்றிச்செல்லும் லாரிகளால் இங்குள்ள சாலை சேதமடைந்துள்ளன. உருக்குலைந்த சாலையில் பயணிக்கும் இருசக்கர வாகன ஓட்டிகள் விபத்துக்கு உள்ளாகும் அவலம் தொடர்கிறது.  இதுகுறித்து சம்பந்தப்பட்ட அதிகாரிகளிடம் புகார் தெரிவித்தும் பலனில்லை. இதனால் ஆவேசமடைந்த கிராம மக்கள், டிகுளம் பகுதியில் சேதமடைந்த சாலையை துரிதமாக சீரமைக்க வலியுறுத்தியும், விதிமுறைகளை மீறி அதிக பாரம் ஏற்றிச்செல்லும் கல்குவாரி லாரிகள் மீது நடவடிக்கை எடுக்க வலியுறுத்தியும் செட்டிகுளம் ரெங்க நாராயணபுரம் மெயின்ரோட்டில் நேற்று காலை திடீரென மறியலில் ஈடுபட்டனர். இதனால் போக்குவரத்து பாதிக்கப்பட்டதோடு சாலையின் இருபுறமும் வாகனங்களும் அணிவகுத்து நின்றன. தகவலறிந்து விரைந்துசென்ற கூடங்குளம் போலீசார் சமரசப்படுத்தினர். விரைவில் சாலைகளை சீரமைக்க உரிய நடவடிக்கை எடுக்கப்படும் என உறுதியளித்தனர். அதன்பிறகே அனைவரும் அங்கிருந்து கலைந்துச் சென்றனர். இருப்பினும் திடீரென நடந்த சாலை மறியலால் அங்கு சிறிதுநேரம் பரபரப்பு நிலவியது.

    Source Link

    Read more

  • மழை பாதித்த பயிர்களுக்கு நிவாரணம் கோரி திருவேங்கடம் தாலுகா ஆபிஸ் முற்றுகை விவசாயிகள் ஆவேசம்

    Posted by dinakaran on 22 January 2021

    திருவேங்கடம், ஜன. 22:  தொடர் மழையால் பாதிக்கப்பட்ட பயிர்களுக்கு உரிய நிவாரணம் வழங்கக் கோரி திருவேங்கடம் தாலுகா அலுவலகத்தை விவசாயிகள் முற்றுகையிட்டனர்.  தென்காசி  மாவட்டம், திருவேங்கடம் வட்டாரத்தில் மைப்பாறை, வரகனூர், நடுவப்பட்டி,  குருஞ்சாக்குளம், வெள்ளாகுளம், ராமலிங்கபுரம், அத்திப்பட்டி,  ஏ.கரிசல்குளம் உள்ளிட்ட பல்வேறு கிராமங்களில் மக்காச்சோளம்,  பருத்தி, உளுந்து, பாசி போன்றவற்றை விவசாயிகள் அதிக அளவில் சாகுபடி செய்திருந்தனர். கடந்த வாரம் தொடர்ந்து பெய்த மழையால் நீரில் மூழ்கி பயிர்கள் அனைத்தும் அழுகி சேதமடைந்தன. அத்துடன் ஒரு சில பயிர்கள் மீண்டும் முளைக்கத்துவங்கின. இதனால் கடும் பாதிப்புக்கு உள்ளான விவசாயிகள், உரிய நிவாரணம் கோரி முறையிட்டும் பலனில்லை. இதனால் ஆவேசமடைந்த விவசாயிகள், சேதமடைந்த பயிர்களுடன் திருவேங்கடம் தாலுகா அலுவலகத்திற்கு திரண்டுசென்று முற்றுகையிட்டனர். தொடர் மழையால் முற்றிலும் பாதிக்கப்பட்ட பாசி, உளுந்து, மக்காச்சோளம் பருத்தி உள்ளிட்ட அனைத்துப் பயிர்களையும் வருவாய், வேளாண் துறை அதிகாரிகள் கள ஆய்வு நடத்தி ஏக்கருக்கு ரூ.30 ஆயிரம் வீதம் நிவாரணம் வழங்க வேண்டும். கடந்த நிதியாண்டில் பெற்ற பயிர்க்கடன்களை முழுமையாக  தள்ளுபடி செய்ய வேண்டும் என வலியுறுத்தினர். பின்னர் கோரிக்கைகள் அடங்கிய மனுவை  திருவேங்கடம் துணை தாசில்தார் செல்வக்குமாரிடம் வழங்கினர். தேசிய விவசாயிகள் சங்க மாநில தலைவர் வக்கீல் ரங்கநாயுலு தலைமையில் இணைய தள  மாநில அமைப்பாளர் பரம்பக்கோட்டை ராஜ்குமார் முன்னிலையில் நடந்த  இப்போராட்டத்தில் மைப்பாறை கிளை தலைவர் துரைராஜ், வரகனூர் கணபதிசாமி  மற்றும் விவசாயிகள் என திரளானோர் பங்கேற்றனர்.

    Source Link

    Read more

  • ராதாபுரம் ஒன்றிய திமுக இளைஞர் அணி கிரிக்கெட் போட்டியில் வென்றவர்களுக்கு பரிசு

    Posted by dinakaran on 22 January 2021

    ராதாபுரம், ஜன. 22:  திமுக இளைஞர் அணி மாநில செயலாளர் உதயநிதி ஸ்டாலின் பிறந்த நாள் விழாவையொட்டி ராதாபுரம் ஒன்றிய இளைஞர் அணி சார்பில் சமூகரெங்கபுரத்தில் கிரிக்கெட் போட்டி நடந்தது.   இதில் முதலிடம் வென்ற துரைகுடியிருப்பு அணிக்கு ரூ.10 ஆயிரத்தை கிழக்கு ஒன்றியச் செயலாளர் வி.எஸ்.ஆர்.ஜெகதீசும், சுழற்கோப்பையை மேற்கு ஒன்றியச் செயலாளர் ஜோசப் பெல்சியும் வழங்கினர். 2ம் இடம் வென்ற சமூகரெங்கபுரம் அணிக்கு ரூ.7 ஆயிரத்தை  வர்த்தக அணி ஒன்றிய அமைப்பாளர் குமாரும், சுழற்கோப்பையை மாவட்ட துணை அமைப்பாளர் முரளியும் வழங்கினர். 3ம் இடம்பிடித்த வள்ளியூர் அணிக்கு ரூ.4 ஆயிரத்தை முன்னாள் ஒன்றிய கவுன்சிலர் செழியனும், சுழற்கோப்பையை  இளைஞர் அணி ஒன்றிய துணை அமைப்பாளர் இசக்கிபாபுவும் வழங்கினர்.  4ம் இடத்தை பிடித்த சமூகை அணிக்கு ரூ.2 ஆயிரத்தை கலை இலக்கிய அணி ஒன்றிய அமைப்பாளர் கருணைராஜூவும், சுழற்கோப்பையை இளைஞர் அணி முருகனும் வழங்கினர். கிரிக்கெட் போட்டியில் பங்கேற்ற 36 அணியினருக்கும் சீருடைகளை இளைஞர் அணி ஒன்றிய அமைப்பாளர் அனிதா பிரின்ஸ் வழங்கினார்.

    Source Link

    Read more

  • செங்கோட்டை பகுதியில் போலீஸ்காரரை மிரட்டியவர் கைது

    Posted by dinakaran on 22 January 2021

    செங்கோட்டை, ஜன. 22:   தென்காசி மாவட்டம், செங்கோட்டை கண்ணுபுளிமெட்டு பகுதியில் அமைந்துள்ள குண்டாறு அணை முழு கொள்ளளவை எட்டியது. இதையடுத்து அங்கு செல்ல விதிக்கப்பட்ட தடையை அடுத்து செங்கோட்டை இன்ஸ்பெக்டர் ஹரிஹரன் தலைமையில் போலீசார்  கண்காணிப்பு பணியில் ஈடுபட்டுள்ளனர்.  ஐயப்பன் என்ற போலீஸ்காரரும் நேற்று காவல் பணியில் ஈடுபட்டிருந்தார். அப்போது அங்கு ஜீப்பில் வந்த  கண்ணுபுளிமெட்டு பகுதியை சேர்ந்த இசக்கியின் மகன் இசக்கிதுரை (38) என்பவர் அணையின் உள்ளே செல்ல முயன்றார். இதையடுத்து அவரை பணியில் இருந்த ஐயப்பன் அனுமதி இல்லை என்ற விவரத்தை கூறினார். ஆனால், அதை ஏற்க மறுத்த இசக்கிதுரை, அவதூறாக பேசியதோடு பணிசெய்ய விடாமல் தடுத்து கொலை மிரட்டல் விடுத்தாராம். மேலும் ஜீப்பை அவர்  மீது ஏற்ற முயன்றாராம்.  புகாரின் பேரில் வழக்குப்பதிந்த செங்கோட்டை எஸ்.ஐ சின்னத்துரை, இசக்கிதுரையை  கைதுசெய்து கோர்ட்டில் ஆஜர்படுத்தி மாஜிஸ்திரேட் உத்தரவின் பேரில் சிறையில் அடைத்தார்.

    Source Link

    Read more

  • பைக்கில் கஞ்சா கடத்திய வாலிபர்கள் இருவர் கைது

    Posted by dinakaran on 22 January 2021

    நாங்குநேரி, ஜன. 22:   நாங்குநேரி எஸ்ஐ கார்த்திகேயன் மற்றும் போலீசார், நாங்குநேரி ரயில்வேகேட் பகுதியில் வாகன சோதனையில் ஈடுபட்டிருந்தனர். அப்போது அவ்வழியாக வந்த பைக்கில் வந்த இருவரை தடுத்துநிறுத்தியதோடு பைக்கில் சோதனை மேற்கொண்டது. இதில் 250 கிராம் கஞ்சாவை பொட்டலங்களாக பதுக்கி கடத்திகொண்டுவந்தது தெரியவந்தது. தொடர்ந்து நடத்திய விசாரணையில், அவர்கள் தூத்துக்குடி மாவட்டம் சாத்தான்குளத்தைச் சேர்ந்த காசிமுத்து மாணிக்கம் (34),  பேச்சிமுத்து (32) என்பதும் சாத்தான்குளத்தைச் சேர்ந்த கஞ்சா வியாபாரி முத்துராமலிங்கம் என்பவரிடம் மொத்த விலைக்கு வாங்கிக்கொண்டு நாங்குநேரி பகுதியில் விற்பனைக்கு கொண்டுசென்றதும் தெரியவந்தது. இதுகுறித்து புகையிலைப் பொருட்கள் தடுப்பு சட்டத்தின் கீழ் வழக்குப் பதிந்த போலீசார், இருவரையும் கைதுசெய்ததோடு 250 கிராம் கஞ்சா பொட்டலத்தை பறிமுதல் செய்தன

    Source Link

    Read more

  • வாசுதேவநல்லூர் அருகே பாம்பு கடித்து மூதாட்டி பலி

    Posted by dinakaran on 22 January 2021

    சிவகிரி, ஜன. 22:  வாசுதேவநல்லூர் அருகே தேசியம்பட்டி (எ) நாரணாபுரம் பிள்ளையார் கோவில் தெருவைச் சேர்ந்த காசிப்பாண்டி மனைவி கனியம்மாள் (60). விவசாய தொழிலாளியான இவர், சுப்பையாபுரம் அருகே சீதையம்மாள் என்பவரது வயலில்  உளுந்து பயிர்களை அறுவடை செய்யும் பணியில் ஈடுபட்டிருந்தார். அப்போது அங்கு வந்த பாம்பு, அவரை கடித்தது. இதையடுத்து அவரை மீட்ட சக தொழிலாளர்கள் ஆட்டோ மூலம் புளியங்குடி அரசு மருத்துவமனைக்கு அனுப்பி வைத்தனர். ஆனால் செல்லும் வழியிலேயே கனியம்மாள் பரிதாபமாக இறந்தார்.  இதுகுறித்த புகாரின் பேரில் வாசுதேவநல்லூர் இன்ஸ்பெக்டர்(பொ) அலெக்ஸ்ராஜ் வழக்குப் பதிந்து விசாரணை நடத்தி வருகிறார்.

    Source Link

    Read more

  • வி.கே.புரம் கடையில் திருட்டு

    Posted by dinakaran on 22 January 2021

    வி.கே.புரம், ஜன. 22.  வி.கே.புரம் டாணா மேட்டுபாளையம் தெருவைச் சேர்ந்த முஸ்தபா மகன் ரதன் (31).   இவர் வி.கே.புரம் மெயின்ரோட்டில் சமையல்  பாத்திரங்கள், சேர்களை வாடகைக்கு விடும் கடையை நடத்தி வருகிறார். நேற்று முன்தினம் இரவு  வியாபாரம் முடிந்து கடையை பூட்டிச்சென்ற இவர், நேற்று காலை கடைக்கு திரும்பினார். அப்போது கடையின் மேற்கூரையில் வேயப்பட்டிருந்த சிமென்ச் சீட்டை உடைத்து உள்ளே புகுந்த மர்மநபர்கள், பணப்பெட்டியில் வைத்திருந்த ரூ.13 ஆயிரம்  மற்றும் சிசிடிவி கேமரா ரீசிவர் பெட்டி ஆகியவற்றை திருடிச்சென்றது தெரியவந்தது. இதனால் அதிர்ச்சி அடைந்த அவர் கொடுத்த புகாரின் பேரில் விரைந்து வந்த வி.கே.புரம் போலீசார் விசாரணை  நடத்தினர். மேலும் வழக்குப் பதிந்து மர்மநபர்களைத் தேடி வருகின்றனர்.

    Source Link

    Read more

  • கடையநல்லூர் அரசு மகளிர் பள்ளியில் கல்வித்துறை இணை இயக்குநர் ஆய்வு

    Posted by dinakaran on 22 January 2021

    கடையநல்லூர், ஜன.22:   கடையநல்லூர் அரசு மகளிர் மேல்நிலைப் பள்ளியில் கல்வித்துறை இணை இயக்குநர் ராஜேந்திரன் ஆய்வு மேற்கொண்டார்.  கொரோனா பரவல் காரணமாக அடைக்கப்பட்டிருந்த  பள்ளிகள் 10, 12ம் வகுப்பு மாணவர்கள் நலனுக்காக கடந்த 19ம் தேதி முதல் திறக்கப்பட்டன. பல்வேறு வழிகாட்டு நெறிமுறைகளை பின்பற்றி பள்ளிகளை செயல்படுத்துமாறு பள்ளிக்கல்வித்துறை உத்தரவிட்டிருந்தது. அத்துடன் இதற்கான ஆய்வு அலுவலர்களையும் கல்வித்துறை நியமித்திருந்தது.   நெல்லை, தென்காசி, கன்னியாகுமரி மாவட்டங்களுக்கான கண்காணிப்பு அலுவலராக நியமிக்கப்பட்டுள்ள கல்வித்துறை இணை இயக்குநர் ராஜேந்திரன் கடையநல்லூர், இடைகால் பள்ளிகளில் திடீர் ஆய்வு மேற்கொண்டார். பள்ளிகளில் போதுமான தெர்மல் ஸ்கேனர், சானிடைசர் வசதிகள் செய்யப்பட்டுள்ளனவா? என்பதை கண்காணித்த அவர், 10, 12ம் வகுப்புகளில் பயிலும்  மாணவர்களிடம் விவரங்களை கேட்டறிந்தார். இதைத்தொடர்ந்து செய்தியாளர்களிடம் கூறுகையில், ‘‘10, 12ம் வகுப்பு மாணவர்கள் கல்வி பயில ஏதுவாக கன்னியாகுமரி மாவட்டத்தில் 487 பள்ளிகளும், தென்காசி மாவட்டத்தில் 239 பள்ளிகளும், நெல்லை மாவட்டத்தில் 313 பள்ளிகளும் திறக்கப்பட்டுள்ளன. இதையடுத்து தினமும் 20 முதல் 25 பள்ளிகள் வரை ஆய்வு மேற்கொள்ளப்பட்டு வருகிறது. அரசின் வழிகாட்டு நெறிமுறை படி வருகை தந்துள்ள மாணவர்களுக்குத் தேவையான அனைத்து வசதிகளையும் செய்து கொடுக்க தலைமை ஆசிரியர்களுக்கு அறிவுறுத்தி உள்ளேன்’’ என்றார்.  பேட்டியின் போது முதன்மை கல்வி அலுவலர் கருப்பசாமி, மாவட்ட கல்வி அலுவலர்கள் சிதம்பரநாதன், ஜெயபிரகாஷ் ராஜன் உடனிருந்தனர்.

    Source Link

    Read more

  • சுரண்டை பஸ் நிலைய புறக்காவல் நிலையம்

    Posted by dinakaran on 22 January 2021

    சுரண்டை, ஜன. 22:  சுரண்டை பஸ் நிலையம் முன் புதிதாக அமைக்கப்பட்ட புறக்காவல் நிலையத்தை எஸ்.பி. சுகுணாசிங் திறந்துவைத்தார்.  சுரண்டையில் குற்றச்செயல்களை தடுக்கவும், போக்குவரத்தை கண்காணிக்கவும் சுரண்டை பஸ் நிலையம் முன்பாக புறக்காவல் நிலையம் அமைக்கப்பட்டது. இதையொட்டி சென்னை டிஎஸ் குழுமத்தின் சார்பில் 16 கண்காணிப்பு கேமராக்கள், பஸ் நிலைய சாலையில் ஒலிபெருக்கி ஆகியன அமைக்கப்பட்டது. மாவட்ட காங்கிரஸ் தலைவர் பழனி நாடார் மற்றும் ப்ரியா குரூப்ஸ் சார்பில் அமைக்கப்பட்ட இந்த புறக்காவல் நிலையத்தை எஸ்.பி.  சுகுணா சிங் திறந்துவைத்தார். மேலும் கண்காணிப்பு கேமராக்களை இயக்கிவைத்தார். விழாவுக்கு டிஎஸ் குழுமத்தின் சார்பில் ஸ்டீபன் ரத்தீஸ் முன்னிலை வகித்தார். சுரண்டை இன்ஸ்பெக்டர் மாரீஸ்வரி வரவேற்றார். விழாவில் ஆலங்குளம் டிஎஸ்பி பொன்னி வளவன், எஸ்.ஐ.ஜெயராஜ், சிறப்பு எஸ்ஐ செய்யது இப்ராகிம், சுரண்டை வியாபாரிகள் சங்கத்தலைவர் காமராஜ், பொருளாளர் தனபால், துணைத்தலைவர் சிவசக்தி முத்தையா, செய்தி தொடர்பாளர் ராஜகுமார், ஓட்டல் உரிமையாளர்கள் சங்கச் செயலாளர் ஜேக்கப், செல்வக்குமார், ஆபிரகாம், ஜெபராஜ், ஸ்டீபன் ஜெபராஜா, ஜெகன், ஞானராஜ் உள்ளிட்ட ஏராளமானோர் பங்கேற்றனர்.

    Source Link

    Read more

  • பைக் மோதி தொழிலாளி காயம்

    Posted by dinakaran on 22 January 2021

    களக்காடு, ஜன. 22:  களக்காடு அருகே சைக்கிள் மீது பைக் மோதியதில் தொழிலாளி படுகாயடைந்தார். களக்காடு அருகே படலையார்குளம் கீழத்தெருவைச் சேர்ந்தவர் கிருஷ்ணன் (66). தொழிலாளியான இவர், சம்பவத்தன்று களக்காட்டில் பொருட்கள் வாங்கிகொண்டு தனது சைக்கிளில் வீட்டிற்குத் திரும்பிக்கொண்டிருந்தார். அப்போது எதிரே படலையார்குளத்தை சேர்ந்த கிருஷ்ணமூர்த்தி மகன் முத்து என்பவர் அதிவேகமாக ஓட்டி வந்த பைக், கிருஷ்ணன் மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு களக்காட்டில் உள்ள தனியார் மருத்துவமனையில் சேர்த்தனர். புகாரின் பேரில் முத்து மீது களக்காடு போலீசார் வழக்குப் பதிந்து விசாரணை நடத்தி வருகின்றனர்.

    Source Link

    Read more

  • செழியநல்லூர் குளத்தில் பராமரிப்பின்றி உடைந்த மதகால் வீணாக வெளியேறுகிறது தண்ணீர் கண்டுகொள்ளாத அதிகாரிகள்

    Posted by dinakaran on 22 January 2021

    நெல்லை, ஜன. 22:  நெல்லை அருகே செழியநல்லூர் குளத்தில் பராமரிப்பின்றி உடைந்த மதகால் தண்ணீர் வீணாக வெளியேறி வருவதாக விவசாயிகள் குற்றம்சாட்டி உள்ளனர். நெல்லை மாவட்டம் மானூர் ஒன்றியம் கங்கைகொண்டான் அடுத்துள்ள வடக்கு, தெற்கு செழியநல்லூர் கிராமம் உள்ளது. இங்குள்ள செழியநல்லூர் குளத்திற்கு சிற்றாறு மூலம் தண்ணீர் கொண்டு வரப்படுகிறது. மேலும் பருவமழை காலத்தில் காட்டாற்று வெள்ளம் மூலம் குளம் நிரம்பி காணப்படும். செழியநல்லூர் குளத்தை நம்பி சுமார் 1500 ஏக்கர் விளைநிலங்கள் உள்ளன. பருவமழை காலத்தில் கிடைக்கும் தண்ணீரை கொண்டு இப்பகுதி விவசாயிகள் நெல், வாழை பயிர் செய்து வருகின்றனர். ஒவ்வொரு ஆண்டும் பருவமழையை நம்பி விவசாயத்தில் ஈடுபடும் இப்பகுதி மக்களுக்கு விளைச்சல் வீடு வந்து சேரும் கனவு, எப்போதும் கானல் நீராகவே உள்ளது. பொதுப்பணித்துறை அலட்சிய போக்கே இதற்கு காரணமென விவசாயிகள் குற்றம்சாட்டுகின்றனர். செழியநல்லூர் குளத்தில் குடிமராமத்து பணிகள் செய்யாததால், பருவமழை காலத்தில் குளத்தில் தண்ணீர் தேங்கினாலும் சேதமடைந்த மதகுகள் வழியாக மழைநீர் வீணாக வெளியேறுவது வாடிக்கையாகி விட்டதாகவும், இதனால் வாழ்வாதாரம் பாதிக்கப்பட்டு உள்ளதாகவும் புகார் தெரிவித்தனர்.  கடந்த சில வாரங்களாக பெய்த கனமழையால் சிற்றாற்றில் கரைபுரண்ட வெள்ளத்தால், செழியநல்லூர் குளம் நிரம்பி ததும்பியது. குளம் நிரம்பிய மகிழ்ச்சி, அப்பகுதி விவசாயிகளிடம் நீண்டநாள் நீடிக்கவில்லை. சேதமடைந்த மதகுகள், மடைகள் வழியாக பீறிட்டு வெளியேறி வீணாவதால் விவசாயிகள் கவலை அடைந்துள்ளனர். மணல் மூட்டைகள், வைக்கோல் கொண்டு மதகுகளில் ஏற்பட்டுள்ள உடைப்பை விவசாயிகள் அடைத்தனர். இருப்பினும் குளத்தில் இருந்து தண்ணீர் வெளியேறி வீணாவதை தடுக்க முடியவில்லை. இதுகுறித்து விவசாயிகள் கூறுகையில், பருவமழையின் போது செழியநல்லூர் குளத்தில் பெருகும் தண்ணீர் பழுதான மடைகள், மதகுகள் வழியாக வீணாவதை தடுக்க குடிமராமத்து பணிகள் மேற்கொள்ள வேண்டுமென மாவட்ட நிர்வாகம், பொதுப்பணித்துறையிடம் முறையிட்டும் கண்டுகொள்ளப்படாத நிலை தொடர்கிறது. இதனால் தற்போது குளம் நிரம்பியும் மதகுகள், மடைகள் சேதமடைந்து காணப்படுவதால் தண்ணீர் வீணாக வெளியேறி வருகிறது. பருவமழையை நம்பி நெல், வாழை பயிர் செய்துள்ளோம். தற்போது குளத்தில் இருந்து தண்ணீர் வெளியேறுவதால் பயிர்களை பாதுகாக்க மணிக்கு ரூ.200 செலவு செய்து கிணற்றில் இருந்து தண்ணீர் கொண்டு வரும் நிலை ஏற்பட்டுள்ளது, என்றார்.

    Source Link

    Read more

  • வள்ளியூரில் திமுக சார்பில் மக்கள் கிராம சபை கூட்டம்

    Posted by dinakaran on 22 January 2021

    வள்ளியூர், ஜன. 22:  வள்ளியூரில் திமுக சார்பில் நடந்த மக்கள் கிராமசபை கூட்டத்தில் ஞானதிரவியம் எம்.பி. பங்கேற்றார்.  வள்ளியூரில் 10, 11வது வார்டு பகுதிகளில் திமுக சார்பில் மக்கள் கிராமசபை கூட்டம் நடந்தது. வள்ளியூர் புதிய பஸ் நிலையம் எதிரே நடந்த கூட்டத்திற்கு பேரூர் செய்லாளர் சேதுராமலிங்கம் தலைமை வகித்தார். முன்னாள் கவுன்சிலர் இ.எஸ்.கிருஷ்ணன், ஒன்றிய அவைத்தலைவர் சிவராமகிருஷ்ணன்,  இளைஞர் அணி பேரூர் அமைப்பாளர் தில்லைராஜா  முன்னிலை வகித்தனர். சிறப்பு அழைப்பாளராகப் பங்கேற்ற ஞானதிரவியம் எம்.பி., மக்களிடம் கலந்துரையாடி குறைகளைக் கேட்டறிந்து மனுக்கள் பெற்றார். தெற்கு  ஒன்றியச் செயலாளர் செட்டிகுளம் விஜயன், விவசாய அணி மாவட்ட அமைப்பாளர் மாடசாமி, நம்பி சிறப்புரையாற்றினார்.  இதில் மீனவர் அணி மாவட்ட அமைப்பாளர் எரிக் ஜூட், தொண்டர் அணி மாவட்ட துணை அமைப்பாளர் மந்திரம், விவசாயத் தொழிலளார் அணி கே.சி ராஜா, மாவட்டப்    பிரதிநிதி, ஆச்சியூர் ராமசாமி, ராதாகிருஷணன், அன்பரசு, காதர்மைதீன், மாநில பேச்சாளர் பனிபாஸ்கர், மகளிர் அணி பேரூர் அமைப்பாளர் விசாலட்சி, இளைஞர் அணி ஒன்றிய அமைப்பாளர்  முத்துகிருஷ்ணன், மாணவர் அணி துணை அமைப்பாளர் இளங்கோ, பேரூர் துணைச்செயலாளர் நயினார், முன்னாள் கவுன்சிலர் வி.கே ரவி, இசக்கியப்பன், வார்டு செயலாளர்கள் லட்சுமணன், ஆறுமுகம், சுபா நடராஜன், முத்துகிருஷ்ணன், கண்ணன், லாரன்ஸ், சிபா மூர்த்தி, சண்முகவேல், கலை இலக்கிய பகுத்தறிவுபேரவை அண்ணாநகர் மகேஷ், 4வது வார்டு அவைத்தலைவர் அருமைராஜ், செல்லையா, கண்மணி, ஆறுமுகம், கண்ணன், முகமது அலி,  பரமேஸ்வரன்,     தங்கப்பாண்டியன், பாஸ்கர் உள்ளிட்ட ஏராளமானோர் பங்கேற்றனர். 10வது வார்டு செயலாளர் சிவநம்பி நன்றி கூறினர்.

    Source Link

    Read more

  • பரப்பாடி அருகே பரிதாபம் தம்பியுடன் குளிக்கசென்ற சிறுவன் குளத்தில் மூழ்கி பலி

    Posted by dinakaran on 22 January 2021

    நாங்குநேரி, ஜன. 22:  பரப்பாடி அருகே குளத்தில் தம்பியுடன் குளிக்க சென்ற சிறுவன், தண்ணீரில் மூழ்கி பரிதாபமாக இறந்தான்.  விருதுநகர் மாவட்டம், கன்னிசேரி கிராமத்தைச் சேர்ந்தவர் கார்த்திகேயன் (40). தொழிலாளியான இவர் கோவையில் குடும்பத்துடன் தங்கியிருந்து தனியார் ஆலையில் பணியாற்றி வருகிறார். இவரது மனைவி பேச்சிசெல்வி (38). தம்பதிக்கு சபரிகணேஷ் (9), அபினேஷ் (7) என இரு மகன்கள்.  இதனிடையே பேச்சிசெல்வியின் பெற்றோர் நெல்லை மாவட்டம், நாங்குநேரி அருகே பரப்பாடி அடுத்த வேப்பங்குளத்தில் வசித்து வரும் நிலையில் கொரோனா விடுமுறையால் தாத்தா வீட்டிற்கு கடந்த இரு மாதங்களுக்கு முன்னரே சபரிகணேஷ், அபினேஷ் ஆகிய இருவரும் வசித்து வந்தனர்.  கடந்த வாரம் தொடர்ந்து பெய்த மழையால் அந்த கிராமத்தில் உள்ள பாசன குளத்தில் தண்ணீர் நிரம்பியிருந்த நிலையில் நேற்று பிற்பகல் இருவரும் குளிக்கச் சென்றனர். இதில் அங்குள்ள மடை கட்டுமானத்தின் மேலே அமர்ந்தபடி சபரிகணேஷ், துணிகளுக்கு சோப் போட்டபோது நழுவிய சோப், குளத்து மடைக்குள் விழுந்தது. இதையடுத்து அதை எடுக்க குளத்தில் குதித்த சபரிகணேஷ், எதிர்பாராதவிதமாக மடையின் நீர்சூழலில் சிக்கியதோடு தண்ணீரில் மூழ்கினான். இதனால் பதறிய அவனது தம்பி அபினேஷ் அழுதபடி கூச்சலிட்டான். இதை கேட்டு அங்குள்ள வயலில் வேலைபார்த்துக்கொண்டிருந்த தொழிலாளர்கள் விரைந்து வந்து சிறுவனை உயிருடன் மீட்கும் பணியில் ஈடுபட்டனர். ஆனால், அவர்களால் சிறுவனை சடலமாகத்தான் மீட்க முடிந்தது. இதனிடையே விருதுநகரில் சகோதரியின் இல்லவிழாவில் பங்கேற்க வந்திருந்த கார்த்திகேயன், தற்செயலாக வேப்பங்குளம் வந்தபோது தகவலறிந்து சம்பவ இடத்திற்கு வந்து மகனின் உடலைப் பார்த்து கதறி அழுதது நெஞ்சை உருக்குவதாக அமைந்தது.  புகாரின் பேரில் சம்பவ இடத்திற்கு வந்த விஜயநாராயணம் போலீசார், சிறுவனின் உடலை கைப்பற்றி நாங்குநேரி அரசு மருத்துவமனைக்கு பரிசோதனைக்காக அனுப்பிவைத்தனர். மேலும் இதுகுறித்து வழக்குப் விசாரணை நடத்தி வருகின்றனர்.

    Source Link

    Read more

  • நெல்லை - ஆலங்குளம் சாலையில் பேட்ஜ் ஒர்க் பணிகள் துவக்கம்

    Posted by dinakaran on 21 January 2021

    நெல்லை, ஜன. 21:  நெல்லை- ஆலங்குளம் இடையே நெடுஞ்சாலையில் மழையால் பாதிக்கப்பட்ட பகுதிகளை சீரமைக்கும் பணிகள் நேற்று ெதாடங்கியது. நெல்லை மாநகர பகுதியிலும், நெல்லையில் இருந்து தென்காசி செல்லும் சாலையும் மோசமாக காட்சியளிக்கிறது. சமீபத்தில் பெய்த மழை காரணமாக சாலையில் ஆங்காங்கே பள்ளங்கள் தோன்றி, எங்கு பார்த்தாலும் குண்டும், குழியுமாக தெரிகின்றன. ஆலங்குளம் சாலையில் மேடு பள்ளங்களில் வாகனங்கள் துள்ளி குதித்து செல்வதால், ரப்பர் சாலை  என சமூக வலைத்தளங்களில் விமர்சனங்களும் எழுந்தன.  இந்நிலையில் நெடுஞ்சாலைத்துறையினர், அச்சாலையில் பள்ளமான பகுதிகளில் பேட்ஜ் ஒர்க் பணிகளை மேற்கொள்ள முன்வந்துள்ளனர். பழையபேட்டை செக்போஸ்ட் தொடங்கி மாறாந்தை வரை 14 கிமீ தூரத்திற்கு இப்பணிகள் நடக்கவுள்ளன. நேற்று இப்பணிகள் தொடங்கிய நிலையில் முதலில் பள்ளம் விழுந்த இடங்களை நிரப்பிவிட்டு, அதை தொடர்ந்து தார் போடும் பணிகள் நடக்க உள்ளன. வருகிற 29ம் ேததி நெல்லை- தென்காசி சாலையை நான்கு வழிச்சாலையாக மாற்றுவதற்கு டெண்டர் விடப்படுகிறது. எனவே தற்காலிகமாக நெடுஞ்சாலைத்துறை சார்பில் பேட்ஜ் ஒர்க் பணிகள் மேற்கொள்ளப்பட்டு வருகின்றன. நெல்லை மாநகரை பொறுத்தவரை டவுன் பகுதி சாலைகள், தற்போது குடிநீர் குழாய்கள் பதிக்கவும், பாதாள சாக்கடை குழாய்கள் பதிக்கவும் சம்பந்தப்பட்ட துறைகளிடம் ஒப்படைக்கப்பட்டு உள்ளது. அப்பணிகள் நிறைவு பெற்ற பின்னர் நெடுஞ்சாலைத்துறை சாலையை சீரமைக்க நடவடிக்கை எடுக்கப்படும் என தெரிகிறது.

    Source Link

    Read more

  • சுரண்டையில் திமுக கூட்டணி கட்சிகள் ஆலோசனை கூட்டம்

    Posted by dinakaran on 21 January 2021

    சுரண்டை, ஜன. 21:  திமுக கூட்டணி கட்சிகளின் ஆலோசனை கூட்டம் சுரண்டையில் நடந்தது.  சுரண்டையில் உள்ள மாவட்ட காங்கிரஸ் அலுவலகத்தில் நடந்த இக்கூட்டத்திற்கு தெற்கு மாவட்ட திமுக செயலாளர் வக்கீல் சிவபத்மநாதன் தலைமை வகித்தார். காங்கிரஸ் மாவட்டத் தலைவர் பழனி நாடார் முன்னிலை வகித்தார். இதில் டெல்லியில் குடியரசு தினத்தன்று டிராக்டர் பேரணி நடத்தும் விவசாயிகளை ஆதரித்து தென்காசியில் 26ம் தேதி காலை 10.30 மணிக்கு இருசக்கர பேரணி நடத்துவது. அதாவது தென்காசி ஆசாத் நகரில் இருந்து புது பஸ் நிலையம் வரை நடைபெறும் இப்பேரணியில் ஆயிரக்கணக்கானோரை தேசியக் கொடியுடன் மட்டுமே  பங்கேற்கச் செய்வது. பேரணி நிறைவில் தேசிய கொடி ஏற்றுவது என தீர்மானிக்கப்பட்டது. கூட்டத்தில் திமுக சார்பில் கலை இலக்கிய பேரவை எழில்வாணன், ஒன்றியச் செயலாளர் சீனித்துரை, ஜெகதீசன், சுரண்டை பேரூர் செயலாளர் ஜெயபாலன், காங்கிரஸ் சார்பில் சுரண்டை நகரத் தலைவர் ஜெயபால், மாநில பேச்சாளர் பால்துரை, செல்வம்,பிரபு, மதிமுக  நிர்வாகிகள் ராஜேந்திரன், ராமகிருஷ்ணன், துரைமுருகன், முத்துபாண்டியன், வக்கீல் சுப்பையா, ஆறுமுகச்சாமி, மார்க்சிஸ்ட் நிர்வாகிகள் குணசீலன், தங்கம், வேலுமயில், இந்திய கம்யூனிஸ்ட் நிர்வாகிகள் இசக்கி துரை, ஐயப்பன், பரமசிவம், இந்திய யூனியன் முஸ்லிம் லீக் நிர்வாகிகள் இக்பால், முகமது அலி, விசிக மணி, மமக  ஷாஜகான், சாகுல் ஹமீது, ஆதித்தமிழர் பேரவை கலிவருணன், அசோக், தென்னரசு, சமத்துவ மக்கள் கழக நிர்வாகிகள் லூர்து நாடார், ஜெயராஜ், அகில இந்திய பார்வர்ட் பிளாக் நிர்வாகிகள் தங்கபாண்டியன், முத்துபாண்டியன், தமிழக வாழ்வுரிமை கட்சி கணேசன், முருகன், மக்கள் விடுதலை கட்சி சார்லஸ் குமார், சக்திவேல், ராஜஇளங்கோ, முருகையா உள்ளிட்ட கூட்டணிக் கட்சி நிர்வாகிகள் பலர் பங்கேற்றனர்.

    Source Link

    Read more

  • சுரண்டையில் திமுக கூட்டணி கட்சிகள் ஆலோசனை கூட்டம்

    Posted by dinakaran on 21 January 2021

    சுரண்டை, ஜன. 21:  திமுக கூட்டணி கட்சிகளின் ஆலோசனை கூட்டம் சுரண்டையில் நடந்தது. சுரண்டையில் உள்ள மாவட்ட காங்கிரஸ் அலுவலகத்தில் நடந்த இக்கூட்டத்திற்கு தெற்கு மாவட்ட திமுக செயலாளர் வக்கீல் சிவபத்மநாதன் தலைமை வகித்தார். காங்கிரஸ் மாவட்டத் தலைவர் பழனி நாடார் முன்னிலை வகித்தார். இதில் டெல்லியில் குடியரசு தினத்தன்று டிராக்டர் பேரணி நடத்தும் விவசாயிகளை ஆதரித்து தென்காசியில் 26ம் தேதி காலை 10.30 மணிக்கு இருசக்கர பேரணி நடத்துவது. அதாவது தென்காசி ஆசாத் நகரில் இருந்து புது பஸ் நிலையம் வரை நடைபெறும் இப்பேரணியில் ஆயிரக்கணக்கானோரை தேசியக் கொடியுடன் மட்டுமே  பங்கேற்கச் செய்வது. பேரணி நிறைவில் தேசிய கொடி ஏற்றுவது என தீர்மானிக்கப்பட்டது. கூட்டத்தில் திமுக சார்பில் கலை இலக்கிய பேரவை எழில்வாணன், ஒன்றியச் செயலாளர் சீனித்துரை, ஜெகதீசன், சுரண்டை பேரூர் செயலாளர் ஜெயபாலன், காங்கிரஸ் சார்பில் சுரண்டை நகரத் தலைவர் ஜெயபால், மாநில பேச்சாளர் பால்துரை, செல்வம்,பிரபு, மதிமுக  நிர்வாகிகள் ராஜேந்திரன், ராமகிருஷ்ணன், துரைமுருகன், முத்துபாண்டியன், வக்கீல் சுப்பையா, ஆறுமுகச்சாமி, மார்க்சிஸ்ட் நிர்வாகிகள் குணசீலன், தங்கம், வேலுமயில், இந்திய கம்யூனிஸ்ட் நிர்வாகிகள் இசக்கி துரை, ஐயப்பன், பரமசிவம், இந்திய யூனியன் முஸ்லிம் லீக் நிர்வாகிகள் இக்பால், முகமது அலி, விசிக மணி, மமக  ஷாஜகான், சாகுல் ஹமீது, ஆதித்தமிழர் பேரவை கலிவருணன், அசோக், தென்னரசு, சமத்துவ மக்கள் கழக நிர்வாகிகள் லூர்து நாடார், ஜெயராஜ், அகில இந்திய பார்வர்ட் பிளாக் நிர்வாகிகள் தங்கபாண்டியன், முத்துபாண்டியன், தமிழக வாழ்வுரிமை கட்சி கணேசன், முருகன், மக்கள் விடுதலை கட்சி சார்லஸ் குமார், சக்திவேல், ராஜஇளங்கோ, முருகையா உள்ளிட்ட கூட்டணிக் கட்சி நிர்வாகிகள் பலர் பங்கேற்றனர்.

    Source Link

    Read more

  • சுரண்டையில் தேமுதிக சார்பில் எம்ஜிஆர் பிறந்த நாள் விழா

    Posted by dinakaran on 21 January 2021

    சுரண்டை, ஜன. 21:  சுரண்டையில் தேமுதிக சார்பில் எம்ஜிஆர் பிறந்த நாள் விழா நடந்தது. நெசவாளர் அணி மாநில செயலாளர் கோதை மாரியப்பன் தலைமை வகித்தார். தலைமைச் செயற்குழு உறுப்பினர் வெற்றிவேல், மாவட்ட அவைத்தலைவர் முத்துக்குமார், சுரண்டை பேரூர் அவைத்தலைவர் சமுத்திரகனி முன்னிலை வகித்தனர். சுரண்டை நகரச் செயலாளர் கருப்பு நிலா கணேசன் வரவேற்றார். இதையடுத்து இளைஞர் அணி மாநில துணைச்செயலாளர் நடிகர் ராஜேந்திரநாத், எம்ஜிஆர் சிலைக்கு மாலை அணிவித்து மரியாதை செலுத்தி மக்களுக்கு இனிப்பு வழங்கினார். இதில் மாவட்டச் செயலாளர் கனகராஜ், சுரண்டை நகர பொருளாளர் ராமச்சந்திரன், கீழப்பாவூர் ஒன்றியச் செயலாளர் உதயகுமார், விவசாய அணி மாவட்டச் செயலாளர் சாமி, மகளிர் அணி துணைச் செயலாளர் ராஜேஸ்வரி, மாலதி, இளைஞர் அணி மாவட்ட துணைச்செயலாளர் தர்மலிங்கம், சுரண்டை நகர முன்னாள் செயலாளர் சேர்மன், மகளிர் அணி ஜெயா, சரண்யா, ஆனைகுளம் ஊராட்சி செயலாளர் தங்கதுரை, கற்பகராஜ், சுரேஷ், விஜயன், செந்தில்குமார் திருமலைக்குமார் உள்ளிட்ட ஏராளமானோர் பங்கேற்றனர்.

    Source Link

    Read more

  • ராதாபுரம் தொகுதியில் புதிய சாலைகள் அமைப்பு பணி இன்பதுரை எம்எல்ஏ துவக்கிவைத்தார்

    Posted by dinakaran on 21 January 2021

    பணகுடி, ஜன.21:  ராதாபுரம் தொகுதி, கூடங்குளம் 4 வழிச்சாலை சந்திப்பு முதல் ராதாபுரம் வரை ரூ.33 லட்சம் மதிப்பீட்டில் புதிதாக பேவர் பிளாக் சாலை அமைக்கும் பணிகளை  இன்பதுரை  எம்எல்ஏ துவக்கிவைத்தார். இதேபோல் கொத்தங்குளம் முதல் அரசர்குளம் வரை ரூ.16 லட்சம் மதிப்பீட்டில் புதிய சாலை அமைப்பதற்கான பணிகளையும் அடிக்கல் நாட்டி துவக்கிவைத்தார். நிகழ்ச்சிகளில் அதிமுக ராதாபுரம் மேற்கு ஒன்றியச் செயலாளர் அந்தோனி அமல்ராஜா, விஜயாபதி வேளாண்மை கூட்டுறவு சங்கத்தலைவர் சுரேஷ்குமார், ஒன்றிய பொருளாளர்  துரைசாமி, ஜெ. பேரவை செயலாளர் சாமுவேல், நிர்வாகிகள் கபாலி, தமிழ்செல்வம், லிங்கதுரை , சுமித், மணிகண்டன், வினேஸ்ராஜா மணிகண்டன், அம்பிகாபதி, நாராயணன் பங்கேற்றனர்.

    Source Link

    Read more

  • வெள்ள சேத கணக்கெடுப்பு பணி இந்த வாரம் முடியும்

    Posted by dinakaran on 21 January 2021

    நெல்லை, ஜன. 21: நெல்லை மாவட்டத்தில் வெள்ள சேத கணக்கெடுப்பு பணிகள் இந்த வாரத்தில் முடிவடையும் என கலெக்டர் விஷ்ணு தெரிவித்தார். இதுகுறித்து நெல்லையில் கலெக்டர் விஷ்ணு நிருபர்களிடம் கூறியதாவது: நெல்லை  மாவட்டத்தில் மழை, வெள்ள சேதம் குறித்து வேளாண்மை துறையினர்,  வருவாய்த்துறையினர், புள்ளியியல் துறையினர் இணைந்து கணக்கெடுப்பு நடத்தி  வருகின்றனர். மானூர் பகுதியில் பயறு வகைகள் சேதம் அடைந்துள்ளது. தற்ேபாது வயல்களில் தேங்கியிருந்த தண்ணீர் வடிந்து விட்டது. இதனால் நெற்பயிர்களுக்கு  பெரிய அளவுக்கு சேதமில்லை. நெல்லை மாவட்டத்தில் மொத்தம் 18 கூட்டுக்  குடிநீர் திட்டங்களில் 6 கூட்டுக் குடிநீர் திட்டங்கள் மூலம் குடிநீர்  விநியோகம் மீண்டும் தொடங்கப்பட்டுள்ளது. மாஞ்சோலை பகுதியில் இயல்பு நிலை  திரும்பியுள்ளது. வெள்ள சேத கணக்கெடுப்பு பணிகள் இந்த வாரத்தில்  முடிவடையும்.

    Source Link

    Read more

To Top To Top